ياحظ من عنده عجوز ...... وشايب
يــــا حظ من عنده عجـوزٍ وشايـب وإلا حدى الاثنين يا ســــــعد عينـه وجودهم يجلـــى النكد و الصعــايـب و يـــا حظ من يـدرك حدى والدينــه ابوٍ كبير و له علومِ طــــــــرايب و كل المـــــراجل حازها في يمينـــه و أمٍ إلى شافه تهـــــون المصــاعــب تسعــــــــد بـبرّه لو يقبل جبينــه ترفع يدينه للولي بالمطـــــــــالب و ترجـــي ولي العرش يسعد سنينــــه أقدامها تحتـــه جنــــانٍ رطايــب و أبــوك عـزّه في توالــــي سنينـــه و بيتٍ بدون كبــار مثل الخــــرايـب و اللي فقـــــــدهم قولوا الله يعينـه نـــور البيـوت و يجمعــون الحبايـب وكل السلـــــوم الطيبــة جامعينـه فيهم لقسوات الليـــــالي غلايــب مروضيـــــن الوقت ومطوعينـــه اخضــــع لهم و إنذل إن كنت راغــب في جنــــــــةٍ يا علّنا ساكنينــه و ازرع و تجنــــي لكل شيٍ عقـايب وكلٍ يبـــي ياخـذ على قد دينـــه و احــــذر تقول أجيب واحد يراقــب و يخــــــدم أبــوي وراتبه دافعينـه وأمـــك تقول الخادمــة له تواضـــب بغريفـــــــــةٍ بالحوش ومكرمينــه لعيونـــنا كم جــت لهم من متاعــب ووقتٍ شحيـــــح وليلهـم ساهرينــه و مهما نســوّي لأجلهم فهـو واجــب شيءٍ قليـــــــل وحقهم هاضمينـه!! اغنـــــم زمانك قبل جمع الكسايــب يا سعـــد منهو بــر في والدينــــه .. مما راق لى .. |
يــــا حظ من عنده عجـوزٍ وشايـب
صح لسانك وصدق من قاله |
صح بدنك وشكرا ع المرور المميز..
|
فعلا يابخت من عندة عجوز وشايب يكفي ان بشوفتهم تنجلي كل الهموم الله يساعدنا على برهم ورضاهم الحي منهم والميت محمد دمت بود ودام ابداع ذوقك |
،،مخاوية الليل،،
دمتي بسلام ،، شرفتيني بمروركي الجميل.. |
و مهما نســوّي لأجلهم فهـو واجــب
شيءٍ قليـــــــل وحقهم هاضمينـه!! اغنـــــم زمانك قبل جمع الكسايــب يا سعـــد منهو بــر في والدينــــه اللهم أطل عمري في خدمة والديني .. شكراً أخوي لاهنت |
ربي يعطيك العافيه ,.,.,
دمت بود |
الله على الأبيآآت الروووعه ،،
كلمآآتهآآ عذبه وتحمل معآآني جداً جميله ،، أسأل الله أن يرزقنآ برّ وآلدينآآ ،، شكراً على الإنتقآآء العذب . |
الله يرزقنا البر والإحسان بأمهاتنا وآبآئنا ..
قصيده روعه في معانيهآ لاهنت على نقلها وصح لسانك ولسان شاعرها .. |
صــــــــــح لـــــســـــــــــانـــــــــكــــ
|
الساعة الآن 06:12 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين