المتقدمين على وظيفة "ملحق" بوزارة الخارجية 2010 - عاجل ظهور النتائج (رد رقم 178)
السلام عليكم ورحمة الله وبركاته
فترة طويلة جداً عدت علي كان عندي استفسارات كثيرة جداً بخصوص الوظيفة ، للأسف 5% من المعلومات الموجودة صحيحة والباقي خاطئ . وزارة الخارجية وحسب استنتاجي ومراجعتي لمواضيع السنوات الماضية وقبل الماضية ، وجدت فيه تغييرات سواءا في طريقة التقديم او الاختبارات . عموماً ، اتمنى يكون موضوعي مرجع لنا جميعاً ، وراح اوافيكم بكافة تفاصيل التقديم . أولاً : ضبط ملفك بالكامل "ملف اخضر علاقي" ، ولازم يكون اول ورقتين هي طلب التوظيف الموجود بموقع وزارة الخارجية بعد طباعتها بالحاسب الآلي . ثانياً : يجب أن تكون صورتي شهادة التخرج عليها ختم "صورة طبق الأصل" "أو ختم الجامعة" والجهة الوحيدة اللي تصدق من عندها صور الشهادات هي الجامعة المصدرة منها ، وشفت ناس كثير رجعوا بسبب صور الشهادات غير المصدقة . "لازم يكون ختم الجامعة موجود" ثالثاً : عدد المتقدمين كبير جداً ، لذلك انصحكم بالحضور في وقت مبكر الى مبنى الوزارة "عند ميدان البيعة" بعد المنطقة التاريخية بالبلد - جدة . رابعاً : تأكدوا من التخصصات المطلوبة ، لاحد يقول عندي خبرة وعندي شهادة ، بتوقف على الفاضي وبتطلع وبيرجعونك ، وبتتعب نفسك 3 ساعات وقفة على الفاضي . خامساً : بعد التقديم بتحصل على ورقة تخولك لدخول الاختبار المقام بجامعة الامام محمد بن سعود بالرياض ، مكتوب فيها اسمك وتخصصك ومكان التقديم ، وفيها صورتك مختومة بختم وزارة الخارجية . اخيراً، اتمنى اللي عنده معلومات عن طريقة الاختبار هل هو اختيارات ام مقالي ، كيف طريقته بالتفصيل . طبعاً مانبي معلومات الوظائف الاخيرة اللي هي "باحثة دولية " ، عرفنا طريقة اختبارهم لكن نبي معلومات من اللي مروا بتجارب سابقة بوظيفة ملحق ودخلوا الاختبار ، وشو كانت طبيعة الاسئلة ؟ وكيف كان اختبار اللغة ؟ وكم وقت الاختبار ؟ وعدد الاسئلة .. اتمنى توافونا وتساعدونا ياشباب ، مشكورين ، واي استفسار عن التقديم انا حاضر . تحياتي . |
آلوظائف بتكون على آلمرتبه آلسادسه صحيح ؟
لكن كم بتكون روآتبها ؟ وطرحك جميل آخوي |
اشكرك اخوي على طرحك الرائع انا حاولت ابحث بكل الطرق عن اي معلومات لكن للاسف مالقيت اي شئ يكون فيه اي فائده عكس البنات الي لاحظته انهم يتفاعلون مع بعضهم ويفيدون بعضهم بالمعلومات في مثل هالمواضيع اتمنى يكون موضوعك مرجع لنا كلنا لفائده وتكون نقطة تجمع واشكرك جزيل الشكر على تعاونك الجميل والمفيد راح اقدم بكره والله كريم ان شاء الله |
للفائده موضوع قد ذكر سابقا هنا للعضو نقطة ضوء اقتباس:
اقتباس:
|
ياليت للي راح في الرياض يخبرنا عن الاجواء كيف :)
والشي الثاني ... كم عددد الوظايف ؟؟!!! وما قالوا يفرق اللي معه خبرات او دورات ؟؟! |
اقتباس:
والله انا توني جاي من عندهم يارجال ماخذ مني غير زحمه الرياض طبعا ماخذ مني عندهم من وقت الا تقريبا ربع ساعه سلمتهم الاوراق ورجعو ملفي الاخضر حتى اني مستغرب مافي متقدمين كثير الي قبلي و بعدي مايجووون تقريبا 6 متقدمين وعطوني ورقة لدخول الاختبار وبس ولا قالو ولا يعرفون تفاصيل كثيره |
شباب هل هم فعلا متقيدين بشروط المعدل مثلا بحيث انه لايقل عن جيد ... يعني فرضا لو جا واحد اقل من ذلك بيقبلونه ولالا ...
|
شباب هل هم فعلا متقيدين بشروط المعدل مثلا بحيث انه لايقل عن جيد ... يعني فرضا لو جا واحد اقل من ذلك بيقبلونه ولالا ...
|
[align=center] اقتباس:
الصراحه يا خوي الي مسجل قدامي كان تقديره مقبول وقالو له للاسف انت مخالف للشروط والله يوفقك ان شاء الله وبالتوفيق [/align] |
السلام عليكم
- الوظيفة يقال انها على المرتبة "السابعة" وليس السادسة . - طبعا لا ننسى بدل تمثيل وتأمين طبي لك ولأسرتك ، بامكانك اكمال الدراسات العليا على حساب وزارة الخارجية. كذلك ، المتقدمين اللي يسألون عن الشروط يا اخوان مافيها اي تجاوز ، ويتم مراجعة الاوراق أكثر من مرة للتأكد من التخصص والمعدل والاوراق المقدمة . اقل من جيد غير مقبول ، ولو كان تقديرك ممتاز مع مرتبة الشرف في تخصصات ثانية غير المطلوبة - ما بيقبلونك - لأن الوزارة عارفة احتياجها . اما الاخ اللي يسأل عن الدورات والخبرات وهل هي تفرق او لا ، فانا اتوقع ان هذا بيكون درجة ثانية في المفاضلة ، مثلاً .. حصل 2 على نفس النسبة بالاختبار ، وجميعهم نسبتهم تؤهلهم للقبول ، فيتم المفاضلة فيما بينهم بالدورات والخبرات . يعني الاختبار الان هو الأساس حسب جميع المعلومات اللي سمعتها . عموماً ، خلونا نطلع من موضوع التقديم الآن ، امامنا 25 يوم تقريباً على الاختبار التحريري . الاخ اللي ذكر فوق طريقة الاختبار ، هذا اختبار ماقبل السنة الماضية ، يعني عام 1429هـ ولو تلاحظ باختبار عام 1430هـ ، الاختبار غير بنسبة 50% . لذلك ، انا عندي سؤال ، واللي يقدر يجاوبني عليه بيفيدني كثير .. بخصوص الاسئلة السياسية والجغرافية والتاريخية ، "مثلاً : من اول وزير خارجية سعودي؟" هل بيكون في مثل هذه الاسئلة اختيارات ؟ او جواب مقالي تماماً ؟ يا اخوان اتمنى المتقدمين يثرون الموضوع شوي ، ويعطونا مما عندهم من معلومات . شكراً لكم جميعاً |
الساعة الآن 11:34 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين