|
ّ انا حيران ومبهذل وعايش في قلق نفسي ،`~
أسعد الله صبآحكم/مسآئكم بالخير والسعآده ،، صرآحة جمعت لكم بعض الأبيآآت التي كثيراً أقدّرهآ ،، روح ياخوان ما عندك ضمير استدار الوقت وكشفلي هواك يوم تجفاني وانا قلبي خطير قاسين قلبك وتصمل في جفاك ليه تحرقني على صلي السعير مرهيٍ بالزين يوم الله عطاك يوم تغليني وتتكرني اسير عذرك الفاشل ينقّص مستواك ما دريت ان الليالي تستدير واستدارت لين وصلت لي منتهاك متعب قلبي على شارع عسير اتعنى لجل اشوفك من غلاك يوم فرقانا عليك امر يسير ليه ما بينت غاياتك ومناك من تشاور في هواي وتستشير وقلبي المجروح حبك واهتواك ***** ألا ياعيوني أبكي الزين ياعين هلي دموعك ياعيون الشقاوي البعد مايمنع قلوب المحبين قربه وبعده للحبيب متساوي يما عانيت وراح ياكامل الزين ماني على فرقاك يازين قاوي أرحم لحال مولعن يا أريش العين اللي أبتلى بالزين يسهر خلاوي محدِ صبر صبري ولا الناس دارين قلي وش انت يا أريش العين ناوي أنا جريح ولجلك الجرح جرحين الله يصبرني على ذي البلاوي ***** أمسي بهمي وأصبح الصبح بي زود ودموع عيني يالغضي يذرفني والحال مني غادين كنه العود سلبت عقلي ياهوى البال مني أسهر طوال الليل والعالم رقود وأعيش في ذكرى ليالي مضني لاخفت من ربك ولا خفت منقود وعقب الغلا واللي مضا تمتحني جازيت من يوليك يازين بصدود وأصبحت حتى شوفتي لك تمني أذكر زمانن فات ياجعله يعود يومك تجيني تبعد الهم عني بيني وبينك ياهوى بالي عهود وماهو بحقن تخلف اليوم ظني ***** الا يالله يا عالم بحالي تزيل الهم عن قلبي تزيله خذت منى الليالي اعز غالي تفارقنا ولا باليد حيله سهرت ايام مع عدّ الليالي وحالي من سبايبهم عليله على الوقت يا مشكاي مالي الا يالله عدّل كل ميله كفانا الله من شر الليالي وياما فرقت خل وخليله الا ليت البكى بيرد غالي لسيل واديٍ ما سال سيله واصيح صياح من صابه هبالي على اللى نافلٍ بالزين جيله الا يا عين منك عزتالي على العلّه تزيدينه مليله ***** يا قلب انسي اللى نساك وتحداك انساه وانسى الذكريات القديمه طاوعت فيك كل العواذل وخلاك باعك لاهل القلوب النميمه بانساه وانسي اليوم كل ذكراه واترك الحب واترك جحيمه واليوم ياخاين لو تمسح اخطاك نفسي عزيزه ماتداني الظليمه من اولٍ غالي والروح تفداك واليوم مالك عندنا ولا قيمه ***** يالله ياللى من ترجاك ماخاب يامن عليه اشكي مشاكل حياتي افرج لمن هو من الغرابيل ما طاب دايم عيونه بالخفى ساهراتي البارحه ممسيت والدمع سكّاب يحرم على عيني لذيذ المباتي عزّي لمن مثلي عن حبيّبه غاب مالوم من يشكي حبيبه سواتي انا وان شكيته عند ربعي والاصحاب وان جيت ابسكت ما قويت السكاتي شعلٍ عيونه تطلق سهوم وحراب وسنه ما غير اربع وعشر سنواتي له مبسمٍ كن العسل داخله ذاب وريقه دواء لجروحي الخافياتي حبه مكن بالقلب ماني بكذاب واعز الله اني منه قربت وفاتي انا جريح القلب والزين الاسباب وارجي عسى المعبود يحسن مماتي ***** أخيراً ،، انا حيران ومبهذل وعايش في قلق نفسي عسى ربي يبدل لي همومي والحزن افراح سواد الليل صادقني ولا يرضى عليّ امسي يبني من غياب الشمس انادم ظلمه الاصباح ضحكت وقلت له حاضر وقلت لخافقي يرسي عسى القى به اللي ما لقيته في زمانٍ راح الي مني نظرت لحالتي قلت آه يا تعسي الا يا حسرتي نور الامل في ناظري ما لاح ولكن ما تمنيته من اللي يتضّح عكسي وزادت دمعه اشواقي وزادت بالخفوق جراح غرست الحب بجذوره وليته فادني غرسي وجاب اللي من اسبابه خفوقي ما قوى يرتاح آسف على الإطآآله وأرجوا أن تحوز على رضآكم ،، ممآ رآق لي . |
العقيد نايف
تسلم على الابيات المختارة |
اقتباس:
أخووي فضل ،، شرفت متصفحي بتوآجدك وردّك العذب ،، لاهنت ولاحرمنآ الله منك ،، دمت بخير . |
يعطيك العافيه اخوي " العقيد نايف " وتسلم يمينك ع الأنتقاء الجميل والمميز .. الا ليت البكى بيرد غالي لسيل واديٍ ما سال سيله واصيح صياح من صابه هبالي على اللى نافلٍ بالزين جيله الا يا عين منك عزتالي على العلّه تزيدينه مليله دمت بخير .. |
ربي يعطيك العافيه "رائـعه
انتقاء عـذب ... دمت بود وحفظ من الرحمن |
رائع
بوركت |
الله عليك يا العقيد
على الذائقة الجميل والرآئعه أهنيك على ذووووقكـ المميز،، تحياتي لك../ |
العقيـــدنايف
وعليكم السلام ورحمةالله وبركاته’’ كل شعراًيخاطب احاسيسنا’نفتقده’عندما’تضيق بناالاحلام’’ مقطوعات’’رائعه’جداً,,..وبالتحيد’الرابعه’’, ,متجددت الإحساس.......وأختيارك موفق في العنوان’’ عظيم الإحترام |
اقتباس:
ربي يسعدك ،، دمتي بود. اقتباس:
الأروع توآجدك في متصفحي ،، ربي يسعدك ويوفقك . اقتباس:
ربي يسعدك ويوفقك ،، دمتي بخير. اقتباس:
أشكرك على المرور الكريم ،، لاحرمني الله منك ،، دمت بخير. اقتباس:
أسعدني مرورك وعذب ردّك ،، ربي يسعدك ،، لك تقديري وإحترآمي. |
يعطيك الف عافية .. (:
قصائد بمنتهى الروعة احاسيس مرهفة انسابت بهدوء وصيغت بحروف ممزوجة بالجمال والرقة دام لك احساسك الجميل تقديري....:ash: |
| الساعة الآن 10:52 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين