|
قصيدة لا تفوتكم
وش عاد يا دار ٍ بها صار ( توطين ) *** و في مكتب التوظيف سوسن و ميسون !
مديرهم مدحت و نائبْته نسرين *** و على الرسبشن حمّص و فول و زيتون ! كل ما اتصلت اسمع ( ألو مرحبا مين ؟ *** بدّك وظيفه ؟ .. مين دلّك على هون ؟ ) اقول انا لي اتصل صار شهرين *** و انتوا وعدتوني متى بس توفون ؟ اسمي ( مواطن ) ( جامعي ) طيب و زين *** كني ابخطب عندكم و اتّغلون ! عندي شهاده طايحه بجبدي سنين *** عشش عليها شي له ستة عيون !! لو للشهاده لسان قالت ( على وين *** ناوي توديني .. تلف فيني الكون ؟ ) من كثر ما صورتها غارق بدين *** للهندي راعي المطبعه صرت مديون لا ليلي ليل ولا نهاري نوى يبين *** دقيت راسي لين ما صرت مينون ! مطلوب خبره عالأقل في مجالين *** ولا تجينا بواسطه و سير مدهون ! ولا انثبر في بيتك .. افرك بكفين *** يومك يشابه امسك و عيش مغبون تعدادنا ويّاهم اربع ملايين *** و اهل البلد للحين ما صاروا مليون !! ويلاه من باكر اذا وضعنا الحين *** و احنا اقل من الربع حالنا شجون ! و اللي ابتسم له حظه والله مسكين *** حصّل وظيفه .. بس في وين .. تدرون ؟ ساكن في راس الخيمه حطوه في العين *** و اللي سكن في الذيد في السلع مدفون ! يشوف اهله بس في الأسبوع يومين *** و اذا حسبتوا الدرب كم ساعه .. تبكون يعني في كل احواله ذاق الأمرين *** شغّال محزون و بلا شغل محزون و الأجبني اللي راتبه فوق عشرين *** فله و سياره و تذاكر .. و طاعون عنده بدل كل شي عالراتب ألفين *** حتى بدل معجون اسنان و صابون ! و من بعد ما يجمع من بلادي فلسين *** و يربّي من القعده على الكرسي بطون و يصير في بلاده غني و عنده برجين *** يرحل و هو جاحد .. و كم مثله ملعون ! و حتى الجماعه قوم مدحت و نسرين *** مردّهم لبلادهم لو يطولون يرضون بشوية دراهم .. و شفتين *** صبح و عصر .. لو حتى في الليل يرضون بس لو سمعتوا همسهم بينهم بين *** وسط القهاوي يلعنون و يسبون ! لا تحسبوني عنصري .. كلنا طين *** و الخل لو عاتب محبينه يمون داري و انا اولى بها من الغريبين *** ما يوصلون لحبها لو يموتون و ( الأقربون أولى ) .. كلام ٍ من الدين *** ما جبته من شعري مع الهام و ظنون ولد البلد ما يبغي لبلاده الشين *** بالروح بالدم يفتديها ولا يخون لكن سؤاله يوم قلتوا له ( توطين ) *** يا كيف بيد الغرب توظيفه يكون ؟؟!! شعارهم معروف ( راجعنا بعدين ) *** و باين من التأجيل .. انهم يخافون اذا معك خبره .. يا اهلين و سهلين *** و اذا شهاده بس .. عنك يصدون ما عندنا شاغر .. و بطلنا تعيين *** ولو تحرق الهاتف ترى ما يردون ! من وين اجيب الخبره ؟ من وين من وين ؟ *** دام الوظيفه عند سوسن و ميسون ! عندي بمطبخ بيتنا خبره سنتين ! *** تنفع اذا صاروا المطاعم يوطنون ؟؟! ولا اهاجر و آخذ الخبره في الصين ؟ *** صح العيون صغار .. لكن يقدْرون سؤال يا دار ٍ ..صراحه بترضين ؟ *** اني اسافر و اطلب الغرب لي عون ؟ و سؤال يا ناس ٍ على الراس و العين *** صدق الوظايف واسطه و سير مدهون ؟ اما الجواب الشافي يجيني الحين *** او هاتوا تأشيره .. اذا كنتوا ترضون |
صح لسانك ولسان قايلها ..
في الصميم .. |
ههههههههههههههههههههههههههه صح لسانك |
لكن سؤاله يوم قلتوا له ( توطين ) *** يا كيف بيد الغرب توظيفه يكون ؟؟!! اخ يالقهر
قصيدة قوية صح لسانك والله يرزقك بالوظيفة اللي تبي |
صح لساانك جبتها ع الجرح وكنك ما دريت ههههههههههههههههههههههه
|
صح لسانك
|
صــ‘ـح ، لسسسـآنـك / يـآكفــو ..
ولآآآآهنـــت .. مشـآء الله عليـك مبــدع .. بالصميــم. :) |
صح السانك
ايييييييييييييييييييييييييييييييييييييييييييه يالحزم الظامي |
سوسن وميسون بشره بيضاء وجنز وموت احمر < ؟؟ |
....صـــــــــــــــــــــــــــــــــــحِ لـــسأنكــً ....
آلـــبـــلآ كــــــــــلـــــهـَ مــنَ ســوســنِ ومــيــســونَ لــــو الـلـهَ يــفــكــنآ منــــهمْ كــــــــــنـــآآآ... تــــــــــــــــوظـــــــــــــــــفـــــــــــــ ـنــآ.. يــآ عــزتيَ للــ عْ ــأأطــلينَ... بــسَ ...! ودمتمٍ بــ حــفــظَ الرح ـــمنَ ..^ حــــــــــبــ عذآبيَ ــــــــــــــكَ |
| الساعة الآن 09:09 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين