|
منــقــول::: موظفي موبايلي الـ part time للأهمية..
منقول من ابو الغلا
بدخل بموضوعي من غير مقدمة.. إللي عاجبه الوضع الحالي بالشركة أتمنى عدم الرد لأني انسان صريح ولا أحب المداهنة ولا المجاملة فاتمنى الردود تكون في نقطة بحثنا.. الأن الشركة بكل صراحة اقولها بتعاملنا على إننا شغالة وقت الاحتياج تاخذنا ووقت ماتبينا تطردنا حتى ولو كنا بوقت دوامنا الرسمي والله اذكر يوم داومنا ماكملنا نص ساعة المشرف قالنا خلاص سوو لوق اوت وروحو..!!!!!!! السؤال هنا إن لم يكن من قرار حاسم مننا كلنا ويدنا وحدة ماتكلم واحد ولا اثنين كلنا, إن لم يكن قرار واجتماع مع الادارة بخصوص هذا الموضوع, والله سوف يستمرو على هالوضع واحتقار موظف الـ part time من الادارة ومن المترسمين إلى أن تقدم استقالتك وهذا اللي يبوه تقدم استقالة ويجي غيرك ويعاني نفس معاناتك والعجلة تدور على حسك يالـ part time شوفو شباب, أهل الحق أحق بأن يحقو به وش فايدة انك تستلم راتب 4800 ومالك شي غير هالراتب ولا تتفوه بنسمة هوا مالك غير الراتب ولا لك ميزة وحدة بعدها. وجاتك مرضة محترمة لا سمح الله ونسفت منك الف ريال وجا موعد قسط سيارتك ونسفت منك 1500 وجت فاتورة جوال وا.. وا.. وا.. مابقى بحسابك بعد إستلام الراتب بسبوع واحد بس الا خمسين ريال تدفها دـــــــــــف لنهاية الشهر اتمنى من أي شخص منصف صاحب قرار بشركة أن يرد على موضوعي إن كانت لديه جراءة, للبوح بسر الترسيم الغامض الذي اصبح سر أغمض من فلم SAW (المنشار). قبل أن يحصل شيء لايحمد عقباه وهذا ليس بتهديد فكلنا نعلم خفايا الشركة ونسكت لأنه مصدر رزقنا لكن إللي ركب الرقبة هو اللي يقطعها ورزقنا عند رب الارباب مو عند الشركة عموماً هذا شي بخاطري وحاب أسمع وأقرى هموم الموظفين من أمثالي لا تحقروا أنفسكم فأنتم إللي ماسكين الكول سنتر وحاطينه فوووق أكتافكم ولولا الله ثم أنتم كان الكول سنتر في الحضيض, وهذي بشهادة كل مشرفين الكول سنتر انتو يالـ part time الأساس والمترسم اللي مو نازله غير بريميوم وراقي جالس يتعنطز عالـ part time وفرحان كل يوم شايل شنطته وعالنادي رايح جاي واحنا المكروف صنايل أهلنا مالنا غير اللوقن واللوق أوت وأضرب الباب وربي أنا متأكد إن حارس الأمن اللي عند بوابة موبايلي له ميزات أفضل مننا أقسم بالله وأقولها وإذا مو مصدقين روحو اسألوه. هذا ماعندي وشكراً لكم.. ...وأتمنى للكل التوفيق والسداد... |
منقول من العضو موبايلي 1100
السلام عليكم ورحمة الله وبركاتة صباح / مساء الخير لا أعرف من أين أبدء بحديثي بصراحة أحبابي شباب part time بالله عليك عاجبكم الوضع اللي عايشين فية حنا بالشركة لماذا part time وهم اثناء التوقيع يفيدونا بأننا فقط part time لمدة اربعة شهور فقط والان بعضنا له اكثر من سنة ولم يتم الترسيم ؟؟ اي ترسيم هذا سوف يأتي ونحن نسمع عن انباء ان هناك شركة سوف تكون هي المسؤلية علينا !!! والجميع يتوقع انها اكسيوم بالنسبة لي قابل اكون part time وبالراتب القليل مقارنة بالرسمين والحمدلله على ذلك واعرف ايضا الكثير من الناس يتمنى المكان اللي انا فيه . ولا اعرف لماذا التفرقه الرسمين والpart time اول التفرقة / إجازة بدون راتب . 2- مطعم الشركة الرسمين بـ 5 ريالات وpart time ب15ريال مدري مين راتبة اكثر اللهم لا حسد على ذلك 3-اعفاء بعض الصلاحيات اللي المفترض تكون موجودة مع الجميع مثلا تخصيص نغمة وارسال الفاتورة.... الاشياء اللتي لاتضر العميل مهما كانت الاسباب ليش موجودة لا اعرف السبب .؟ 4- الراتب والمزاياه اختلاف كبير ومحسوب علينا انك موظف بموبايلي. 5- العروض اللي ماتنزل الا للرسمين ماعطوتنا ارقام قلنا مافي مشكلة طيب خلوا العروض تشملنا حالنا حال الموظفين ايفون اقساط, بلاك بيري نصف السعر, اشتراك بالبرود باند بسعر رمزي , نطالب اقل حاجة بس العروض للموظفين الرسمين تشملنا كأاقل تقدير. 6- اضافة على ذلك لا يوجد تأمين صحي ولا تأمينات اجتماعية لماذا هذا ياموبايلي . و7 و8 و9...... لن انتهي وهذا مايتناولة شباب part time مع بعضهم بعض كلمة اخيرة / الحمدلله علىكل حال واعيدها اعرف ان اغلب الناس ترغب بالانضمام للاسرة موبايلي .ولكني حبيت ان افضفض مافي جعبتي ماذا لو اضرب part time على عدم الدوام ليومين فقط مايحدث بالكول سنتر ؟؟؟ اخوكم العضو موبايلي1100 |
منقوول من اختنا مشتاقه للجنة
السلام عليكم ورحمة الله وبركاته اخواني موظفي وعملاء موبايلي اشكركم جزيل الشكر على هذا القسم لمناقشة مايهمنا من امور وخدمات وتساؤلات حول شركتنا الحبيبه (موبايلي) / احبتي في الله عندي استفسار عن الترسيم .. هل فيه ترسيم قريب لموظفين موبايلي او مافيه ؟؟ وعلى اي اساس يرسمون الموظف ..؟ يعني يرسمونه عشان عنده واسطه قويه ؟ او يرسمونه على اساس اداءه في وظيفته وتعامله مع العميل واسلوبه ..؟ تكفون ردوا علي لاتهملون موضوعي اللي عنده خبر عن الترسيم يقول لنا .. ع الاقل تجددون الامل في قلوبنا اللي يأست وتعبت من هالحال هذا ..! / لإني بصراحه مو عاجبني وضع اخوي في موبايلي انا صح بنت ويمكن ماافهم بأمور شغله كثير .. لكن انا اخته واحس فيه .. 3 سنوات وهو في موبايلي لاترسيم ولاشي ..! و راتب مايسد حتى اقساط سيارته ..! يتعب يكرف يشتغل ويعطي من قلب .. والمقابل ولآشي والله العظيم قهرررر ..!! طيب حرام عليهم يمكن هالموظف يكون مسؤل عن اهله عن امه واخوانه ..! او قد يكون متزوج ومسؤل عن زوجه واولاد ..! او قد يكون خاطب ويبي يتزوج ويبي يستقر ويعيش مثله مثل هالناس ..! ليش ياموبايلي عديمين الضمير والاحساس << عصصصبت من قلب انا سمعت انه في شهر 2 ميلادي .. بيكون فيه ترسيم (يعني قبل شهرين) على اساس انها بداية السنه الجديده لكن ماشفنا شي ..!! وين هالترسيم اللي يقولون عنه ..؟؟ وش اقول وش اخلي .. يشهد الله ان قلبي معورني على هالشباب المساكين لكن الله يكون في عونهم ويصبرهم وينولهم اعلى المراتب فالدنيا وفالاخره .. اللهم امين .. وماننسى ان الصبر مفتآح الفرج .. والله كريم منقول من اختنا مشتاقه للجنة |
ياحبيبي خالد بسيوني مدير الكول سنتر ابو كلام معسول بس قلبه اسود حالف ان مايرسم البارت تايم ومتعهد بمحاربة السعوديين في اكل عيشهم في هذه الشركة لانه يبي يستعبد الموظفين ومايعطيه الامان الوظيفي عشان تكون عبد عنده
ونصيحة اللي عنده مظلمة يسال عن الاستاذ عبدالله الرويس الرئيس التنفيذي للتفتيش بالشركة روحو له وارسلو له وراح تعينون خير وبيجبلكم حقكم من بسيوني |
| الساعة الآن 09:15 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين