شغلنا ماشي على ايدين اجنبيه..والسعودي بخبرته حلو مكانه؟
هذه ابيات كتبتها على عجل من الواقع المؤلم اللي احس فيه ويحس فيه كل مواطن غيور سواء كان عاطل او موظف مضطهد خصوصا في القطاع الخاص:eek: وفيها عتب ورساله الى وزير العمل لتصحيح الأوضاع, وباذن الله سأودع القطاع الخاص قريبا الى وظيفه حكوميه وعقبالكم يارب :):
ياوجودي وجد من فارق خويه.. حده المكتوب لسلاح الصيانه ماضرى بهياط وبدق التحيه.. و(طال عمرك) ماتعودها لسانه ضاري(ن) بالبزوطه روحه وجيه.. كل هندي خايف(ن) ياخذ مكانه تجربه جربتها صعبه وقويه.. في قطاع السعوده رغم المهانه شغلنا ماشي على ايدين اجنبيه.. والسعودي بخبرته حلو مكانه؟ ياوزارتنا خذوا مني وصيه.. الوطن والشعب بيديكم امانه المواطن وده بعيشه هنيه.. كل حلمه يغتني والحلم خانه راتب(ن) معقول يطعمه الرعيه.. ومنه يقدر للديون المستدانه ازرعوا فينا الثقه والمعنويه.. حسسونا كل واحد له كيانه خففوا الساعات خلوها شويه.. دربونا واتركوا كلن وشانه جربونا واصبروا ياهل الحميه.. وشوفوا كيف ابن البلد يكسب رهانه نبغى قول بفعل يكفينا اسيه.. كل عاطل مل من كثر الخيانه وياوجودي وجد من عينه شقيه.. عاطل وبزران مع قسوة زمانه:cry: بقلم اخوكم المقهور :mad:/ قلم مفكر الثلاثاء 1/6/20010 الساعه 2ص |
- وهل من مستمع ؟ ): صح لسانك وعلا شانك والله يكتب لكل عاطل الرزق الحلال .. لاهنت .. |
ماعليك زود اختي حياك الله وندري ان ماحولنا احد بس كل شيء على الله سبحانه ولكنها خاطره في القلب وباح بها القلم :(
|
صح لسانك وسلمت يمينك على كل حرف كتبته
رووووعه هي الكلمات الله يصلح أحوالنا جميعا ولا يجعل حاجتنا عند أحد ومبرووووك عليك الوظيفه الله يوفقك ياااارب . |
اختي بسمة خجل حياك الله وماعليك زود والله يبارك فيك والحمدلله فرجها الله.. الله يفرج على الجميع :)
|
الساعة الآن 01:46 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين