المباحث & الجامعيين';.';.';.'(والرائي للثانويه والدبلوم)
 

السلام عليكم ورحمة الله وبركاته

اخواني المباحث السنه ذي دورتها4 شهور (يعني ماهو فني)
والعام 6شهور لانها فني

يعني اللي مقدم بجامعه ويحسب ان الترقيه تنقز نقز من جندي الى وكيل غلط في غلط لان هالدوره جندي عادي يعني الفرق في سلم الترقيه بين الجامعي والثانوي ماتفرق الا برتبه واحده فقط الى ان يصل الى وكيل رقيب ويتأخر شوي بالاضافه الى عمر الملتحق يعني راح تكون فالمباحث زي اللي مؤهل ثانويه وحسب ما عرفنا ان الدورات اللي كانت اول تجي للفرد اذا اخذ الجامعه يترقا ضابط انتهت ومنعوها
يعني اللي جامعي وهو بأمن المنشأت وكيل رقيب تراها ازين بكثير واللي بالادله تراها ازين لانها وكيل
وماراح تضيع تعب الدراسه خمس او اربع سنين عالفاضي

والتخصصات هالسنه اكثرها شرطة عسكريه ودوريات وسجون (والاداريه قليله مقارنه مع العام)
واكثر مناطق التعيين الشمال والرياض مقارنه مع دورة وتخريج العام
<u> لان الوظائف الاداريه صارت مختصه فيها لطلاب جامعة الامير نايف للعل

هو صح ان الجامعي له فرص كثيره بس صدقني ما قدم الجامعي الا ان كل شيء تقفل في وجهه

وقال علي وعلى اعدائي ولك الحكم

الله المستعان

اي والله وغير كذا ترى الراتب يفرق عن الدورات اللي ططاااافت يعني مافي 6800
نبطي الراتب 5800 بس الله يكتب اللي فيه الخير

اهم شي وظيفة وبس ياعمي ولا نقعد في البيت طايحين اكل ومرعى وقلة صنعاء

الله المستعان

والله شوف ياخوي رمية الهديف

الزمن هذا زمن فقر يعني الواحد مايصدق يلقى اي شيء ..

وترا ياجماعة الخير الان الجامعي زيه زي الثانوي مثلا انا << بتكلم عن نفس شوي لوني ماحب لكن بقولكم

انا جامعي بكالريوس لغة عربية ولي كم سنه ماتعينت وناس قبلي لها 5 سنوات ماتعينت وجابوا لنا اختبار قياس

الله لا يوفقهم وحاسونا فيه ورسبت.

يعني مااقدر اقدم ع الوزاره بدون اجتياز القياس ومتزوج بعد وين تبيني اروح يعني!!

ادري بينقز واحد ويقول جامعي تأخذ المرتبة السادسه بالوظائف الادداريه .. ندري لكن وينها الوظائف الادارية!!

لكن ع العموم ترا المباحث طيبة مقارنة بالامن العام وغيرها.. افضل القطاعات العسكرية المباحث..

وماقول غير الله يوفقنا ويوفقكم ويرزقنا الرزق الحلال..

وتقبلوا مروري وخالص احترامي.

بالتوفيق للجميع

:cالحال من بعضه وانا اخوك ان شاء الله نتعين قرريب

^^^^^^^^^^^^^^^^^^^^^^^^^^^^^^
الحال من بعضه ... يجيب الله مطر

الي معاه شهادة حاسب يعطونة صنف ولا لا

انا دبلومعالي مختبرات طبيه كليه صحيه قدمه بس والله حسبتها براسي قهر صح ان امكنيت التعيين في اي مكان في المباحث مو زي امن المنشات بس ياخي قهر انقهرت ادرس 3 سنوات ونص واروح جندي فبطلت قلت اخلي امن امنشات يفتح اقدم على عريف ولا وكيل رقيب اهم شي على لاقل يقدرونك برتبه ماتروح دراستك هدر
والله ييسر الي فيه الخير

بالتوفيق

والله بالجامعة مقدم لاني شايب عمري 29 ويوميين
بعد كذا خلاااص ما في عسكري .........

اغلب الشعب المتقدمين كلية وجامعة والثانوية قليل جدا

قهر لاهي فنية ولارتبة والله ظلم