استفــسار عن تكملة الدراسه بعد الدبلوم
 

السلام عليكم ورحمة الله ..

اخواني انا صراحه مليت من الجلسه بالبيت ووقتي رايح على الفاضي حسبي الله على من كان السبب

المهم ما علينا ...


انا معي دبلوم برمجة حاسب كلية تقنية

وحاب اكمل دراستي انتساب ولا موازي

ابي اسئل الكلية التقنية في الرياض فيها انتســـاب ؟؟؟؟؟؟؟

وهل فيها موازي وكم سعــر التكملة وهل علي الحضور يوميا ؟؟؟؟؟


والي يعرف لنا اي جامعة فيها تكملة انتساب او نظامي اهليه ولا حكوميه يكون سواء خير

انا سمعت جامعة الاحساء فيها تكمله لكن ماني متاكد الي عنده خبر يوافينيا

انتظركم شباب

ياليت تردو عاجل :tsfiq:

ودمتم

وعليكم السلام ورحمه الله ~

هلآ وغلآ آخوي ،،،

امممم ،، بصرآحه ماعندي خبر وشهي التخصصات المتاحه في الكليه التقنيه بالرياض بس تقدر تشوفها من موقع الكليه التقنيه بالرياض ،،،

من ناحيه الدراسه في الموازي ف سعرها 3000 ريال الانتساب في الترم الوآحد ،، والحضور يوميا كأنك تدرس الصبآح بس نقوله المسآ ويبدا في الغالب من 4 العصر إلين 10:30 باليل ،،،

وأتوقع دبلوم الكليه ،، مآحد رآح يكمل لك درآستك بس بيعآدلون بعض المواد ،، ومو أكيد لآن الكليه نظام والتعليم العالي نظام ثآني =)



الله يوفقك اخوي ^_^ ويرزقك ويرزقنا بالوظآيف السنعه ~

كنت افكر مثلك (تخصصي دعم فني) واللي جا معاي لما بحثت بالموضوع جامعتين
الجامعة العربية المفتوحة<-حسب ما فهمت إنها أكثر وحدة تعادل شهادة التقنية "إنتساب"
وعندك جامعة الباحة "إنتظام" برضة ناس راحولها لأنها تعادل شهادة التقنية

اخوي تقدر تكمل دراستك

عندك نظام الانتساب : وهو ان تدفع 3000 ريال عن كل فصل عدم الحضور يوميا وتقدر تغير تخصصك

التعليم الموازي: السعر حسب الجامعة ملزم بالحضور مثلك مثل الانتظام وتقدر تختار تخصص غير تخصصك

بالنسبه لرياض هناك جامعات مثل : الحكومية الامام و سعود والاهليه: اليمامة وكلية سلطان الاهلية والجامعة العربية المفتوحة.

الله يكون بعونا اجل

أخوي لا تحطم
تقدر تكمل في كلية البـاحة الاهلية للعلوم
يعادلون لك و تدرس 3 سنوات وتتخرج ( بكالوريوس هندسة حاسب الي )ولو تحب تخلص بدري أدرس أترام صيفية تخلص في سنتين ونص مثل ماحصل معاي أنا خريج التقنية عام 1428هـ بس الحمدلله جاتني نصايح واستفدته منها أصحابي ايام التقنية الله يعينهم لحد الان مبهذلين فيه اللي يتنقل من شركة لشركة و براتب ضعيف جدا و فيه اللي شهر عاطل و شهر يشتغل

انصحك شوف اقرب كلية أو جامعة تعادلك مادرسته لا توقف عند التقنية

وانا والله بحكم معرفتي بالكلية اللي درست فيها ابي افيـــــدك بالمعلومات اللي عندي


كلية الباحة الاهلية للعلوم ولو جبت جيدجداومافوق الحكومه تدفع لك الرسوم

رقم الكلية للأستفسار: 077253585 - 077271010
وهذي بعض الصور عن الكلية :
http://bpcs.edu.sa/front/images/grand_82images.jpg

هنــــا توقيـــع اتفاقيات مع اعرق الجامعات كندية في التبادل الاكاديمي . رئيس امناء الكلية صاحب السمو الملكي الاميــر الدكتور/ فيصل بن محمد بن سعود بن عبدالعزيز ال سعود - نائب امير منطقة الباحة

خلال زيادة الوفد الكندي
http://bpcs.edu.sa/front/images/grand_80images.jpg


و هنـــا توقيع مع جامعات يابانية

http://bpcs.edu.sa/front/images/grand_65images.jpg

و توقيع اتفاقيات مع جامعات فرنسية
http://bpcs.edu.sa/front/images/grand_73images.jpg


http://bpcs.edu.sa/front/images/grand_9images.jpg

وهي معتمــــــــد من قبل وزارة التعليم العالي و يمكن لو جبت معدل تنضمن ضمن برنامج الابتعاث الداخلي للكليات والجامعات الاهلية المعتمدة فقط

وهذا الرابط يبين الكليات الاهلية المعتمدة من قبل وزارة التعليم العالي:
http://www.mohe.gov.sa/ar/studyinside/Private-higher-Education/Pages/Colleges.aspx

وهذا الرابط يبين الجامعات الاهلية المعتمدة من قبل وزارة التعليم العالي:
http://www.mohe.gov.sa/ar/studyinside/Private-higher-Education/Pages/listphe.aspx

المهم أكمل دراستك في اي مكان يناسبك وبالتوفيق

(و دعواتك لي بالتوفيـــق في وظيفة تناسب مؤهلاتي)