مشكلتي مع الشركات!!!!
السلام عليكم ورحمة الله وبركاته أخواني وأخواتي حبيت أنقل لكم معاناتي مع الشركات .... عندي شهادات وخبرات ما تأهلني بأن أتوظف في أحسن الأماكن ، لكن للأسف مافي ( و ) بدأت معاناتي حينما عملت في شركة معروفة جداً وكان وضع الفرع الذي أعمل فيه ، إنحلال تام لا مدير ولا موظفين يعني الوضع عزبة هنود ، وجدت عمل بديل براتب أفضل بقليل وبالفعل توظفت في الشركة الجديدة ، وكان مديرها أجنبي ( فلسطيني ) وموظفينها أجانب وأنا الوحيد سعودي أعمل بجد وإنتظام ومجتهد عشان ما يلقوا أي غلط مني ، كان مديرها وقت ما يبي يداوم يداوم وتلقاه مقابل الكمبيوتر وبيع وشراء بالأسهم ، كان يرفع صوته وانا مستحمل أقول يا ولد هذا مصدر رزقك أصبر يمكن يجي الفرج ، ويوم من الايام داومت الصبح من بدري طبعاً لحالي كالعادة وقبل ما ينتهي الدوام بساعة ، ما دريت الا المدير داخل وعيونه مورمة من كثر النوم والا يقول اليوم ماتروح البيت الا لما نخلص شغل ، انا تنرفزت على الاسلوب المقرف وقلتله انا عندي عائلة وعندي بيت لهم حق عليا ، قال وانا مالي بيت ، المهم اشتد الكلام وقلتله بالنهاية انا عندي دوام اذا انتهى خلاص مالك شي عندي ، المهم قعدلي على كل صغيرة وصار يراقبني اول باول ،،، اللي حبيت اقوله انا في فترة تجربة ( 3شهور ) وخايف بعد الثلاث شهور يطردني من العمل هل له حق نظامياً في هذا ام لا؟؟؟ و ازيدكم من الشعر بيت تفاجأت بأن جميع من يعمل في فرع الشركة ليسوا نظاميين يعني مو على الكفالة حتى المدير ولو أقولكم كم راتبة تنصدموا (15.000 ) ... وراتبي أنا ( 2500 ) هل هذا يعقل وأنا أشتغل بإيديني ورجولي وهو بس على النت وشغل أسهم ... أي ظلم هذا اللي عايشين فيه ؟؟؟ الواحد منهم يأمر وينهى على كيفه كأنه في بلدة وإحنا أهل البلد مساكين ، اقسم لكم انه في شباب سعودي ونعم الشباب يعملوا بإخلاص ومبدعين بمعنى الكلمة ، متى نجد حل لظلم الشركات ؟؟ وتقبلوا مني تحياتي !!!!!! |
بنسبة لسوالك أنه يقدرون يطردونك بفترة التدريب ايه ترى يقدرون يطردونك بفترة التدريب
وربي معانة الاجانب بالحيل مؤذيه ولازم نشوف لنا حل صراحه الي متى وحنا نمشى وراى تحكم الاجانب يجي ياكل من خيرنا ويتحكم فينا المشكله من مدراء الشركه عاجبهم الوضع يقول مايمشي وضع الشركه الا كذا بالصراخ اتمنى مكتب العمل يوضع حد للمهزله الي صايره بداخل البلد يعني زي ماقلت حرام يستلم راتب 15000 ريال حق اجنبي والله لو تسويه حق ثلاث موظفين سعودين كان احسن والله السعوديه فيهم كفائه قويه وقادره بس للاسف اصحاب الشركات ليس عندهم اي ادنى فكر عموما اخوي الله يعينك ولازم تكلم صاحب الشركه ع الوضع الي صاير واذ مديرك عاملك بالمعامله هذي اشتكى عليه من مكتب العمل بس بعد الفتره التجربيه يعني بعد ثلاث شهور لان من شروط العقد انه لا يهان كرامة الموظف ولا يجبر ع العمل أكثر من الازم والله يوافقك بوظيفه حكومية ترتاح فيها لا ظلم ولا شي ولو انه الظلم في كل مكان بس الله يعينا ويصبرنا وربنا ماخلقنا وتركنا والله يرزقنا جميع اخوك امير القمر |
اخوي دق على الجوازات وخلهم يجون يشيلونهم اذا كانت الاقامه باسم غير مالك الشركة ، وبكذا ريحت عمرك ، بس خل واحد من اصدقائك يدق لاتدق انت ويوصفلهم الشركه وراح يجون وخروج نهائي على طول
. |
أخوي ( أمير القمر ) مشكور على مرورك ، ومالنا إلا الصبر وأنا بسكت هالشهر لين تنتهي فترة التجربة وبعدين يحلها ألف حلال،،،،،،،
|
مشكور على مرورك أخوي سند !!!!
وبالنسبة لفكرتك أنا فكرت فيها بس في شي ردني ،،، طيبة قلبي ،،، صدقني إحنا السعوديين قلوبنا طيبة ما نرضى نسوي هالشي ولا ودنا بقطع رزق أحد ،، لكن لو حصل وقطع رزقي من هالشغله أكيد بروح بنفسي للجوازات ومكتب العمل وأسحبهم معي وقدام المدير أقولهم هذا متخلف ،، وإن شاء الله ما يصير هالشي..... |
اقتباس:
بخصوص موضوع الاجانب اخي بالشركات فهم موجودين رضينا او لم نرضى ولكن المشكله الاكبر هي كيف نتعامل معاهم في العمل لاننا مهما قمنا بالسب والتجريح بهم لن نستفيد سوا كرهم:court: اكثر واكثر ولكن الدنيا:rolleyes: تكون بالاحترام المتبادل :d ملاحظه هل كل السعوديين تمام واخلاقهم عسل:mad: والمثل يقول احذر عدوك مرة واحذر صديقك الف مرررررة:eek: |
اقتباس:
صادق اشكيه وافتك من شره بعد ياخذ15 الف وصاحب الشركة مبسوط:( |
حسبي الله و نعم الوكيل
الله ينصرك عليهم و يرزقك من حيث لا تحتسب.اللهم آمين |
والله لو إني مكانك من زمان باطحه
اقول أشكيه على الجوزات وامسك مكانه المدير صدقني لو هالاجنبي لقى عليك ممسك كان طيرك زمان زبدة الكلام تغداء فيه قبل مايتعشى فيك |
الساعة الآن 03:05 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين