حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   مشاكلك في العمل (https://www.btalah.com/f5.html)
-   -   " مرمطه الراتب " وظيفتين " وياقلب لاتحزن . .!! (https://www.btalah.com/t201347.html)

اخصائي بطاله 15-06-2010 03:22 PM

" مرمطه الراتب " وظيفتين " وياقلب لاتحزن . .!!
 
السلام عليكم ورحمه الله وبركاته


الموضوع مجرد فضفضه في اللي فيني :Looking:



















الفصل الأول :






قبل شهر , الحمد لله جاتني وظيفه بجامعه بـ راتب مقطوع على شركه ×××

وظيفه إداريه ع مكتب

و وقعنا العقد عند المدير الفلاني والراتب 2500 ر.س :z

مع العلم أن معاي ثانويه + شهاده حاسب , لكن 2500 أحسن من العطاله


داومنا من بدايه العقد 5/1 ميلادي لما 6/1
من السبت - الخميس



وداوم من 8 - 2:30

" لكن نقعد لما 3 كـنوع من أحترام المدير :c "

داومت بدون أي تأخير بدون أي غياب









;









الفصل الأقشر :


بيوم من الأيام اتصل علي المدير


المدير : الووه .. عبدالرحمن !

عبدلرحمن : هلا سم طال عمرك

المدير : تعال الله يعافيك , السكرتير ماخذ اجازه تعال مكانه لين يجي ..

عبدالرحمن : بس طال عمرك عندي فوق 50 معامله ماخلصتها ..!

المدير : مو مشكله خلها بعدين تعال الله يعافيك .

عبدالرحمن : أبششششر طال عمرك جآي




;


شغله السكرتاريه قرررررررررررررررف للأخر !


[ اتصالات " استفسارات " طلبات توظيف " تحويل مكالمات ... إلخ ]



" المدير الساعه 10 صباحاً "


عبدالرحمن الله يعافيك تعال صور هالورقه


انا : ابششر طال عمرك


" المدير الساعه 10:15 صباحاً "


عبدالرحمن تعال , ود هالأوراق لأبو فهد


انا : ابششر طال عمرك ..


" المدير الساعه 10:16 صباحاً "

عبدالرحمن .. عبدالرحمن ... عبدالرحمن


انا : كنت عند ابو فهد و جاي من بعيد واسمع صوته ينآدي ..جيت سم سم


المدير : وينك ياخي من اليوم اناديك


انا : كنـ ..

المدير : قاطعني بكل بجاحه طيب طيب خذ هالأوراق صورها ودخلها عندك بالجهاز

انا : طلعت بدون ما اقول ابشر صراحه طفشت .. :mish:


يوم وصلت الساعه 2 ونص الظهر ومابقى شي ع نهايه الدوام



المدير : عبدالرحمن !!

انا : هلا .!

المدير : خلاص روح مكتبك وخلص المعاملات واذا خلصت منها ودها لـ أبو فهد


انا : واقف اناظر فيه زي كذا " :do5h: " وفوق راسي ايقونات تدور زي كذا :mish: "



قلت أمري لله و أروح للمكتب وأخلص كل شي وطلعت 3 ونص


** المدير مطوع لكن والله مايخاف الله والله !

اسمعه بالمكتب هلا حيآتي أم خالد هلا قلبي أم فيصل :d

خذتي راتبك !

اااااااااااااالله ما عطوك خلاص بكلم الشركه يصرفون لك الراتب الحين الحين


وفيه اشياء ثانيه قويه قويه والله !



;




تخيلو معي أشتغل شغلتين اللي هي سكرتاريه + الصادر والمعاملات اللي لازم أصورها

* 90% من المعاملات اللي توصلني لازم اصورها وأحفظها عندي , والاصل أوديها لأبو فهد


تصدقون عاد بهاليوم ماقدرت أفطر أبد :i , وغير كذا طلبت من العامل شاهي وجابه لي ولا قدرت أتنهى فيه

صار بارد مره , واروح أطلب ثاني ونفس الحكايه يبرد بدون ما اشربه :b


قعدت ع شغله السكرتايه و شغلتي لمده 3 ايام

























;












فصل المرمطه :




جاا يوم الفله جاا يوم الوناسه اللي هو 6/1

اللي هو يوم الرواتب ..

لكن يافرحه ماتمت , أخرو الرواتب لما 6/5 بسبب أخطاء


قلنا نصبر 5 ايام مو مشكله !






نزلت الرواتب باليوم المذكور لكن المفاجأه !!!!!!!!




!







!















مانزل راتبي :mad:


سلامات وش السالفه وش هالتأخير


المدير + المحاسب : اسفين أعذرنا عقدك لما الحين ما راح للشركه نسينا , و راح نرفعه الحين



أنا : افا .. طيب طيب متى بينزل راتبي أن شاء الله !



المدير + المحاسب : بنرفع الأوراق أن شاء الله اليوم وبينزل الراتب بخلال هاليومين



< ننتظر يومين نشوف !


جيتهم بعد 3 ايام مو يومين قالو للحين مارفعنا عندنا اشغال كثيره لكن بأقرب وقت



انا : الله يصبرني


وع هالحاله لمده اسبوعين " قلت بنفسي اذا مانزل الراتب الحين والله مآ اسوي لهم ولا معامله " ياحليلي مسوي انا ووجهي بعاندهم :d "



دخلت ع المدير هلاااه بالشيخ حيآك الله ترا نزل راتبك اليوم


انا : والله ! احلف تكفى أحلف يرحم امك احلف عشاني :yaa:


المدير : بس فيه مشكله .. حصلت أخطاء بسيطه ببدل السكن لكن الراتب الاساسي نزل


انا : طيب خير أن شاء الله مو مشكله متى بتحلون المشكله طال عمرك ؟!!


المدير : بكلم الشركه وأن شاء الله بخلال كم يوم



رحت للمحاسب باخذ الراتب


للمعلومه الراتب الاساسي 1700 وبدل السكن 500 وبدل مدري وش 300 :i


قال راتبك يازول 1371



انا : نزلت شماغي ورفعت الكم نآوي اقتله ههههه


قال واللهي حصل خطا وما ادري كيف الباقي الشهر الجاي والله ينزل مامصدقني




حيل الله اقوى نصبر مالنا الا الصبرر







the end







الحين انا وش ذنبي أتحمل أخطا هالجامعه وهالشركه يعني هم يخطون وانا أتحمل سسلامات
واذا اخطيت انا خطا بسيط بس

تعال هيه أنت ماتعرف للشغل انت وش هالخطا !








تصدقون عاد بما أني خبره أخترق مواقع + أجهزه خبره عاليه :ash:

< يخترق اجانب فقط :g

بديت أفكر أخترق أجهزه الجامعه بما أن الكل ع شبكه وحده , وأطب ع جهاز المدير وأطلع الشششششششيب براسه ! :yaa:









موضوعي مهب شكوى

والله هو الوحيد اللي راح ياخذ حقي سواء بالدنيا أو بالاخره


مجرد فضفضه , وأعذروني ع طول الموضوع هه


" :wa " للكل

ماجد العطوي 15-06-2010 03:36 PM

ويقولـون السعودي مايشتغـل :)

وهالشركآت ذي المتعآقده قمـة الظلـم في تآخير الروآتب وحقوقـك اسئلوني آنآ :(

اللـه يعيـنك آخوي على مآبتلآك

بس دآم المديـر رآعي حركآت ورىأ ماتمسـك عليـه شي عشآن مايفـر معك ؟ :d


سيف جهينه 15-06-2010 05:27 PM

ياصبر ايوب
وياصبركـ عليهم ياخصائي

اوف لو انا بمكانكـ:mad:
كان طق عرق فيني من زمان:rبصراحه ماحب المرمطه
خاصة اذا كنت مجهتد ومنجز بعملي

مشكلتكـ ياخصائي انكـ طيوب وخدوم عن اللازوم:q
بزمن ماتنفع في الطيبه
لناس ماتستاهل
كلمة
سم
وابشر
وطال عمرك



:mish:

اخ بس لو انا مديركـ:cool:

بشغلك هذا تستاهل راتب فوق العشر الاف وانت طالع لانكـ كذا :rolleyes:


عموما
عسى أن تكرهوا شيئا وهو خير لكم

لعلك استفادت من خلال عملك بالسكرتاريه وياريت تأخذ شهاده بذلك
لعلها تفيدكـ مستقبلاً ـ بحكم وفرة وظائف السكرتارية


اما المدير
بصراحه استغرب من انسان مطوع نحسبه كذلك والله حسيبه ولانزكي على الله احد بعدم تطبيقه لسنة النبي المصطفى صلى الله عليه وسلم
بــ ( اعطى الاجير اجره قبل ان يجف عرقه )
اتمنى تذكيره بذلكـ
ان استطعت:Looking:




او طبعاتها على الاجهزه بما ان لديك خبره بالاختراق:eek: مليش دعوه
,
,
نسأل لله العظيم أن يكتب لك
الخيرحيث كان ثم يرضيك به

القبطأأأن 15-06-2010 09:47 PM

** المدير مطوع لكن والله مايخاف الله والله !

اسمعه بالمكتب هلا حيآتي أم خالد هلا قلبي أم فيصل :d

خذتي راتبك !



والله العظيم الحين المطاوعه الصدقين ينعدون على الاصابع ,اما الباقي هع خله على الله...

يارب انك تتوظف وظيفه حكوميه احسن لك حتى لو جندي والله ..

3laawei 15-06-2010 10:45 PM

الله يعينك

شوف الجامعة بالذات لو ماكنت على حساب الصندوق أو حساب كلية المجتمع راح تتمرمط

أما من ناحية شغلتين أنا مثلك بتشغل ناسخ وأكثر من شغلة ناسخ بس الحمد لله من يوم جيت وأنا فارض سيطرتي يعني ما يجيني موظف رسمي من الاتصالات الإدارية يفرض سيطرته عليا عشاني على عقد وبراتب مقطوع لا طبعاً يمكن مجاملة أول مرة وتانية مرة اصدر وأورد معاملة بس بعد كدا أوقفه عند حده

كل مين يشتغل الشغلة اللي جاي عشانها مو يشتغل شغله وشغل غيره

اخصائي بطاله 20-06-2010 10:43 AM

اقتباس:

المشاركة الأصلية كتبت بواسطة ماجد العطوي (المشاركة 2771881)
ويقولـون السعودي مايشتغـل :)

وهالشركآت ذي المتعآقده قمـة الظلـم في تآخير الروآتب وحقوقـك اسئلوني آنآ :(

اللـه يعيـنك آخوي على مآبتلآك

بس دآم المديـر رآعي حركآت ورىأ ماتمسـك عليـه شي عشآن مايفـر معك ؟ :d


بمسك علي شي , و راح أفتح له رساله ع جهازه و بكتب فيها

" رسَم كل الموظفين الموجودين بالإداره ولا ترا بقول لهم عن حركاتك .!! :d "


منور يا ماجد لآعدمنا هالطله يالغالي ..







اقتباس:

المشاركة الأصلية كتبت بواسطة سيف جهينه (المشاركة 2772376)
ياصبر ايوب
وياصبركـ عليهم ياخصائي

اوف لو انا بمكانكـ:mad:
كان طق عرق فيني من زمان:rبصراحه ماحب المرمطه
خاصة اذا كنت مجهتد ومنجز بعملي

مشكلتكـ ياخصائي انكـ طيوب وخدوم عن اللازوم:q
بزمن ماتنفع في الطيبه
لناس ماتستاهل
كلمة
سم
وابشر
وطال عمرك



:mish:

اخ بس لو انا مديركـ:cool:

بشغلك هذا تستاهل راتب فوق العشر الاف وانت طالع لانكـ كذا :rolleyes:


عموما
عسى أن تكرهوا شيئا وهو خير لكم

لعلك استفادت من خلال عملك بالسكرتاريه وياريت تأخذ شهاده بذلك
لعلها تفيدكـ مستقبلاً ـ بحكم وفرة وظائف السكرتارية


اما المدير
بصراحه استغرب من انسان مطوع نحسبه كذلك والله حسيبه ولانزكي على الله احد بعدم تطبيقه لسنة النبي المصطفى صلى الله عليه وسلم
بــ ( اعطى الاجير اجره قبل ان يجف عرقه )
اتمنى تذكيره بذلكـ
ان استطعت:Looking:




او طبعاتها على الاجهزه بما ان لديك خبره بالاختراق:eek: مليش دعوه
,
,
نسأل لله العظيم أن يكتب لك
الخيرحيث كان ثم يرضيك به


وأنت صادق هذي هي مشكلتي الطيبه الزايده و مو بس بالدوام .. بكل مكان

وصدقني الطيبه تنفع مع بعض الناس ,

راح تنقلب هالطيبه بعد الترسيم , أعلمممممه الطيبه زين :mad:



بعدين أنت تستاهل 7 الاف من راتبي شهرياً :m



بالنسبه لـ موضوع السكرتاريه ما اتوقع راح يعطوني شهاده ع 3 ايام , أو حتى خبره !


بعض الأشخاص يا سيف شفتهم والله يشهد ع كلامي يستخدمون الدين لـ أمور دنويه

و طول اللحاء عند بعض الاشخاص عشان يكسب محبه فلان وعلان أو مصالح غيرها

4 أشخاص شفتهم بحياتي يستخدمون الدين لأمور الله يكفينا شرها

شخصين من قوم لوط :mad: , وشخص يحمل ويتابع أفلام *****ه , وشخص مُنحرف مع فتيات

لكن ما أقول الا الله لايرحم من يستخدم الدين لأمور الدنيا


عليه الصلاه والسلام , وأن شاء الله أذكره



الله يوفقك ويسعدك على هالكلام الحلو , لاعدمتك





اقتباس:

المشاركة الأصلية كتبت بواسطة القبطأأأن (المشاركة 2773304)
** المدير مطوع لكن والله مايخاف الله والله !

اسمعه بالمكتب هلا حيآتي أم خالد هلا قلبي أم فيصل :d

خذتي راتبك !



والله العظيم الحين المطاوعه الصدقين ينعدون على الاصابع ,اما الباقي هع خله على الله...

يارب انك تتوظف وظيفه حكوميه احسن لك حتى لو جندي والله ..

الله يستر عليهم ويهديهم بس :(


اللهم آميين , الله يسعدك ويوفقك يارب





اقتباس:

المشاركة الأصلية كتبت بواسطة 3laawei (المشاركة 2773490)
الله يعينك

شوف الجامعة بالذات لو ماكنت على حساب الصندوق أو حساب كلية المجتمع راح تتمرمط

أما من ناحية شغلتين أنا مثلك بتشغل ناسخ وأكثر من شغلة ناسخ بس الحمد لله من يوم جيت وأنا فارض سيطرتي يعني ما يجيني موظف رسمي من الاتصالات الإدارية يفرض سيطرته عليا عشاني على عقد وبراتب مقطوع لا طبعاً يمكن مجاملة أول مرة وتانية مرة اصدر وأورد معاملة بس بعد كدا أوقفه عند حده

كل مين يشتغل الشغلة اللي جاي عشانها مو يشتغل شغله وشغل غيره


أحسسسن شي سويته والله , مثل ما قالو الأخوان فوق الطيبه ما صارت تنفع : (



الله يوفقك , منور

الثبيتي بن روق 21-06-2010 01:06 AM

من ناحية شغل السكرتاريه عز الله انك صدقت شغلتها شغله رح كلم العميل هذاك رح صور رح اطبع خطاب رح ارسل فاكس استقبل الى اخره لاكن والله انبسط لا اشتغلت بس مشكلتي اتعب الدخان لعب فيني مير الزبده ياااذيبااان قدم على مكتب العمل دام معك ثانويه وحاسب وادخل في غرفة مشاكلك في العمل انا منزل موضوع عن صندوق الموارد البشريه كيف تقنع الشركه ترفع راتبك ومر مكتب العمل بالريااض وظايف كثر التراب والرواتب من 2000 الى 4500 للثانويه ولا جيت الشركه عن طريق مكتب العمل يوظفونك غصب من ورى خشومهم عيال النعمه ماسكين المناصب وعيال القبايل متسدحين خخخخخخخخخخخخخخخخخخخخخ أبك رح لـ مكتب العمل حرام للتتوظف انا معقــب وراتبي 4000 واحلى بردقـه ولا معي حاسب بس معي خبره مالها علاقه بالتعقيب وهي سكرتير المدير ومرتن من المرات طبعا انا الي اعزز للمدير المهم كنت ارتب الاوراق بالمكتب وحسيت بشي نغزني قلبي واطلع الا هاك المطـوع معي بالدوام يراقبني يحسبني بسسسرق والله بغيت اكلـه الا حاجه بسيطه انلخـمم ومشى بس لا هايطت عليه والله لا اتكـي بالبيـت اشرب زقاره مع الشاهي والجيب فاضي ما فيه فلوس خخخخخخخخخ المهم مر مكتب العمل وادخل عليهم عليهـم ششششآطح <<<< الله يستر عليك اخوي ويوفقكـ ولا تنسآني لا مسكت منصب منتآز خخخخخخ :q انلحستـو صح


الساعة الآن 11:53 AM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين