اختبار كفايات وشركة الكهرباء
السلام عليكم ورحمة الله وبركاته يا اخوان انا كيف اختبر اختبار كفايات لان شركة الكهرباء طالبين ان اللي يقدم يختبر هذا الاختبار او هم يختبروني والا وش السالفة لاني ماني فاهم وش الموضوع ياليت يا اخوان تفيدوني والكم جزيل الشكر... |
وعليكم السلام ورحمة الله وبركاته هلابك اخوي الوافي اولاً الاختبار هذا نفس نظام اختبار القياس بالضبط بس هذا يخص اختبار اللغه الانجليزية طبعاً راح تقدم اول شي عن طريق الموقع وبعد ما يطلع اسمك في الترشيح تروح انت تسدد 100 ريال لللبنك وتاكد التسجيل ثانياً طريقة الاختبار الاختبار يتكون من 100 سوال باللغه الانجليزية 30 سماعي 70 اختيار قواعد قرمر واغلب 70 سوال قطع انجليزيه ومدة الاختبار 2ونصف تقريبا نفس اختبار القياس ولازم تجيب 35 من المية طبعاً تو الشرط هذا نزل السنة هذي ولا السنه اللي راحة ما كان موجود والسالفه ترى مفاضله تعتمد على المعدلات والاختبار وغيره والله ويوفقك يارب |
لا ماراح يختبرونك انت تسجل بعدين تختبر على حسب موقع المركز
شوف هنا الجدول والتسجيل مفتوح لك الين 29 رجب وعلى فكره معهد الكهربا يفضلون تخصص علمي لخريجي الثانوي :) http://87.101.230.11/exams_list.aspx واول خطوه تسجل بالموقع عن طريق الرابط هذا http://87.101.230.11/register.aspx وتعبي بيناتك بشكل صحيح وبعدها تدفع الرسوم ولاتنسى تحضر للاختبار وتاخذ فكره عنه :) موفق اخوي :) |
اقتباس:
اقتباس:
صادقه اختي واسف ترى والله المعلومات هذي حقت السنه اللي راحت وانا ما انتبهت الا الحين ترى والله قريتها وعلى طولت قلت لازم القى الموضوع اشوووف خوينا لا يضيع نعم اخوي انت الحين ادخل على قياس وسجل في الاختبار ( التسجيل مفتوح الحين مبكر ) واختار الفترة الاختبار في شعبان وادفع 100 ريال عن طريق بنك الراجحي وانتظر الاختبار بعدين اذا فتح التسجيل في موقعهم سجل وانتظر الترشيح وبس ..... واسمح لي اخوووي |
طيب عندي سؤال
جيت اببحث عن رمز الموعد طلع لي مركز المقر " جامعة القصيم " وبعدين طلع لي تحت التخصص : علمي - نظري - عام !! مع العلم اني خريج ثانوي علمي < يعني اختار علمي ولا وش آختآر << :( |
اقتباس:
ايوه تختار علمي :) موفق ان شالله |
طيب دبلوم سكرتارية تنفيذية ، معهد الادارة العامة
وش اختار علمي ، نظري ، عام ؟ طبعا با سجل بالدبلوم لان هذا التخصص المطلوب و شهادتي الثانوية علمي افيدوني جزاكم الله خير |
اقتباس:
هذا النقطه عزيزي لاتشملك عند تعبئة بيناتك تجيك خانة الموهلات راح تختار خريج جامعي ماراح يكون فيه عملي او نظري او عام لو ماتم التسجيل بشكل تام او وجدت عائق اذكره لعلنا نساعدك فيه موفق ان شالله :) |
شكرا جزيلا .......
|
مشكوره عيون المهآ :$
بس ماقلتو لي http://87.101.230.11/********_map/0901.jpg موقعهم كلية الشريعه بجامعة القصيم << ؟؟؟؟ بس اللي اعرفه ان جامعة القصيم قدام الحرس الوطني ماعندها تدريب الامن العام والاشياء هاذي << ؟؟ :( اللي يعرف موقعهم زين يقولي :( |
الساعة الآن 12:39 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين