المباحث العامة يوم الإربعاء 4/7/1431 بالتفصيل الممل ..
السلام عليكم ورحمة الله تعالى وبركاته .. بأقول لكم شصار معي بالمباحث العامة يوم الإربعاء 4/7 بالتفصيل الممل .. نخش في الموضوع على طول .. :d أول شي رحت للحاير والحمدلله مآآآآضيعت ,, رحت لهم مبكر على الساعة 5:15 تقريبا وانا هناك عآآآآآد أول مآآآآوصلت مآآآآفيه زحمة ,, بس بعدين بدت الزحمه بس على خفيف فكوا البوابة على حوالي الساعة 5:35 تجمعنا عندها وصفونا طابور .. ..... و دخلنا داخل الساحة وكملنا صفة الطابور :d .. ونادوا على اسمائنا وصفونا طوابير جديدة منظمه .. وبعدين طلبوا منا نقفل جوالاتنا وحطوها بشنطه .. وانتظرنا لحد مآآآزاد العدد وجا بآآص وشالنا <---- (( شالنا يعني ركبنا معه مهوب صدمنا :r )) فال الله ولا فالكم :d ... المهم ونزلنا عند صالة كبيرة فيها تدقيق أوراق الملف ,, اللي عنده نواقص و اللي مآآآكتب الخطاب .. وكذا .. وبعدين طلعانا على الإختبار التحريري وهذا اللي جاني فيه :- ســ 1 :- أنسخ القطعة كما هي .. <------ طبعا فيه قطعة يبونك تنسخها زي مآآآهي بالظبط .. :eek: سـ 2 :- تحدث عن مكانة المملكة العربية السعودية في العالم الإسلامي . <-- بسيطــ :cool: سـ 3:- اكتب بيتين شعر لهما أثر شديد عليك . ^ هذا السؤال صارت له قصه ((مر من جنبي واحد من الأفراد وهو شوي حنيسه)) . قال لي : خلصت . أنا : لا والله بس عندي هذا السؤال وانا مآآآآلي بالشعر . هو : أنت وش أنت <--- :cool: لاحول يعني إذا كنت من قبيلة معروفة لازم أكون شآآآآآعر يعني :g أنا : أنا من القبيلة الفلانية طال عمرك . هو : ونعم . أكتب عندك (( يالله ياللي عالم بخفايا النفوس بعدين مدري وشهو مدري وشهو :d )) أنا : صح لسانك خخخخخخخخخ (( أنتفخ راسه عاد هو راح يمشي ونافخ صدره خخخخ الله يوفقه مآآآآقصـّـر )) سـ 4 :- تحدث عن نفسك , ميلادك , نشأتك , هواياتك ومهاراتك ؟ بس هذي هي الأسئلة اللي جاتني .. ...................... بعدها طلعنا على الفحص الطبي .. وكان سهل مآآآآآقصروا .. في النظر وعمى الألوان كانوا معي متساهلين الله يوفقهم :Thumbs: .. ............................. بعدين طلعنا على المقابلة .. :c وقال لنا اللي معنا : (( يالله الحين شيل الشماغ وارفع الثوب واربطه في وسطك وشمر عن ايديك وعن رجليك , واللي عليه شرّاب ينزله )) المهم وسوينا زي مآآآطلب منا .. وكان معي واحد من يثرب خخخخخ الله يوفقه كنت اسولف معه اضيع وقت :d .. شوي وقال لنا تعالوا يالله مع بعض .. :Looking: <--- شلون ندخل المقابلة 5 مع بعض ؟؟ المهم دخلنا في غرفة و أول مآآآدخلنا قال : حياكم الله اقلطوا اقلطوا .. هههههآآآي من جد لعبوا في نفسياتنا .. :cool: إلا فيه حافظتين كبيره فيها قرص <-- للي مآآآآيعرفه القرص أكلة لذيذة جدا ً جدا ً حقة البادية :Thumbs: وفيه موية بعد أنا شربت قاروره كآآآملة :d .. المهم , طلعنا بعدها ورجعنا أماكنا وقال العسكري : وين مآآآفطرتوا.. قلنا له : إلا الله يبيض وجهك مآآآقصرت .. <----- الله يوفقه دنيا وآخره :m المهم جا دوري في المقابلة .. :c <--- فلم تشويق وآآآكشن خخخخ :d ودخلت وسلمت .. وأول مآآآوصلت عندهم وقفت على الفرشة الحمرا اللي بالنص وقلت : صبحكم الله بالخير .. وكان فيه واحد مآآآآ أدري وش رتبته بس باين انها كبيره :eek: .. قال لي : وين كان ابوك شغال .. وأخوك .. ؟ و قال لي : وين اشتغلت قبل كذا يآآآفلان .. ؟ قلت له : مجموعة سامبا و مدينة الملك فهد الطبية وحاليا في وزارة التعليم العالي .. قال لي : منهو وزير الدفاع والطيران ؟ قلت له : صاحب السمو الملكي الأمير سلطان بن عبدالعزيز .. قال لي : طيب منهو وزير التعليم دامك هناك .. :do5h: عاد وهقه مآآآآ أعرفه .. قلت له : لا طال عمرك فرق أنا بالتعليم العالي .. :d .... قال لي : :g طـيييييييييـب منهو حق التعليم العالي يآآآآلله ؟ قلت له و ( بالبؤ المليان ) : معالي الوزير الدكتور خالد العنقري .. قال لي : أممممممم الله يستر عليك يآآآآفلان .. .......... ورجعنا للصالة اللي أختبرنا فيها تحريري وإنتظرنا لحد مآآآ أكتمل عددنا ورجعنا للباص وقام العسكري يوزع علينا جوالاتنا .. ووصلنا لحد البوابة ... :yaa: يعني أروح البيت وأصكها نومه ,,, أخيرا ً :rolleyes: ... كانت تجربه ممتعة بقد مآآآآهي مربكة الحقيقة ... .................................................. .................... :wa أتمنى يكون موضوعي مرتب وبسيط و واضح .. و الله يوفقنا وياكم وأدعوا لنا بالقبول النهائي , جعل الله يجمعنا بالدورة جميعا قولوا آمين .. آآآآآآآآآآآآآآآمين :d :w ... .. . |
رح يا شيخ الله يسعدك :d
شكرا لك ما قصرت وإن شاء الله أنك مقبول أساسي :) |
الله يجزاك خير
وفالك التوفيق يالغاالي |
:(يا اخواني الاعزاء يامن ناضلتم من اجل الوظيفة .... النتائج متى ؟
|
الله يوفق الجميع
|
جزاكـ الله خير
وبالتوفيق للجميع |
بالتوفيق إن شـآء الله
|
اقتباس:
|
بالتوفيق
|
الله يسعدك يا شيخ
والله العظيم كاني اقراء موضوع في الواحه ضحكت لين ما دمعت عيوني اقتباس:
اثري العلم شي ثاني فيها قرصان عليكم بالعافية |
الساعة الآن 04:20 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين