كيف اطور مشروع مطبخ نجدي
لدي مشروع صغير بدثته بين المعارف ثم دخلت النت به وهو مطبخ منزلي لطبخ الاكلات انجدية قرصان جريش مثلوثة حنيني مطازيز مرقوق معرق مقادم مقلقل كرشه وكبده المشروع ماشي ببط اريد تطويره فكرت بلتعامل مع اصحاب المطاعم انصحوني ووجهوني بافكاركم
|
والله عليك بالمنتديات بس المهم تنزلين صور لبعض الاصناف من طبخك - لما تطبخين لعيالك مثلا صوري السفرة صورة حلوه و نزليها و يكون تتعاملين مع موصل طلبات معاه سياره يأخذ بالنسبة مو بالراتب
لما تحطي الموضوع بالمنتدى تحط بعض الصور لأصناف الطبخ و الاسعار قدام كل صورة يعني تنسيق قائمة طلبات بالاسعار و حطي تلفون للطلب والله تجيك أتصالات طلب بس حاولي تكون الصور تفتح النفس للأكل وبالتوفيق واذا ماتعرفي كيف تنسيق القائمة تحت الخدمة بدون مقابل ********>>> لكن أبغى صحن جريش بالسمن ههههههه |
ياريت تساعدني تاخذ اجر ثلاث اربهة يتامى وابشر بلجريش رالمرقوق ووووو اللي يذؤق طبخي ماينساه
|
اختي ابشري بالخير جاي
ورمضان على الابواب الله الله بالاعلانات في منتدى منطقتك وياليت تتعاقدين مع المعلمات في السنه القادمه<<عندنا مصريه في منطقتنا متعاقده مع المعلمات وماتلحق عليهم وزعي منشورات على شقق العزاب وحاولي تتعاقدين معهم لان عيشتهم معلبات وطبخ مطاعم واكيد مالين من عيشتهم مافي مثل طبخ البيت واي استفسار حنا حاضرين نعين ونعاون وبالتوفيق اختي الفاضله |
تعملي مع العسكر:d الدفاع المدني مثلا غالبا مايكون عندهم طباخ او يكون طبخه مو طعم
كثير اعرفهم يتعاملون معهم والله يقويك خيتو وبتوفيق :w |
لؤلؤة الغاية كيف اتعاقد مع العسكر كيف اوصلهم واعرض عليهم دليني
|
ارسلك على الخاص
|
انتي وين ساكنه ؟ عشان اقدر اساعدك ؟
شوفي ياقلبي الناس تحب الاكل والحريم يحبون الحكي صوري الاكل وروحي لاقرب مطبعه وخلي يطبع لك الصور في منيو (قائمة اكل ) واذا ماقدرتي سويها بالكمبيوتر والا سوي لك كرت وانت ماشيه باي مكان وزعي عالحريم + رمضان والمناسبات والعزايم جايه وان شاء الله جايك الخير انا شخصيا عندي مناسبات ان شاء الله عائليه وودي باكلات شعبيه شغل بيت فاذا انتي بالرياض ممكن نتعاون وبعدين عندنا شايب مدمن كبده ههههههه والجمعيات الخيريه والمراكز برمضان يسون بازارات روحي لهم يمكن يساعدونك يخلونك باحد البازارت تشاركين تحركي وتكلمي باي مكان ..الرزق يحب الخفيه .. وبالتوفيق يالغاليه ماتلاحظون اني تحمست ههههه |
اللة يسعدك ياتراتيل دمك عسل اشكركم جميا على مساعداتكم انا من مكة من جوار بيت اللة الحمد للة اذا احد منكم جا ياخذ عمره اويحج وماوده باكل المطاعم انا تحت الطلب لؤلؤة انتظر على الخاص لكن للاسف مااعرف شلون انزل صور طبيخي على النت :court:
|
الله يوفقك اختي
|
لؤلؤة اشكرك جدا على دعمك اللة يجعله في موازين حسناتك حقيقي كلكم دعمتوني معنويا ونبهتوني لنقاط ممتازة
اللهم انصر الجريش والمطازيز والكرشه والمقادم على بيتز هت وكنتاكي |
* سجلي بالفلكر أو الفيس بوك و أعرضي طبخك .
و أضيفي للطبخ النجدي التجميد ... سمبوسة و ما يأتي ببابها و ربي أن شاء الله يفتح لك أبواب رزقه . *أجمعي قائمة المطاعم و بلغيهم بطبخك و إمكانية التعاون ... خصوصًا المطاعم اللي تقوم بتجهيز البوفيهات . * و مثلها المشاغل أو شركات تنظيم الحفلات . بالتوفيق . |
كلينتون قد مورننق افكارك خطيرة بانفذها
|
رمضان على الأبواب
ممكن تسوي لك كشك صغير في احد الاماكن المناسبة والقريبه من الحرم...>>> اذا النظام يسمح وتبيعي الاكلات الي تسويها....اذا عندك الاستعداد في البيع بنفسك |
ارسلي لي صور طبخك والانواع اللي ممكن تطبخينها وانا اسوي لك بروشورات
منيو توزعينها وتريحين راسك والله ياكثر الي يبون طبخ البيت وملو من المطاعم وانتي اولى من غيرك انا راح اساعدك بالللي اقدر عليه حتى لو تبيني اوزع لك في باقي المواقع اتمنى لك التوفيق غاليتي ابي منك دعوه عن غيب لكي مني كل الود |
همس انشاء اللة ارسلها هذي اليومين
|
الساعة الآن 04:57 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين