مشكلتي مع وظيفتي,
بسم الله الرحمن الرحيم كيف حالكم؟؟ انا حابه اطرح مشكلتي .. الي كل مااتذكرها مره مره يضيق صدري انا موظفة في احد المدارس الاهلية .. وحاليا صار لي 4 سنوات عندهم بعمل اداري الراتب كأغلب المدارس الاهلية 1500 والزيادة السنوية 50 ريال.. وطبعا الزيادة تروح في خصم التأمين المشكلة اني اكتشفت لما اعطونا مكافأة ان موظفة تحمل مثل شهادتي ومعها دورة حاسب مثل الدورة الي معي .. لكن استلمت المكافأة مع بدلات وغيرها موظفة ثانية اخذت مكافأة مع بدلات والكل يعرف ان المكافأة لا تشمل زيادات ولا بدلات ولا شي .. فقط الراتب الاساسي .. ولما تكلمت مع المسؤول عن الرواتب قال هذه الموظفة نعطيها بدل .. والموظفة الثانية هي طالبتنا بزيادة لان عندها خبرة كثيرة من اول وخارج المدرسة لكن انا مشكلتي اني سكت .. يعني كأنه يضحك علي.. انا اخذ مكافأة راتب اساسي وغيري ياخذها مع بدلات ؟؟!!.. لما تكلمت مع المديرة قالت مافيه الا انك تكتبين خطاب لمدير المدرسة وتشرحين ظروفك (( لان ظروفي صعبة واعيل أطفال)) وقالت لي انا بكلمه هاتفيا اوضح له وابين انك انسانه بالفعل تستحقين الزيادات لان مجهودك رائع ولله الحمد.. قلت اوكى واروح اكتب الخطاب وارسلته.. بعد فترة لما سالت المديرة قالت انا اسفة ماراح اكلمه انتي كلميه.. انا مستصعبة الامر لانه رجل.. قالت هذي مصلحتك وانتي كلميه .. قلت بنفسي بس انتي وعدتيني انك تكلمينه!!..رغم اني سبق وان كتبت خطاب لمشرف المدرسة عشان ينظر في راتبي لاني مسكت اكثر من وظيفة (( 3 وظايف في وقت واحد)) وكان راتبي راتب واحد يعني غيري ياخذ المكافأت والبدلات . . وانا فقط على راتبي .. وبعضهم يعلم الله ان اغلب وقتهم جالسين ماعندهم عمل. المهم.. حاليا: كل مااتذكر الدوام بصراحه يضيق صدري واقسم بالله العظيم اني ابكي لما اتذكرها .. غصب عني .. لحد ماقلت انا مو مغصوبه عليها ولا احد يجبرني اني اداوم فيها لازم القى لي مكان ثاني ارتاح فيه نفسيا .. ودي ادور لي على وظيفة افضل من هالوظيفة وبراتب افضل .. لكن خايفة ان قدمت استقالتي من المدرسة اجلس بالبيت ولا الاقي وظيفة ..رغم اني قدمت عن طريق النت في اكثر من مكان. واحيانا اقول .. انا اداوم الحين وان حصلت لي وظيفة اطلع من المدرسة على طول لكن انتو عارفين ان الخروج في وسط الدوام صعبة .. يعني الحين بالبداية يكون افضل .. اما اني اطلع في وسط الدراسة والعالم مشغولة .. صعبة راح يرفضون خروجي وان طلعت وهم مو راضين .. مستحقاتي راح تطلع روحي وبعدين اخذها.. فأيش تنصحوني فيه .. وبكون لكم شاكره .. |
الله يكون في عونك ..
هذا هو حال المدارس الاهلية استغلال مابعده .. وسوء معاملة مع الموظف والمدرس . وسوء رواتب .. حتى في الإجازات يقطع الراتب .. وهذا هو الحال عندنا ... اي قطاع واي مؤسسات .. تستغل المواطن اسوء استغلال كما هي البنوك .. والشركات .. ايظا المدارس الأهلية لاحسيب ولا رقيب .. انصحك ياختي بالتمسك بالوظيفة وان تطالبي بحقوقك بكل وسيلة ممكنة .. لان وجود الوظيفة امر في غاية الصعوبة هذه الأيام .. واذا كنت غير قادره .. وكلي احد ينوب عنك في هذا الأمر .. اما قريب او اخ .. او اي شخص ترين فيه المقدره والإلمام بالانظمة .. وقبل هذا وذاك .. عليك بالدعاء والله يعيننا وياك . |
الله يعينك .......
مالك غير تمسكين وظيفتك ..... ودوري لك وظيفه ثانيه ...... قد ماتقدرين ..... لأنك ماتظمنين بعد ماتقدمين استقالتك تلاقين وظيفه ........ ومالك غير الدعااااء .... الله يوفقك ........ |
ربي يكون في عونك ويرزقك وظيفه غيرها امين يارب العالمين
|
الله يجزاكم الف الف خير يارب
ويوفقكم في كل اموركم .. لا بعد داقين علي اليوم يبغوني اداوم رغم اني موقعة على اني اداوم بعد اسبوع .. بستخير واتوكل على ربي واشوف وش الي يكتبه ربي.. ومشكورين على كلامكم الحلو الي اعطاني حماس .. وخفف عني.. |
تبين الحل ارفعي يدك للسماء في الوتر باذن الواحد الاحد الفرد الصمد تحصلي وظيفه افضل منها بمليون مرهـ
والله يعينك ,, ويوفقك |
عليكِ بالدعاء والاستغفار....
المستشاره...غير... |
اقتباس:
انصحك اختي بالبحث عن وظيفه عن طريق الانترنت والفاكسات وعدم الخروج من العمل وترك الامور الغير نافعه بالعمل مثل زيادة الراتب وغيرها لانها لن تجدي مع احد ومعروف الاسلوب هذا من قبل الادارات ولكن داومي وانتبهي لعملك وماعليكي من احد واذا حصلتي وظيفه احسن اخرجي بسرعه والله يوفقك |
وظيفتك حلوووووووووووه وكل احد يتمناها
اسمعي لا تتركي الشغل وقدمي على مدارس ثانية ولقبلوك اتركي مدرستك ومدام معك خبرة إن شاء الله بتلقين والله يوفقك |
أختي شيماء , الله يعينك
المدارس الأهلية للأسف استغلاااال و كل ما تسكتين استغلوك أكثر أنا كنت في مدرسة أهلية براتب ألف ريال فقط و كانت تروح عليهم ..وسائل و غيره و في الإجازات ما في راتب خليكي في و ظيفتك لحد ما تلقين غيرها و عليكي بالدعاء و الإستغفار و الصلاة على النبي صلى الله عليه و سلم الله ييسر لك أمورك و يرزقك من واسع فضله و كرمه.اللهم آمين |
الله يعينك
|
الله يعينك
بس الحين حتى الاهليه بصعوبه الواحد يحصل عليها انا رحت للمدارس الاهليه الي في منطقتنا ولا لقيت لي عندهم وظيفه " امسك مجنونك لايجيك اجن منه" وعلى الاقل تكسبين خبره .. وهذه نصيحتي.. والله يوفقكِ لكل مايحب ويرضى.. |
الله يعينك ياخوي |
الله يرزقك ويوفقك ويسهل أمورك آمين يارب
|
والله شيماء تمسكي بعملك ولاتتركينه واذا على الشغل هذي عادات المدارس الاهلية كله واسطه ومحسوبية ... وتقدرين تقدمين عن طريق الهاتف على مدرسة ثانية ..
وصدقيني مو بالهين تحصلين على وظيفة...انا صديقتي راتبها الف وماسكة المتوسط والثانوي... وانا موظفة من بدت الدراسة والى يومك هذا ما ثبتوني وقالوا احتمال على الترم الثاني نثبتك وندفع لك قيمة 500 ريال على عملك من غير تثبيت وعدد حصصي راح يكون من 30 حصة الى 35 حصة والعدد المسموح فيه هو 24 للمدرسة... يعني بعد 3 شهور استلم 1500 وهذا ممكن في اي لحظة يطردوني من العمل..والبنات اللي ادرسهم والله ما تتصورين قلت ادبهم شئ خرافي لدرجة ينادون المدرسة ((هيه)) يعني حتى ابلة مسكثرينها..بس والله اصبري وشوفي مصيبت غيرك تهون عليك مصيبتك... |
كل المدارس الاهليه على هذا الشكل واردى
تمسكي فيها حتى تلقي افضل منها والله كريم ماينسى احد اتوكلي عليه من توكل عليه كفاه |
اقتباس:
|
الله يوفقك ويرزقك
|
اختي الله يعينك ويرزقك ويوفقك
انا اشتغلت بمدرسة اهلية براتب 2700 والتأمين 270 0 استقلت منهم وماستلمت باقي مستحقاتي مع العلم اني شايلهم ومقضي اشغال غيري حتى المراسل يغاب واخلص اشغاله بس اشوى ان عامل النظافه مايغاب خخخخخخخخخخ المهم نصيحة اذ بتتركينهم خوذي صور من العقد اي شيئ صوريه خذى شهادة خبرة ولا تستقيلون الا لما تاخذ الراتب انا استقلت باقي 10 ايام عليه ولا نزل لي شئ ابي اكلمهم واذ ماحصل انشالله اجر وثواب لو بشكي من بشكي له |
الساعة الآن 10:08 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين