إستفسار عن كشف النظر
السلام عليكم ورحمة الله وبركاته مسائكم / صباحكم خير ونور ومحبه وسعاده يا أخواني عندي إستفسار لأهل التجربه والخبره انا نظري ضعيف ، وعندي إنحراف بالقرنية ، وضعف في النظر ، وأبي أستفسر عن الكشف الطبي بمستوصف قوى الأمن ، هل يكشفون العدسات ، وياليت اللي يعرف طريقة الكشف على النظر بالتفصيل يفيدني ، والله أني محتاس ، والعمليه مكلفه جداً . بصراحه طرقت كل الأبواب أبي أصحح النظر بس عجزت ، عملت كشف مرتين وكل كشف يكلفني هاك المبلغ وانا ظروفي صعبه ، عياده تقول ماتصلح لك العمليه ، والعياده الثانية تقول تكلفك 20.000 وماطمنوني إن نجاحها مضمون بمشيئة الله . والله تعبت ،، والشكوى لغير الله مذلة . |
تووكل على ربك وتتيسر اموووورك ان شاء الله
ويجي من يفيدك |
آخوي انا مثلك عندي مايسمى القرنيه المخروطيه وسوف اشرح لك موجز عنها: سطح العين او مايسمى بالقرنيه تكون طبيعيه مقوسه والبعض تكون عنده مايسمى القرنيه المخروطيه وهي بدل ماتكون القرنيه مقوسه تكون مدبده يعني مثل راس قلم الرصاص وهناك خيارات لعلا جها ام استعمل العدسات الصلبه مو المرنه اللاصقه طول العمر وتحتاج لعنايه او بزراعة قرنيه او حلقات على حسب حالة المريض ونصيحتي لك لا تذهب الى المستشفيات الخاص سو لك معروض ومرفق معه صوره من بطاقتك وتقرير من اي مستشفى وقدمه للأمارة الرياض للعلاج في مستشفى الملك خالد لعيون هو افضل مستشفى لحالتك في دكتورهناك كويس جداً اسمه سليمان الخراشي انا سويت زراعه قرنيه لعيني اليمنى والحمدالله تكللت بنجاح لستمراري على الادويه لمدة سنه ونصف والان بديت افك الخيوط.
ام بالنسبه لمستشفى دبر واسطه وتوكل على الله. |
حبيبي انا زيك باظبط وعلاجي اهو زراعة عدسات وتكلفتها فوق 18 الف
بس ماني مصلحه معاي تقرير طبي وابروح يوم السبت للاماره علشان يحولوني على مستشفى العيون اذا معك تقرير طبي وش رايك تروح معاي علشان يعطووونا خطاب للمستشفى العيون بدون ماتدفع فلوس يصلحووون عيونا على حساب الدوله وش رايك انا ابروح يوم السبت اذا حبيت عطني رنه على الخاص |
افدوكـ الشباب
والله يوفقكم |
والله وأنا أخوك ياما شاتوني بوز والسبب النظر والله يدققون عليه حيل كم مره أروح قطاعات عسكرية وأرسب في النظر أما الطول 181 والوزن 62يعني كويسين بس النظر تعبان عندي
|
ماعندي الا الدعاء لك ..الله يشفيك وييسر لك امرك ..
|
للرفع
يكشف ممرض ولا دكتور ؟؟ يفتح الكشاف في عيونك علشان العدسات ؟؟ اللوحه E ولا C وكم متر ؟؟ وكيف الوضع في الرياض ولا المدينه بخصوص النظر ؟؟ عطونا العلم الأكيد الله يوفقنا جميعاً |
اخوي انا مثلك نظري ضعيف ولي 8 سنوات عاطل ماقول الا الحمد لله
وبعدين توكل على الله وروح سوى الكشف وان رسبت تراها خيره من الله |
والله أنا يسموني العيال الأطمش
بس شكلي أبي اسو العملية في القاهرة يقولون أحسن وأفضل وأرخص .....طبعآ عملية الليزك |
الساعة الآن 10:28 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين