|
اللي يدل مركز صحي قوى الامن بالطائف...... تكفون
الســـــلام عليكـــــم ورحمـــــة اللـــــه وبركاتـــــه
اولا ..اسأل الله العلي العظيم ان يوفقنا واياكم لما يحبه ويرضاه وان يرزقنا من واسع فضله ثانيا.. انا عندي موعد في مركز صحي قوى الامن بالطائف يوم السبت الساعه 7.30 صباحا وانا من جده ولا ادل بالطائف مرررره تكفون اللي يعرف يدلني الطريق بالتفصيل من البدايه يعني من الهدا والا من السيل الاسهل لأن انا بمشي على وصفه ..................... وبارك الله فيكم وجعلنا واياكم من المقبولين نهائيا بالمباحث ودمتم بحفظ الرحمن |
يجي من يفيدك
|
ارسل رساله للعضو ( مجنون شهار) اهوساكن بالطائف
قبل ماترسله قله جاي من طرف العود الاصفر |
وعليكم السلام ورحمة الله وبركاتة
اول شي اذا وصلت الطائف ابتسم انت في الطائف ثاني شي اذا جيت عن طريق الهدى اول ما توصل الطائف يجيك النفق انزل معاه وعلى طول يجيك لفة يمين اجباري وروح على طول بعدين يجيك دوار خذ الدوار ورح يسار وعلى طور اول اشاره تعداها وثاني اشاره تعداها وثالث اشارة تعداها يجيك كبري قدامك اطلع معاه وعلى طول يجيك لفة يمين خش معها وعلى طوووول سيدة لا تلف لا يمين ولا يسار الين يجيك سوق الطائف الدولي على يمينك خلك ماسك المسار الأيسر وروح سيدة وعلى طوووووول بيجيك اشارة عند المسلخ النموذجي خذ يسار من الأشارة وروح على طول اول اوتير يجيك ارجع معه وسيدة الين يجيك محطة على يمينك خش من بعد المحطة يسار وسيدة اول لفة يمين اتركها وثاني لفة يمين خش معها وروح سيدة خلك على طول بيجيك مبنى اربعة ادوار على يسارك هذاك هو المستشفى واذا ضيعت اسأل عن حي الصناعية المستشفى فيه |
اقتباس:
يعطيك العافيه ..............زز شاكر لك مرورك |
اقتباس:
سلمت اناملك شاكرلك ...........مرورك واسطه ........:tsfiq: |
اقتباس:
الله يعطيك العافيه ماقصـــــــــــــــــــــــــــــــــرت بس بغيت اسألك النفق اللي من عند حديقة الملك فهد والا انا غلطان ؟؟؟؟؟ جعلها الله في موازين حسناتك.................. |
ربي يوفقك
|
لاوصلت الطايف اسأل ومن سال ما تاااااااااااه
|
ايه هو النفق الي عند حديقة الملك فهد
|
| الساعة الآن 12:18 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين