سبب تأخير الترشيح من الخدمة المدنية
 

زيارة الاخ فلحون اليوم لوزارة الخدمة المدنية وسبب تأخير الترشيح

اقتباس:

...... مساكم الله بالخير ...... اليوم رحت للوزارة وقابلت الخنين . . في البداية سألته عن الترشيحات وسبب تأخيرها وقال بأنها راح تنزل قريب لكن المشكلة عندكم في عدد الوظايف يعني (مافيه وظايف) . المشكلة في الوزارات الثانية ماترسل لنا وظايف واخص الصحة لوجود عدد كبير من الاجانب فيها واللجنة الان قائمة بعملها لحصر الاجانب.. وحنا كلفنا فرع الرياض بترشيح الدبلومات وهم شغالين عليها الان . . وخلال الكلام اخذ جواله واتصل على شخص وسأله عن الدبلومات وش صار فيها ورد عليه الشخص بأن عنده مشكلة في تخصص معيين وقال المفروض انها تنزل قبل يومين الان طلعت بصورة الكذاب امام وسائل الاعلام وانا راح ارسل لك صورة من التواريخ اللي المفروض تنزل فيه الترشيحات واخذ منه رقم الفاكس وقفل الجوال . . قلت طيب المفروض انها نازلة قبل يومين اللي هو نهاية الشهر وش سبب التأخير . . قال حنا تأخرنا لان في مشكلة في بعض الوظائف مالقينا لها مؤهل مطلوب (الكلام عن عموم الدبلومات) . . قلتله طيب مو المفروض ترشحون اللي جاهز عندكم ( وظايف الصحة ) قال الاعلان لابد يكون مرة واحدة لعموم الدبلومات وبعدها نستدعي الباقين في حال عدم حضور المرشحين او تخلف احد منهم . . . طيب هل انت بتنزل تصريح رسمي تعتذر فيه وتحدد تاريخ معين للترشيح قالي مايحتاج هي ان شاء الله بتكون قريبة ....... من خلال كلامه اتضح ان الرجال شاد حيله معنا لكن المشكلة في الاقسام الثانية هم اللي يتأخرون في الاجراءات .. حتى انه اخذ صورة من تواريخ الترشيحات ودخلها على نائب الوزير عشان يكون عنده علم فيها .... ومن وجهة نظري ان الترشيحات جاهزة وسوف تعلن خلال الخميس والجمعة او بداية الاسبوع القادم

وشكرا للأخ العزيز والقدير فــــــــــلــــــحــون

فلحوووووون بيض الله وجهه

كل الشكرررررررررررررر

اقتباس:

وسبب تأخيرها وقال بأنها راح تنزل قريب لكن المشكلة عندكم في عدد الوظايف يعني (مافيه وظايف)

الواقع متناقض مع تصريحاتهم مافي شواغر والاجانب مليانين في المستشفيات وبجميع التخصصات

اقتباس:

ومن وجهة نظري ان الترشيحات جاهزة وسوف تعلن خلال الخميس والجمعة او بداية الاسبوع القادم

ان شاء الله يكون حدس حضرتك صحيح

الاجانب هم مشكلة البلد هذا . ولو كان فية مصداقية من المسؤلين في هذا الموضوع

صدقوني ولا سعودي عاطل نشوف . بس خسارة المكشلة ان المسؤلين هم سبب العطالة بالسعودية

والعذر :: يقول ان السعودي غير كفو للعمل . بحيث يقولون ان السعودي لا توجد لة خبرات .

طيب انا ابن البلد وسعودي كيف يجي اجنبي يكون كفو وهي الحقيقة غير صحيحة . الاجنبي يتعلم
ويكون محترف في هذا البلد ..



ربي يكون بالعون ...



تقبلو مروري اخوكم ::::::: محمد الحربي

والله ما عاد ندري صدقهم من كذبهم هذا اذا كناو صادقيين
حسبنا الله ونعم الوكيل فيهم

وجهك ابيض يافلحوون

وان شاء الله انك اول المتوظفين

الله يجزاه خير فلحون ما قصر والله يوفقه

بيض الله وجهه فلحووون

لكن ليش الكلام كله عن الصحه

وين راحوا كليات التقنيه

مالهم رب ولا ايش


لازم احد يروح من كليات التقنيه من حقين الرياض

^

لانه خريج الكلية الصحية وكذلك اللي معه خريجين الكليات الصحية

شكلك ما تعرف نظام التخدير ..نظام التخدير هو نظام يتعامل به الاجانب وتعلمة هالشرذمة هو اظهار انة مهتم وشاد حيلة حتى يجعلك تفرغ اللى بقلبك وتهدى اعصابك وتلاقيه هو وراء البلاء ومن يعطل كل شئ فلا تنخدع كلهم يدعمون بعض فساد فى فساد رحم الله من مات زمان ماكان فيه شئ اسمة ترشيح وخرابيط اذا طلع اسمك يعنى توظفت الحين يضحكون على عقول البشر انة شوفوا طلعنا اكبر عددد وبالنهائة اللى يتوظف جماعه هالبشر واذنابهم