ليه ه الحركات اللي مالها داعي من بعض الرقباء بالامن العام
 

السلام عليكم ورحمة الله وبركاته

وانا جالس اقدم ع العسكرية وبكل قطاع وبكل شي وقاعد اسوي اللي علي

الا يجيني اتصال من احد اخوياي بالدورة حقت الامن العام بالمدينة المنورة ويسولف لي عن اخباره وعن التعب اللي يصير لهم

يقولي نجازى ونتحمل الجزاء كله بسبيل اننا نمسك هالوظيفة عسى هالدورة تخلص ع خير

يقولي

امس او قبله واحد من اخوياه

جازوه ويصلبونه من الظهر ويمنعونه من الغداء والعشا وشرب الماء

يوم جاا العشا يجي الرقيب ويضربه الرقيب بالبسطار مع بطنه
الا والرجال يطيح ع الارض
شالوه وودوه للمستشفى يوم فحصوه لقو الرجال توفى :c


الله يرحمه ويسكنه فسيح جناته

وصلبوا واحد الايام الماضية ويطيح عليهم ويوم شالوه لقوه ميت دماغيا :m


وش ذولا وش نظامهم

كل شي له حد ماتوصل للموت والاستهتار بارواح الناس عشان خطا صغير ممكن انه لقو معه بكت دخان او يكلم جوال

الله يستر ع كل العسكريين واللي بالدورة نذالة بعض الرقباء


الله يشهد على اني ماكذبت ولا بحررف قلته

كل هالكلام من خويي بالدورة يكلمني بالخفاء :k

والله انت اللى مالك داعي