باص توزيع - مشروع جميل بس الاجنبي المستفيد
 

السلام عليكم ورحمة الله وبركاته

اسأل الله ان يرفع قدركم جميعا وان يرزقكم الرزق الحلال يارب العالمين ...

في ناس عندها راس مال لكن مو عارف و ش يسوي فيه ويخاف من المجازفه ويروح المبلغ

عليهم - واغلبهم يبون شي مضمون وربح مضمون وهذا مستحيل لان التجاره ربح وخساره

اما الا ماعندهم راس مال زي حالتي فنحط ذا الشي براس واذا جا المبلغ يكون من الافكار المدرجه

بالراس - ولا يمنع اي انسان عنده فكره انه يطرحها لان ممكن ان تعملها وممكن لا فخلي الناس تستفيد - بس لا تكون حصريه ههه لان ماعاد في شي حصري بتنزل مشروع بكره الناس مسويته


انا واعوذ بالله من كلمة انا

ببالي مشروع من زمان لو نفكر فيه راح نفهم

المشروع ذا شغالين عليه الاجانب سوى مشروع شخصي لهم او ياخذون عليه نسب وراتب من البيع

مشروع التوزيع ( باص )

في الصيف مثلا نوزع مويه تشتري الف كرتون وتكسب في الكرتون نص ريال بيطلع لك مكسب 500 ريال

العصيرات لب او الربيع ايام الدراسه تشتري كميه نفرض الف وتبيع بمكسب نص ريال

تقدر ايضا تشتري من حلقة جده بطاطس وبصل بالجمله وتكسب من وراها ذهب

البسكايت والشبس ايضا اشتر جمله وبيع توزيع

وعلى ذا الطاري

ابوي عنده بقاله ويجيه موزع بشكل اسبوعي وايام الصيفيه كل ثلاثه ايام وينزل ابوي من عنده

بحدود 1500 - 1800ريال

وهذا هندي وشغله خاص - تستر سعودي واخر الشهر نسبه بسيطه والاجنبي الربحان وهذا بلانا


المشروع غير مكلف
باص يتحصل باص نظيف حق توزيع بحدود 15 الف الي 20 الف

بيجي واحد يقول لازم مستودع مو شرط يكون في البدايه تقدر تشتري مثلا

500 كرتون او الف كرتون ويكون بالمصنع او في مستودعات تجار الجمله

وتاخذها على فترات مثلا كل يوم 300 كرتون كحل مبدئي

اما اذا كانت الكميات كبيره وكبيره جدا والمصنع او تجار الجمله رافضين تقدر تستاجر مستودع

يفي بغرضك

والواحد يشتغل على النص وعلى الريال

في ناس تقدر تسوي ذا المشروع

بس اتمنى يكون الموزع سعودي - اولا بتكون في فواتير وانت اكيد بتراجع حساباتك

ثاني المستفيد سعودي - له راتب - وتقدر تعطيه نسبه اذا كان شغال تمام

في مشاريع طيبه وفي شباب تبي تشتغل

وهذي الشغل بيشتغلونها السعوديين التوزيع


على السريع

دمتم بحفظ الله

:)

السلام عليكم ورحمة الله وبركاته

المشروع ممتاز 100 % وانا أعرف واحد من الجماعة عنده سيارة تويوتا
وهو يشتغل هذه الشغلة مع انه هو شرطي
والحمدلله مدخل خير

فكرتك ممتاازه جدا
ربي يوفقك

مرة اعجبتني الفكرة

جدة مليااااااااااااانة شغل

بس وين الشباب اللي يدور اللي يدور الشغل

تلقاهم لحوم مبررردة تحت المكيف

ما يطلعون الا مسياااااااااان ههههههههههه

" يستثنى منهم اصحاب الهمم والطموحين الله يكثرهم يا رب "

تسلم ع الفكرة الجووونان

الفكرة ممتازة \\
بس المقصود من التوزيع المحلات والبقالات ياليت توضح

بس لا شافوا انك سعودي صدوا يبون ابن جلدتهم البقالي والهندي

ARGAM

ال خيرات

سعودي

اسعدني مروركم رفع الله قدركم - بارك الله فيكم

ربي يخليك - اخي مخاوي العبره


نعم المقصود التوزيع - للبقالات الصغيره - السوبرماركات - البوفيهات - حتى تقدر محلات خضار

تشتري خضار سوا بصل - بطاطس بالجمله او ليمون فلفل رومي سوادي - وتوزع لمحلات الخضار

والمطاعم


صح كلامك الهندي والبنقالي بيشتري من ابن جلده

لان بالاساس مافي منافس لو كان في منافس بتفرق مع اصحاب المحلات

اذا كان سعرك افضل

اذا التزامك افضل

اذا البضاعه متوفره دائما ومافي بأمنها لك بعدين

اكيد انك بتدخل منافس ومنافس قوي

والتعامل الطيب وحسن الخلق

بتكسب زبائن

اصحاب المحلات يدورون السعر المناسب لهم

فالشخص الا يبي يشتغل يبداء بارباح نص او ريال الين يكون زبائن

سعدة بتواجدك

صادق كلامك
وذكرتني بواحد عنده دينا مبرد كان يحمل كراتين التفاح من الرياض ويجيبها للقصيم ويوزعها ويأخذ عليهم ريالين على كل كرتون

حلو جدا

ممكن اللي عنده باص بعد

يركنه على جنب ويوزع رقمه - لتوصيل ونقل البضائع الساعه مثلا 20 ريال

في بعض البقائل ماعندهم سيارات ويظطرون ياخذون مشاوير طيب لو تطبق ذي مثلا بالرياض

نفرض بقاله تبي بضاعه واقرب مستودع يبعد عنها 10 - 15 كيلو وبضاعه جامده بيركبها بلموزين اكيد لا

ممكن صاحب محل الجمله المستودع عنده خدمة توصيل البضاعه مجانا بس ما توصل الا بعد معاناه
خاصه اذا كان المستودع عليه ضغط

فاكيد الواحد يظطر انه يجيب بضاعه احسن من انه ينتظر ممكن يوم يومين الين تجيه الطلبيه من المستودع

طيب لو تحط رقمك عند محلات الجملة وتقلولهم انك تقوم بالتوصيل للبقالات والبوفيات هو راح يستفيد وانت تستفيد