خريج كليه صحيه ..فجأه اتمنى العسكريه
السلام عليكم ورحمة الله وبركاته
اخواني ما أحب أطول عليكم بس حبيت أروي لكم قصتي واتمنى افادتي وأهم شي ابي رايكم كلكم ... انا تخرجت من الكلية الصحية بعد دراسة ثلاث سنوات ونصف تخصص أشعة وبعد ماظلمتنا وزارة الصحة الشكوى لله قدمت على ديوان الخدمة المدنية لكن للأسف ما طلع رقمي مع الدفعة اللي طلعت ودخلو المفاضلة وقلت خيره مابيدي شي ... المهم الان ابغى رايكم انتظر الديوان يعيني بعد سنين أو اقدم على عسكريه واسنع نفسي اتمنى رايكم كلكم بدون استثناء ... وشكرا محبكم .. |
هلابك اخوي حسب الرتبه
وهل من الممكن تتعين قريب حسب رقمك انت لازم تسوي مقارنه وتاخذ الراي الاكثر ايجابيه لك تقبل مروري |
قبل تأخذ أي قرار لازم تستشير من لهم خبرة
او الاستفسار من ديوان الخدمة المدنية والسؤال عن الاحتياج ودعوانتا لك بالتوفيق |
مشكورين اخواني مع العسر يسر وابو عبدالعزيز
وبصراحه محتار مضى على تخرجي تسع شهور مرت صعبه وحتى لو استفسر من الديوان الجواب معروف لا علم لدينا انتظر سنه سنتين وووو .... لذلك فكرت بالعسكريه بس مدري وين العسكريه السنعه اللي تناسب مؤهلي ... مشكورين |
السلام عليكم ورحمة الله وبركاته الله يكون في عونك انا زيك اتمنى اكون فني صحي اي تخصص ولكن ضاقت بي الظروف واتجهت للسلك العسكري بس الحمد لله عملي في كلية الملك فهد الامنية بالرياض اداري في المالية بالكلية واتمنى الحين اني انقل لاهلي في الجنوب (الباحة) هذ اللي اتمناه ومعانا شباب عندهم تخصصات صحية (تمريض-صيدلة-اشعة)حطوهم في المستشفى التابع للكلية ولله الحمد مرتاحين ومسمى وظايفهم فني صحي عسكري وتراها ماتفرق عن المدنية بشيء حتى البدل اللي يلبسونها ماهي عسكرية زي الفنيين المدنيين بالضبط اللهم يفرق المسمى فقط لاغير لكن انت الحين تابع النت باستمرار وخلي املك في الله قوي ولا تضيع نفسك والواحد عقله في راسه يعرف خلاصه اخوك /محمد الغامدي |
يعطيك العافيه اخوي محمد اشكرك على كلامك
|
الساعة الآن 05:42 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين