وظيفة براتب 3000 ادلك عليها الحين
 

السلام عليكم ورحمة الله وبركاته

حبيت افيدكم ياخوان بوظيفة مضمونه تستلمها من بعد اسبوع من تقديمك لي الاوراق

الوظيفة بشركة المصباح براتب 3000 ريال مسمى الوظيفة بائع عطورات او اكسسوارات او شنط او نظارات في مطارات المملكه

انا كنت شغال فيها وقسم بالله العظيم ياخوان اني كنت استلم مايقل عن 4000 مع التارقيد والعمولات وبموسم رمضان والحج تطقها 7 وانت تضحك والشهر الي مايجي فيه تارقيد وعمولات تاخذ ال3000 صافيه وانا حلفتلكم اني كنت استلم 3500وفوق ماقد استلمت 3000 لان العمولات ماشيه وتعرفو كيف الاسواق التجاريه الي بالمطار واسعارهم دبل

والمصباح له فروع بكل الاسواق الكبيره وممكن لو تبي باحد الاسواق يخلوك بس الاغلبيه بالمطارات

وانا اشتغلت عندهم 9 اشهر وفصلوني بسبب المظهر اعطوني انذار عالاظافر وزي كذا وانا مطنش لين فصلوني يعني انا استاهل

بس لي الامانه يعيبها المعامله مثل المشرفين كلهم اجانب مصري او مغربي وطبعا المشرفين مايكلو حقك بس يدلعو الاجنبي الي شغالين معك عنك يعني يفضلوهم عنك يعني مايرفع صوته عليك ولاشي بس مثلا تبي تاخذ بريك وجا مصري ثاني يبي بريك يخلي يروح وانت تروح بعده وزي كذا من هالمعامله

وقبل كم شهر جا واحد يقرب لخويي ومتخرج بشهادة بكالريوس ونزل من ابها على جده يدور على وظايف وكلمني خويي وقلتله على شركة المصباح ووافق الرجال واخذته لعند مسؤل التوظيف بالبلد وعلى طول قله الاسبوع الجاي تستلم الوظيفه وشوي تردد الرجال قال بس اترك ابها واهلي عشان وظيفة بشركه براتب 3000 قلتله مو مشكله روحله وقله ابي بابها وراحله قله ابي بابها ومارفض وشوفه الحين وربي متوظف بمطار ابها وهو جامعي بس مؤقتا لين يلقاله شي احسن

وهذا انا عرضت لكم الوظيفه باي منطقه بالمملكه تتوظف لان المصباح محتكر جميع مطارات المملكه

واي استفسار عن الوظيفه انا حاضر باي شي يخصه للمعلوميه انا كنت بائع اكسسوارات وبصراحه مابقا شي الا وانحرف ههههههههه

ومايهمهم الشهاده اهم شي سعودي ومعاي موظفين كانو بشهادة متوسطه عادي اهم شي المظهر وتدلع نفسك وبس

انتظر استفساراتكم واوصفلكم بالملي مقر مدير التوظيف واعطيكم رقمه عشان تطمنو للي يقول مابغا ادق مشوار عالفاضي

للمعلوميه..اول 3 اشهر تستلم 2000 لانك تحت التدريب وبعدها يبدء الشغل الجامد ههههه

الله يعطيك العاافيه

طيب اللي في المدينة أمديه يقدم عليها؟

وهل يوجد فرع للشركة في المدينة؟

شاكر لكم عالمرور

وانا تحت خدمت كل عاطل محتاج وظيفه ولاتنسوني من دعائكم

هلا حبيبي ايه يالغالي يمديك تتوضف باي مطار بالمملكه وفروعها بكل الاسواق الكبيره

وانت لادخلت مطار المدينه شوف الاسواق هناك الي يبيعون العطورات وهالاشياء كلها المصباح اقولك محتكرين مطار المملكه يعني المطار كله المصباح وعادي تتوظف باذن الله بمطار المدينه او يمكن باي فرع بالاسواق الكبره الي عندكم بالمدينه بس اغلبية السعوديين بالمطارات يحطوهم

بس المشكله التقديم تجيه بملفك معك الاوراق وتدخل على المسؤل اسمه اسامه الحربي وبنفس اللحظه يسوو معك مقابله يعني يشوف اهدافك ويقيس نبضك وزي كذا وبعدها يقولك تعالي الاسبوع الجاي بالبس وكرفته وتقوله ابيه بمطار المدينه يوديك مو مشكله

يامرحبا يالغلا
لا لي الاسف لازم التدريب ال3 اشهر حتى ولو عندك خبره لان بذي الفتره يشوفو مظهرك يشوفو غيابك وحضورك مايهمهم الخبره بس ممكن تفيدك وسمعت من خويي للحين شغال فيها ومطلع سياره من ظهرها الله يوفقه انهم بيزيدو رواتبهم والله اعلم

ولي الاسف التقديم ملف تقابل المسؤل بنفسك يعني لازم تحضر جده ومعك ملفك واذا ماتعرف شي بجده من عيوني اقابلك واوديك لحد الباب بس على فكره تبي رقم مسؤل التوظيف وتكلمه بنفسك وتشرحله تقوله انا بجي من المدينه واخاف ادق مشوار عالفاضي وشوف وش يقولك عشان تجي جده وانت مرتاح

والدوام واحد 10 ساعات للسعوديين و12 ساعه لي الاجانب ولك بريك ساعه اذا انت شفت الليل بريك عشا واذا النهار بريك غدا ولك يوم واحد بالاسبوع تختاره اجازه

واصلا الدوام والله فله بس وقت الرحلات تكون واقف تستقبل المسافرين والي يتفرج عالبضايع وتدلهم بالي عندك وباقي الوقت اجلس عالكراسي حق المسافرين وكابتشينو لين تشوف زحمه بالمحل تروح على موقعك:Thumbs:

الله يعطيك العافية أخوي...

وين أقدم ملفي في المدينة يعني يوجد فرع في المدينة أو أني أسافر لجدة مثلا.. هذا في حالة التقديم.

وفترة الدوام كم؟ فترتين أو فترة..

ومشكور أخوي على تعاونك

جزاك الله خير

ونحنا مالنا شي >> برآآآ:q