صندوق المئويه رفض مشروعي
 

السلام عليكم ورحمة الله وبركاته
ابي افضفض يانااااااااااااااااااااس
لاحول ولا قوة الا بالله اللهم اجرني بمصيبتي هذه واخلف لي خيرا منها
صندوق المئويه رفض مشروعي مع اني اعتبره ناجح جدا :r
انا قدمت من شهر على صندوق المئويه ويوم السبت اللي فات دخلت على رقم الطلب تبعي لقيت اللي ماكنت اتوقعه حالة الطلب مرفوض اهئ اهئ اهئ :c
مشروعي مطعم نسائي يقدم جميع المشروبات البارده والحاره مع بعض الاصناف الدسمه اللي راح اختاره بعنايه وتكون محببه للناس طبعا انا فكرت اني ما اسويه على الشارع على طول يعني يكون داخل سوق نسائي او كوفي شوب وياكثرها بالرياض وياكثر زباينهم ماشاء الله على طول السنه
والطباخات سعوديات
دقيت عليهم وسالتهم ليه رفضوه وقالت لي الموظفه لعدم جدواه ااااااااااااااخ يالقهر اللهم عوضني خير منه واجرني بمصيبتي

وقالت لي ارسلي ملاحظه عبر الموقع اعتراض على الرفض وارسلت لهم
سووال في احد انرفض وجرب يرسل لهم ملاحظه واعتراض وتجاوبو معاه ولا مايعطون وجهه
وسوال ثاني فيه رقم لموضفين بصندوق المئويه اقدر اقدم شكوتي لهم ولهم علاقه بالرفض والقبول غير رقم الاستعلامات لاني احس انهم مابيدهم شي يسوونه اذا كلمتهم ..

والله حاسه باذن الله اني راح اسوي هالمشروع وانه ناجح جدا بس احس انهم رفضو بدون مايفكرون شوي بنجاحه
واخر سوال بعد اذنكم والله داريه اني ازعجتكم بس تحملوني اختكم مصدومه :do5h:
اذا ابي اقدم مره ثانيه كيف الغي الطلب الاول لاني حاولت وقالو لي رقم الاحوال المدنيه هذا
مقدم طلب اذا حابه الغيه كيف الطريقه بالخطوات وهل ياخذ وقت
وردو علي لو مواساه لا احد يطنش ترى واصله معي :mad:

ههههههههههههه عم بمزح لا تزعلون :q

ربي يعطيك العافيــــــــــــــــــــــــة ..

يعجبني إصرارك وطمــــــــــــــوحك وعدم إحباطك .. أولاً أنا ماعندي أي خلفية بصندوق المئوية ولكــــــــن جربي الصناديق الثانية ( مثل ) باب رزق جميل أو الصندوق تبع المؤسسة العامة للتعليم الفني ..


وكل تأخيره إنشاء الله فيها خيره


وبالتوفيق

الله لايلومك اذا واصله معك -------------وحده خايفه
ولايهمك خليك وراااااااااااااااااااهم ولوتدخلين للمدير انا مااعرف المؤيه بس مشروعك يجننننننننننن وباين انه ناجح ربي يوووووووفقك

الله يكتبلك اللي فيه الخير ان شاء الله

الله يعوضك

المطاعم ما اعتقد يدعمونها الا نادرا .. لان نجاحها للان محدود

انصحك تبحثين عن فكرة ثانية وبالتووووفيق

يالغلا : الله يعوضك بالافضل يارب . ولا يهمك ربك كريم .


اخوك : محمد الحربي

مشكور اخوي انا وراهم وراهم
اما باب رزق جميل مايعطون اكثر من 50 الف ولازم ضمانات
وعبد اللطيف جميل شخصيا ما احبه :b خخخخخخخخخ اتشرط

تسلمين حياتي رفعتي معنوياتي والله
انا مقتنعه ان مشروعي ناجح :u بس مين يقنع المئويه ههههههه

تسلم اخوي وكلها اكيد خيره او اختبار من الله لصبري

غريبه ليه مايدعمونها:confused: صح انها كثيره بس الناس ماراح تصوم عن الاكل
خصوصا اني راح اسويها بمكان غير معتاد
يعني مو مطعم تقليدي عالعموم الله يقدم اللي فيه الخير مشكوور اخوي على نصيحتك

تسلم اخوي :) الله كريم