قصتي القصيرة مع مكتب العمل تعالو اقروها
 

السلام وعليكم ورحمة الله

والله بكل صراحه اقولكم قصتي مع مكتب العمل


رحت لهم قبل اسبوع

المهم

واقف مع ذاك السراء فوق 25 رجال قدامي واوقف لين جيت الموظف المهم قالي وين التعريف قلت ماعندي قال رح دبر لك تعريف واروح انا وجهي وادبر تعريف مسوي وظيفة بتكون حلوه
وكملت اوراقي وقالو رح لشركة الشايع داخل الرياض بالعليا واروح وياخذون اوراقي قالو بندق عليك >>ما يخلون الحركات هذي لزم يقلون بندق عليك :court::b وجلست اسبوع ودقو واروح لشـايع ومستانس وظيفة خلاص واسوي المقابلة وقالو بكرة تجي علشان الوظيفة
ويوم جاء من بكرة اروح لهم ويقلون لي الوظيفة الي سدت نفسي عن كل الوظايف
حسبي الله عليهم مكانه في مخرج 9 وانا ساكن بشرق الرياض يعني بالله كيف اروح كل يوم هناك واخر شي بعد كل الكلام هذا راتبها 1200:mad:

بالله يا شباب 1200 وش تسوي لي بالايام هذي بنزين سيارة لمخرج 9 او مصاريف ثانية

حسبي الله عليهم حسبي الله عليهم

والي يعرف وظيفة يا شباب تكفون لا احد يبخل علي والله اني بحاجتها

مع العلم معي شهادة ثانوي


وانا اسف على الاطالة


شكراُ

ينقل للقسم المناسب ...
خليك متابع قسم الوظائف الوسطى ... وان شاء الله تلقى الوظيفه المناسبه لك ..موفق

توكّل ع الّلي عينه ما تنآآآم..

"يا حيُّ يا قيّومْ برَحمَتِكَ أسْتَغِيثْ فَأصْلِحْ لِي شَأني كُلَّه ولَا تَكِلْنِي إلى نَفْسِيْ طَرْفَةَ عَيْن"

[align=center]
الله يرزقك ياخوي من اوسع ابوابه عليك بالأستغفار ,,,,

والله يوفقكـ ويرزقكـ بالوظيفة اللي تتمناها ,,,
[/align]

اخوي فيه وظايف في شركة ابانا

هي مقرها على شارع خريص وانت جاي من الدائري متجه للملك فهد تلقاها على يمين ناسي وين بالضبط بس رواتبهم لحملة الثانوي تقريباً 2000 ريال + سيارة+بنزين عليهم+جوال عليهم ,, وشغلتهم حلوه بس تروح توقع وطلع واذا جا شغل تروح له وأغلب شغلهم على نقاط البيع اللي هي مكاين الشبكة حقت الصرافات

انا ولد عمي توظف فيها قبل سنة ونص كان راتبة 1800 الحين ماشاء الله مع البونس وكل شيء حول 3000 يعني حسب شغلك تتقدم في هذي الوظيفة

والله يوفقك :)

الله يوفقك
مع ان الحد الادنى لراتب السعودي 1500
و هؤلاء يعطونك 1200 حتى يصبح راتبك و 300 ريال نسبة التأمينات
هذا اذا سجلونك من البداية و البعض يمكن بعد سنة يسجلونك
و طول المدة الخصم شغال
و اذا سجلوك تصير 1500 عليهم
و يمكن لديهم دعم من الموارد و 1500 كلها من الحكومة
المشكلة ما هي في المسافة لكن في الراتب و الوظيفة

موفق بإذن الله ... لك مني أجمل تحية .

الله يعينك

الله يرزقك ياخوي من اوسع ابوابه عليك بالأستغفار ,,,,

والله يوفقكـ ويرزقكـ بالوظيفة اللي تتمناها ,,,

وفقك الله