حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   السيره الذاتية وطلبات التوظيف (https://www.btalah.com/f35.html)
-   -   سنه كامله وكل باب متسكر بوجهي والسبب تخصصي (غير مطلوب) (https://www.btalah.com/t21568.html)

عـ missــاطـــله 29-08-2007 11:38 AM

سنه كامله وكل باب متسكر بوجهي والسبب تخصصي (غير مطلوب)
 
السلام عليكم ورحمة الله وبركاته

اخواني // اخواتي

ماكنت معتقده ولا 1 % ان دخولي لهذا التخصص للأسف راح يسبب لي كل هالعرقله في مسيرتي للأسف :cry:

الا وهو (تربيه خاصه):mad:

بالبدايه رحت اقدم على وزراة الخدمه وكالعاده رمو الملف وقالو لما نطرح الوظائف تعالي
طلعت وانا متسكره الدنيا بوجهي بديت ابحث عن وظيفه بمدارس اهليه لكن للأسف تفاجأت بمعامله سيئه للغايه لدرجة انهم يتعجبون من بجاحتي بطلب الوظيفه وانا تخصصي تربيه خاصه
فكرت اتوظف ببنوك لكن البنوك تحتاج لدورات انقليزي او كومبيوتر وانا امتلك الحمدلله خبره فيهم بس من دون شهادات
وقدمت عن طريق النت من خمس شهور والى الحين ماحد رد علي

من جد ضاقت فيني الدنيا وماابغى تبدا الدراسه وانا جالسه بالبيت والسبب تخصصي مو متوفر وظايف له

اخواني ## اخواتي

الله يجزاكم خير ويوفقكم ويسهل عليكم الليَ عنده وظيفه تناسب تخصصي او خبرتي
ارجوكم لايبخل علي// او في حال طرحو وظائف( اي مكان ) موشرط تدريس لو اداريه او سكرتيره في مكتب تكفون بلغوني والله انا بحاجه ماسَه للعمل وربي اللي يعلم

لاتبخلو علي انتظركم:(

متورط بشهاداته 29-08-2007 11:59 AM

الله يوفقك دنيا واخره وانا اخوك وان شاء الله تحصلين مرادك

بس اتكلي على ربك وان شاء الله انه مايضيع عبده

انا وانتي كلنا بالهوا سوا وتخصصي مطلوب بكل محل بس انسي فكرة السعوده حالياً لانها غير مطلوبه بالمستشفيات الاهليه

وشوري عليك اطلبي ربك بعد كل صلاه وان شاء الله يرزقك بالوظيفه

اخوك

عـ missــاطـــله 29-08-2007 12:21 PM

الله يجزاك خير ويعطيك على قد نيتك

وعلى فكره مدارس شمس رحت لها بقدم وطردتني المديره لا ومو سععوديه كمان

تقول هذي مشكلتكم تسمعون بالوظايف وتجون بدون ماتسألون عن هل انتم اهل لها او لا

حسبي الله ونعم الوكيل........................

متورط بشهاداته 29-08-2007 12:25 PM

اذا هي تقول كذا مكتب العمل قريب ولا اداره التربيه والتعليم روحيلهم وحقك بياخذونه

لاتخافين من شي وانا اخوك

*كلـــي أمــــل* 29-08-2007 02:21 PM

الله يرزقك الوظيفه العاجله بس أنا مره شفت في مدارس قسم تربية خاصه أتوقع اسمها (مدارس الديوان ) وشوفي لك المراكز الاهليه اللي تبع المعاقين أتوقع فيه واحد في الملز اسمه ((مركز الوليد)) وأنا اسفه اذا ماعطيتك المعلومات صح لان مالي اهتمام ها لشي بس حبيب أساعدك ..والله يسعدك ويرزقك الوظيفه ويريح بالك..

وردة حجازية 29-08-2007 03:03 PM

السلام عليكم :d :d
هلا فيك أختي بعالم العاطلين والعاطلات :d :d
ترى تخصصك حلو ولسى ليكي بس سنة متخرجة :d :d أصبري وأنا أختك :d :d
شوفي رمضان جاي واجلسي ادعي ليل ونهار على الفطور على السحور :d
حتى شغالتنا رايحة الحج بخليها تدعي لي لراحت هناك:Looking:
والله يرزقك ويرزقنا بالحلال:)

عـ missــاطـــله 29-08-2007 08:27 PM

متورط بشهادته
ضاع الامل
آنسه بطاطس

يعطيكم العافيه ومشكورين على وقفتكم معاي

Lvy 01-09-2007 04:59 AM




شوفي حبيبتي
انا شفت لك هالرد بمنتدى ثاني وتذكرتك :Looking:
ودار راسي لاني نسيت وين موضوعك بأي قسم :d
جربي دقي عليهم

اقتباس:

هذا مركز لتاهيل وتنميه الطفل بالرياض
تووه جديد ومحتاج معلمين ومعلمات تربيه خاصه
وايضا اخصائيين واخصائيات علم نفس
في شارع عثمان بن عفان

انا رحت وسويت مقابله لكن دوامين وصعب علي

احسن شي مايبون خبررره


رقمهم2109222
2109111

فاكس
2106655
موفقه :)



Lvy 01-09-2007 05:05 AM




ايوه صح
جربتي تقدمين على جمعية دسكا (الجمعية الخيرية لمتلازمة داون)
أظن يحتاجون تخصصك
هاذي ارقام الإتصال من الموقع
Here
دعواتك :)



Lvy 01-09-2007 05:25 AM


معليش :d
كل شوي اتذكر شي وارجع :d
شوفي انتي قلتي تعرفين كمبيوتر , بس ماعندك شهاده :Looking:
انصحك تاخذين دبلوم مايقل عن 6 شهور , لانه هاذي المده المعتمده في الديوان , اقل من كذا مايعترفون فيها
وبرضو مسمى دبلوم افضل من شهادة 6 شهور خاصه بالبنوك , عرفتي؟
بكذا ترضين كل الجانبين , الحكومي والخاص :d
شوفي الدبلوم تبع جامعه الأمام
مره كويس من ناحية الاسعار والاعتماد والمده واوقات الدراسه :rolleyes:


دبلوم تطبيقات الحاسب الآلي من جامعة الإمام مدته 6 أشهر ب 1800 ريال فقط لا غير !!


--------------------------------------------------------------------------------

تقدم جامعة الإمام محمد بن سعود الإسلامية في الرياض الدبلوم التعاوني السابع لتطبيقات الحاسب الآلي للطلاب والطالبات معترف به من ديوان الخدمة المدنية , مدته ستة أشهر دراسية فقط وبرسوم مالية بسيطة جدا ً 1800 ريال فقط لا غير , تتضمن كتاب المنهج ومستلزمات الدراسة !!
يتضمن الدبلوم عشرة برامج دراسية , وهي : مقدمة في الحاسب الآلي , نظام التشغيل ويندوز , الطباعة السريعة , صيانة الحاسب, الانترنت و تصميم الصفحات , البريد الالكتروني , برامج المايكرو سوفت أوفيس ( وورد , باوربوينت , أيكسل , أكسس ) . وتقدم الجامعة هذا الدبلوم لجميع فئات المجتمع وباللغة العربية . وهذا الدبلوم على مستوى عالي جداً من جميع جوانبه ؛ حيث أن لكل طالب / طالبة حاسوبه الخاص , و الأساتذة على مستوى عالي من الكفاءة و التمكن من المادة , ومنهج الدراسة مواكب لتطورات الحاسب. وموقع الدراسة والتسجيل, بالنسبة للطلاب سيكون في مبنى الحاسب الآلي في جامعة الإمام للطلاب, وبالنسبة للطالبات ستكون الدراسة في جامعة الإمام للبنات فرع الملز مبنى الحاسب الآلي. وبالنسبة لوقت الدراسة سيكون مسائياً , حيث يختار الطالب / الطالبة الوقت والأيام التي تناسبه خلال الأسبوع , حيث يلزم الطالب/ الطالبة ب 6 ساعات دراسية أسبوعياً موزعة على توقتين مختلفين يختاره الطالب / الطالبة, وهما : إما 3 ساعات في اليوم لمدة يومين في الأسبوع فقط , أو ساعتين في اليوم لمدة ثلاثة أيام في الأسبوع .
هذا وسيبدأ التسجيل في هذا الدبلوم في السادس والعشرين من شهر شعبان , أي مع بداية العام الدراسي الجديد . و سيستمر التسجيل في هذا الدبلوم في شهر رمضان وأول أسبوعين من شهر شوال . وعلى من يرغب / ترغب الاستفسار عن هذا الدبلوم يرجى الاتصال على الرقم 2589136 مع بداية العام الدراسي الجديد ,,,,,,
والله ولي التوفيق


بالتوفيق مره ثالثه :d




الساعة الآن 01:40 AM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين