|
نظام تطفيش السعوديين لدا الاجانب
هناك طرق كثيرة يتبعها الاجانب لتطفيش السعوديين ومنها
1- السؤال الدائم عن الموظف السعودي والبحث عنه من قبل المدراء والمشرفيين لكي يلفتوا النظر اليه وانه ليس تبعا للعمل 2- النظرات الغريبه والحاقده من المدراء على الموظفين السعوديين لكي تتم عملية التطفيش ويتم تقديم الاستقاله 3- عدم الزيادات والحوافز للسعودي اسوة بالموظفين الاجانب بغرض انه مرتاح ماليا ولا يريد اي زياده بسبب انه يتملك منزل او لديه اخوانه واقاربه يساعدوه اذا تازم الامر 4 تحديد اقل راتب كبدايه للعمل فى الشركة ويتم تطبيق النظام على الموظف السعودي فقط 5- اعتبار بان الموظف السعودي ليس له اذونات خارج الدوام ومن الممكن ان يستاذن ولكن تخصم عليه الساعات التي تم الاستاذان فيها وتخصم 6 اذا اخطاء الموظف السعودي قامت القيامه واذا اخطاء الموظف الاجنبي ممكن يصير فى تعديل فى الاخطاء وتلافي الخطاء 7- العمل (الكرف ) للموظف السعودي بالعربي لا تقوم من مكتبك واجلس اشتغل واذا ما فيه شغل اخترع شغل 8- اذا تاخر الموظف السعودي عن الدوام اعتبروه مهمل وغير مبالي بالدوام ولابد من احضار اسباب للتاخير والنظر فيها 9- ساعات الدوام الطويله والممله جدا هذا ما يحدث معنا فى الشركة واكيد فيهم الطيب وفيهم البطال ولكن متي سيتم معاملاتنا على اننا موظفيين ولسنا طلاب فى مدرسه ابتدائيه وين رايح ووين جاي هناك اساليب كثيره ولكن لعدم وجود الوقت الكافي واسف للاطاله |
اقتباس:
لا تقل موظفين !! بل مواطنين ! لأن جميع الشركات في جميع البلدان من واجبها احترام المواطن الأصلي صاحب االبلد . . والسبب الثاني أنكم يا أخوان لا تستوعبون حقوقكم وتطالبون بها بكل جرأة .. فحقوقكم المنصوصة في عقد العمل ليست هي الوحيدة ولكن حتى في التأمينات هناك حقوق وحتى في عقود أرامكو هناك حقوق . . الطريقة التي يطالب بها الغربيون حقوقهم هي بعدم السكوت أو الخوف أو الصمت ولكن يتحركون بالإضراب والمظاهرات وبرفع الدعاوى على الشركات !! نعم لا تستصعبوا الأمور يمكن لجميع الموظفين بأي شركة وبكل سهولة عمل اضراب كما فعل خريجين كلية المعلمين في جدة .. فالأمر سهل جداً كذلك يمكن لموظفي شركات الكونتراكت أن يشكلوا لجنة تقوم بتنظيم اضراب عاام في وقت واحد ليجبروا الشركات على الرضوخ لهم .. وهذه ميزة قوية لأن جميع أعمال الشركات مع أرامكو سوف تتوقف وتعرفون أرامكو شديدة .. وستحاسب هذه الشركات .. هل تستطيع الشركات أن تقول لارامكو أن اضراب السعوديين بسبب ضعف الرواتب وعدم المعاملة الحسنة لهم !! ستركع الشركات تحت أرجلكم .. أنتم الوطن الحلول الفعالة هي تشكيل لجان شبابية من جميع الشركات ذات الترابط والعلاقة نفسها .. وكذلك تشكيل لجان شبابية للشباب العاطلين والخريجين .. تصرفوا كما أنتم بحرية تصرفوا على أن هذه الأرض لكم وهذا الهواء لكم وهذه الوطن وطنكم !! |
الله يوفقك يا وطن
القائمين على المنتدى يرفضون حتى الحديث في الإعتصام و الإضراب على كل حال يوجد كثير مما ذكرته حول التطفيش و رغم ما تعمل من جهد و إنجاز لا يملئ عينهم شئ و دائما الفكرة السعودي لا يحب العمل و يفضل الراحة و الأجنبي في المكاتب و كل شئ مهئ له عكس السعودي يبحثون عن أى زلة عليه حتى يتحججون بأمور أخرى أعرف الوضع جيد و لكن هيهات أصمت إلا أزعجهم على أى خلل تحدث مواقف تدل على دنائتهم و السعودي اللى عين مدير وافد هو السبب و مع هذا يوجد سعوديين يفشلونك و يثبتون كلام الأجانب على السعودي يعلم الله لدى 2 واحد له 4 اشهر و تعبنا أكثر من فائدته و أخر جاء و نشيط في البداية و اشوفه ساحب عليهم أكثر من 17 يوم حتى انا ما يرد على إتصالي و المشكلة عدم وجودهم يحملني أعمالهم و كل يوم أقول يرجعون و الوضع لا يشجع و لا يوجد وظائف لكن ما أعرف اخرتها المهم أعمل قدر ما تستطيع و لا تعطيهم مجال للحديث حول تأخرك او تأخر العمل لكن لا تعمل واسطة و لا تبحث لهم عن شئ و خلك كأنك ما أنت فاهم تفكيرهم و حقدهم هذا اللى يخليهم يدورون حول أنفسهم |
اولا سلمت اناملكم كل رد كان بمثابة راحه نفسيه لي
ثانيا لم اتوقع بجد هل الحقد منهم وعمل زوبعات وتشويه للسعوديين وتطفيش المشكله اني فى الشهور الثلاثة الاولي ويعلم الله كم تعبت من الدوام العشر او الاحدي عشر ساعه يوميا لدرجة اني لا اري اهلي واولادي صرت دوام+ نوم وطفشت من كلامهم البذي والنظرات الحاقده لا اتوقع بعد الثلاثة اشهر ان يتم توقيع العقد معي ما رايكم هل اكمل او انسحب من البداية بحكم ان الثلاثة اشهر الاولي لا يمكنني عمل اي شي فيها مثل شكوي عليهم |
لااا يا أخي لا تفصل .. اصبر
هذا هو العمل بالسعودية اصبر عليه . . خلك كل يوم تقدم على وظيفة وانت في العمل .. خل تفكيرك انك عاطل حق تصير تبحث عن وظيفة بحماس وبكل جدية وراح تلقى وظيفة أحسن بواجد .. كثير من الشباب كدا . . لكن اذا فصلت راح تقبل بأي وظيفة عادية وأي راتب مسخرة راتب هنود !! |
والله كأنك تتكلم عن الشركه اللي شغال فيها
ا لراتب1800 وذالينا عليه الله يلعنهم الله يعطيك العافيه |
بالتوفيق للجميع
|
محمد عبدالكريم
أصبر قدر ما تستطيع غيرك أسؤ و حتى انت بدون عمل و لديم مسؤلية لكن هذا قدرنا نعمل تحت يد من لا يخاف الله سواء من الشركات و الوافدين الحاقدين الى الانظمة و وزارة العمل خلاص سعوديين مديرهم و يفهمهم يكون سعودي بدل وافد همه الريال و لا صلاة و لا صوم حتى لو عمل 15 ساعة أحيانا أتخيل اني بعمل تصرف اخسر وظيفتي و اتراجع و اقول مصيرهم يتعدلون و نفس الوقت أمتص حقدهم و اعمل طيب و لا فاهم تفكيرهم و عقلياتهم العفنة أشاهد مسيحي نشيط و مواظب و له اكثر من 17 سنة و كانه واصل أمس لكنه سكن خاص و لا و زوجة و لا التزام و كل سنة شهرين اجازة براتبها و تذاكرها |
اخي الكريم
لااضراب ولاشيء من هذا القبيل الحل بالتقدم جماعيا من قبل المظلومين بشكوى لولاة الأمر وسترى اخي الكريم مايسرك اما النصيحة للسعوديين لاتعطوهم الفرصه بالتأخر والغياب وتحضرني قصة شعبيه بأن احد الشباب الخجول اشتكى لوالده بأن زملاؤه وقت الأكل يطيلوا النظر فيه - اللي يفهم لهجتنا يشبهرون به - فرد الوالد أنت تدفع بالأكل مثلهم فأجاب نعم فقال الوالداذا كل وطير عيونك فأخي الكريم نحن أبناء الوطن وهم الوافدون نتجه لولاة أمرنا ونجد مايسرنا بمشيئة الله |
الصبر وانا خوك ..ومعروفين الاجانب بحقدهم اذكر مره كنت بالشرقيه ومستاجرين شقه مفروشه وكان يعمل في الاستقبال شاب سعودي ومعه واحد مصري تخيل ان الشاب السعودي يكتب اسمي في العقد كامل مثل اللي بالهوية ويقعد ينفخ بو مصير على السعودي يقول ليش تكتب (بن) ويكبر الموضوع طبعا المصري طلع وقلت للسعودي هذا يبي يطفشك خلك ناشب بحلقه لا بوه لا بو اللي جابه .
|
الصدوق الله يوفقك
ولاة الامر يعينون ناس و يتركون لهم الصلاحية و النتيجة امامنا في كل مكان خفايا أسرار بسيطة الموقف غيره في شركات و مضى 5 و 6 و 7 سنوات و إستفزاز عيني عينك و المصري جايب قريبه و حاطه في مكتب مجاور له و البقية كل يوم تسريح و تطفيش و تبلي خاصة اذا صاحب العمل معطيهم اكثر من حقهم و صلاحية أجل يتحدث معه سعودي عن وافد و تصرفاته يقول يعرف اكثر من السعوديين و هو رد متأكد أنه إستفزاز حتى تدخل معه في بلبلة و يظهر الحق معه نحتاج صبر حتى يتنبه المسؤلين و تتم تطبيق السعودة صح و نتخلص من بعض الاجانب |
راجو القحطاني نلت رجاءك بدخولك الجنه وايانا وجميع المسلمين
اخي الكريم ولاة الامر عينواموظفين ولم يجعلوهم اداة ظلم لقهر شعبهم والله لوأصر من يظلم على حقه لأخذه عنوة رغما عن أنوف الوافدين الحاقدين المهم ان الانسان مدركا لنظام العمل انا - واعوذ بالله من قولة أنا - الآن واقف ضد مجموعة من الظلمه وافدين وسعوديين وحيدا الامن رحمة الله حتى انني ذهبت لمحامي ليتولى رفع القضية بدلا عني فقال لي آخذ ميئتين ريال واقرر عندها أتولى القضية او لا مارايك قلت له بدون تردد خل الميئتين بجيبي وخل اطلاعك عندك وبدات القضيه ولم يضعف ذلك من عزمي واعتقد جازما بانه في النهاية الحكم لصالحي خذوا حكمة مني - حمروا العين على الوافد الحاقد - تروا عجبا والسلام |
السلام عليكم ورحمة الله وبركاتة انى اشوف اننى نحدديوم ونرفع برقيات للمك من جميع العاطلين اومن طفشهم الجانب ومن نوقف الين مايجي تحسين فعلي بالرواتب واحترام اللموضف السعودي وشكرا |
مشكوريين اخواني على الردود والمشاركات الحارة عندي سؤالى هل ممنوع وقوف 2 سعوديين مع بعض والحديث فى اخر الدوم ؟
|
اخواني صار معاي موضوع حبيت اخذ ارائكم فيه النوضوع انه صار معاي الام بالظهر وروحت المستشفي واعطاني الدكتةر 3 ايام اجازه المهم اني بلغت خوي وخليته يبلغ المدير بعد 3 ايام رجعت اباشر عملي ما لقيت الا المدير زعلان ويقول غريبة كيف يعطوك 3 ايام اجازه قولت والله روح اسأل الدكتور المهم انه عندن كل شهر بيطلعوا تقييم للموظف حسب عملة ودوامه والله ما توقعتها منه ما رايكم وما العمل
|
لاحول ولاقوة الابالله
ياشيخ والله انا كنت زيك بس الفرق انه كانو الموظفين الاجانب يعطوني شغل ولا عن 3 موظفين والله كان دوامي مسبب لي ارهاق شديد >>> من الكرف على اني كنت موظف استقبال بس لوا علمك شنو كنت اسوي يعني طبيعة عملي والظغط الشديد الللي اعانيه يوميا وحاله الاكتئاب من الوضع وتخيل حتى الموظفين السعوديين بالموارد البشريه كانو شبه متعاونين مع الاجانب علي ممكن ماتصدق كلامي بس اعلمك الحكايه تخيل كل موظف سواء سعودي او اجنبي يمر علي كل يوم والله يسألوني انت مرتاح ولا لا في شغلك واقولهم الحمد لله مرتاح كل يوم على هذا الموال حتى فيه بعض الاجانب اتكالي جدا ولا يسوي شغله الا انا تخيل من كبار الموظفين واعلمه كيف يستخدم برنامج الوورد واكتشفت انه جايبينه مايعرف وين الله حاطه كل شوي والثاني مناديني اسوي الشغل بدل عنه هذا بالنسبه للاجانب بالنسبه للموظفين للسعوديين((كبار الموظفين)) كل واحد شايف ام نفسه على مدري شنو وحتى فيه واحد منهم قالي ليش انت كل يوم تجي ومبتسم لاتبتسم >>> حسد وخلك رافع ام خشمك على الباقين والا يصب اخطاء عمله علي واسكت واقوله والله يسامحك ويرجع يقولي انت تتبلى علي بغيت اكسب ود السعوديين هذول بس ماأدري وش فيهم وبعض الموظفين اللي توه سالك معهم وااااطين على ام رقبته وطبعا هم فصلوني من الشركة بحجة انني تأخرت بس خمس دقايق ثلاث مرات خلال شهر ونص تقريبا وأنا في فترة التجربه عندهم وقلت في نفسي خيره ولاأنهان في هذي الشركه من الاجانب والسعوديين والله ياإخواني هذا اللي يصير بالشركة اللي كنت اشتغل فيها وإذا بغيتم اعطيكم اسمها ماعندي مانع وهي بمدينة الخبر شركه معروفه مليانه نفاق وكذب وناس مريضه نفسيا وحاسدهواشوفهم كأنهم يقولون في نفوسهم ليش هذا الموظف الجديد((انا)) يسوي اشياء حنا مانقدر نسويها((من تحمل ظغوط العمل والظغوط النفسيه ومبتسم طول النهار حتى اكسر حدة الظغط)) العمل طبعا هم اللي مخليهم يشوفون نفسهم((الموظفين السعوديين))مؤهلاتهم وخبراتهم واللغة الانجليزي توب وشوفة النفس ياساتر يارب وطبعا كل موظفين الشركه بعظهم يدور على الثاني الغلطه الواحده وياليت اذا لقى على زميله غلطه يستر ماواجه ويساعد زميله في العمل على تصحيحها لا> يفضح فيه بين الموظفين ويشمت وطبعا هذا كله صار علي وتحملت وتجاهلتهم وحتى فيه مصري صديقي على النيه معي ويعلمني وش يسوون الاخوان السعودين والاجانب في القسم ((الموارد البشريه)) ويتكلمون بالطعن في الظهر حتىلدرجه مرة من المرات اسلم عليهم والله مابيردو السلام ويعاملون الناس بالفوقيه يعني انا عندي مؤهل كذا وانت لا وماعليش على تركيزي على الموظفين السعوديين اكثرمن الاجانب في هذي الشركه بس هذا الواقع اللي حاصل في هذي الشركه وملاحظاتي على السعوديين اكثر من الاجانب اتفق معك انهم حاقدين بس الشركه اللي كنت اشتغل فيها ظلم من الطرفين وكأننا في غابه بدون قانون يحكمها القوي ياكل الضعيف |
الاخ انا الوطن يآخي اي حقوق تتكلم انت عنها ؟ يآخي ترفع شكوى لمكتب العمل ما فيه فايده خلاص ؟ ما يسون لك شي ابد ؟ بس تبي وظيفه ثانيه يشوفونها لك ؟ وصراحه القطاع الخاااص كرررف في كررف واذا مافيه عمل اخترع عمل ؟ ومن ناحية الاجانب والله فيهم رجال وفيهم اجانب اطيب من بعض السعوديين والعكس كذالك فيهم الطيب والخيب ؟ وانا مجبور على القطاع الخاص لا أسبأب شخصيه بعد ما كانت تجيني وظايف حكوميه واقول ما ابيها والان ادفع الثمن لاكن ما عليه اهم شي الصحــه هذا اهم شي والصلاه لتوسيع الرزق ودمتم
|
[align=center]
أطلب الله ترى ان كان تبي من حكومتنا تعطيك حقك فموت ياحمار اللين يجيك الربيع حكومتنا السبب في اللي يصير وحكومتنا متمثله في مكتب العمل بل حتى في من يتمثل عندهم مكتب العمل ومن يحاسب مكتب العمل ما عندك احد كان بالامكان نكون افضل من كذا بس حكومتنا عندها مثل (جوع كلبك يعبدك )انت مواطن كل تبن والاجنبي هو ابن البلد [/align] |
حسبي الله و نعم الوكيل الله
|
انا لله وانا اليه راجعوون
لآاله الآانت سبحانكـ اني كنت من الظالمين صبرا آل ياسر |
المشكلة ياشباب ان الشركات استعباد للموظف السعودي تبيه يقول خلاص ما ابي اشتغل خلاص طفشت ويرجع للبيت محمل بهموم الدوام وهموم تتعبه نفسيا
يا خي ليه ما يراعوا المواطن ويعطوه حقة انا ما عندي مشكله يكرفوني بس زي ما يرقوا ويعطوا زيادات للاجانب يعطونا وبعدين ليه هل الدوام الطويل كسرت ظهر وارهاق زي الاستلامات فى القطاع العسكري بس الشركات يومياً والله اذا طلبت اجازه قامت الدنيا وجلست واذا الاجنبي طلب اجازه عادي اعطوه من حقه كان ما فيه الا هل الاجنبي شغال بالشركه والسعودي استعباد |
اعرفهم زين زين!!! أنا اشتغلت بشركة 3 أرباعها بنغالة وانا احس اني اجنبي بوسطهم والبنغالي يفكر انه يقدر يطفشني ويحاول يقل أدبه معي هو واخوياه بني جلدته وينظر بنظرات الذي يريد أن يتخلص مني وانني ثقل على كاهله او كأني جاي في بلده ومضايقه في شي هههههههه ويحاول بكل الاساليب انه يعرقل تطوري ومعرفتي المهنية في العمل
لكن وريته العين الحمرا الين قام هو يتبكبك وصار زي الالف هو واخوياه مو اخلاقا منهم لكن شافوا الغيرة السعودية على حقيقتها وعلى كل حال تركت العمل لظروف خاصة مو لنه نجح في تطفيشي واستقالتي , لا يخسا |
والله الي اقدر اقوله كملو تعليمكم وابصقو بعين الي يصخر منكم بعد البكالوريوس
ماينفع الا الشدة ولا ينفع الاحترام معهم وخربوو انفسكم بالدراسة واصلو واحصلو على الماجستير وهايطو عليهم الله ياخذهم |
جزاك الله خير صاحب الموضوع صحيح
|
اقتباس:
|
حرب حرب علينا اقلكم حرررب وفي بلدنا.. حسد وحقد وعنصرية لابد من الحزم
|
ماتلاحظ انك وامثالك ترفع مواضيع قديمه
لاكن بإذن الله سيتم التعامل معكم بحزم حالكم كحال امثالكم الباقين ولن تستطيعو أن تقدمو أو تاخرو |
| الساعة الآن 01:29 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين