فيه احد قدّم معروض للملك ولقى نتيجه؟؟؟
السلام عليكم ورحمة الله وبركاته0000
أعضاء منتدى البطاله00 بعد محاولاتي اليائسه في وجود اي اي وظيفه( تليق بشهادتي ولاماتليق) :Looking: سؤالي؟؟:confused: فيه احد منكم فكر و قدّم معروض للملك عبدالله ؟؟؟ (واذا ايه) كيف ؟؟:confused: ابي ارسل معروض واكتب فيه اللي جرالي لاني ماخليت مدرسه اهليه ماقدمت فيها حتى ذول (يبون خبره) ولا اي وظيفه !!! :eek: والديوان ما قبلني !! حتى دراسات عليا ماقدرت ( عاد ذولا مدري وش يبون اكثر من مرتبة الشرف الاولى ) ومـــــــــافي أمل لافي منطقتي ولافي اخر السعوديه(والله راضيه بس هي تجي ) تدرون مقدمه اكثر من 9 اختبارت لوظيفة معيد وماجستير والنتيجه (مدري اظن كل اللي اختبروا معي امتياز ) وعلى فكره ارسلت ايميل لوزير التربيه ورد علي بعد ثلاث أيام برقم معامله واسأل عنها يقولون للأسف مافيه وظايف (على العلم انه بعد اسبوع تقربيا راح يكون التقديم بالديوان) وعينوا بنات جيد جدا وخلوني!!! مع ان حرم الملك فهد الله يرحمه كرمتني(من متفوقات الجامعه) وحرم الملك عبدالله بعد كرمتني( الاولى على الدفعه) هذا اللي قدرت اقوله والخافي اعظم:cry: والله مدري وش السالفه لاهم فاهميني ولاانا فاهمتهم!!!!!!!!!:eek: ارجوا الرد وجزاكم الله خيـــــــــــــراا |
هلا أختي عاطلة مع مرتبة الشرف :d
سمعت مرة ان في وحد راحت لامير وكان زوجها ميت ووظف بناتها الثلاث :Looking: صراحة انا اسمع بس ما شفت :d الله يوفقك ويرزقك الرزق الحلال:d ترى الزمن ذا الواسطة اهم من التفوق :Looking: واسطة = وظيفة تفوق = مافي وظيفة >>>حطمتك صح :d :d |
عاطلة بمرتبت الشرف
روحي جمعية اطفال المعاقين واكتبي معروض لا ميرسلطان وان شاء الله مارح يقصر معكـــ |
الله يوفقك والجميع انشالله
|
آنسة بطاطس ههههههههههههههههههههههه
حطمتي البنت وهي خير شر مو ناقصة اختي عاطلة بصفتي أشهر عاطلة اقوول لك تفوقك مايفيدك حتى لو متخرجة من محو الأمية وبالدف وعندك واسطة تصيرين مديرة جامعة :) |
الله يسعدكم
|
الله يوفقك لما فيه الخير
|
الله يوفقك
|
ما أقول الا الله يوفقك يارب هذا وانتي معاك مرتبة الشرف والأول على دفعتك ولك شرف التكريم الذي حصل لك الله يالدنيا أجل الله يرحم حالنا دبلوم أو ثانوي أو متوسط أو ابتداااائي الله يرحم الحال ....حسبنا الله ونعم الوكيل ....على العموم اختي حاولي ترسلي برقية وتشرحي فيها معاناتك أسرع وأفضل لك أكيد راح تحصلي رد وان شاء الله تتوظفي وظيفة محترمة تليق بشهادتك اللي أخذتيها واستحقيتيها بجدارة ....بصراحة شئ يقهر وربي ...........................وبالله التوفيق .
|
بالتوفيق لجميع
|
أختي عاطلة
اسال الله أن يوفقك و يوظفك قريبا أختي هل دعوتي الله سبحانه و هل رفعتي يديك إليه فهو سبحانه وحده الذي ندعوه فيجيبنا من دون واسطة و من دون معاريض و خرابيط هل أكثرتي من دعاء الكرب لا إله إلا الله العظيم الحليم ، لا إله إلا الله رب العرش العظيم ، لا إله إلا الله رب السماوات و رب الأرض و رب العرش الكريم ،،، أختي أن ولربي الحمد كله أكثرت من هذا الدعاء و من الإستغفار ووالله إن توظفت من دون واسطة حتى و إن كتبتي معروض للملك فادعي الله أن ييسر لك ذلك فهو ملك الملوك لا تيأسي فالرزق عند الله ((و في السماء رزقكم و ما توعدون)) وفقك الله و بارك فيكِ... |
الله يوفقك ويسر امرك ,,,,,,,,,,,,,
|
انسه بطاطس ,,,, كلامك صحيــــــــح
وتراكِ ماحطمتيني انا محطمه خلقه000 فهده ,,, مافهمت (وش دخل المعاقين) ومشكوره عيوني على مرورك الحلو خياليه ,,, صااااااااااادقه maidini ,محمد العتيبي , بكالوريوس, فارس توب,, البرنس شاكره لكم مروركم ودعائكم Nj7 لاتقول هالكلام حنا بمركب وااحد ,,, الله يوفق الجميع اخي المبتسم جزاك الله خير على الدعاء والذكرى ووفقك الله لما فيه خير اخي ,, قبل ماافكر بأحد رفعت يدي لله ودعيته بالسر والعلن بس حبيت اخذ بالاسباب وابحث بكل مااعطاني الله من جهد واتمنى من الله ان كل مابالمنتدى وخارجه يتوظفون وياكلون من عرق جبينهم اللهم امين |
ماشاء الله عليك
اقول لك بيت شعر الم تر ان البحر تعلوا فوقة جيف ****** وتستقر باقصى قاعه الدرر والله انك دره لكن نظام بلدنا ما يعترف بتأهيل ولا غيرة ان كان هناك حاجة ولا فيه احد من قرايبهم اعلنوا واذا كان فيه حاجة لوظيفة وفيه احد من قرايبهم فماله داعي اعلان ومفاضلات ومالة داعي اعطاء كل ذي حق حقة الاقربون اولى بالمعروف حتى لو على حساب العدل والمساواة والدين وعلى حساب اي شيء حتى لكن اقول لك اذا ما كان عندك واسطة وسبب فرب الواسطة ورب الاسباب موجود هو الاول والآخر سبحانه وسلام عليكم |
في موقع الاتصالات السعودية من قائمة خدماتي
توجد خدمة البرقية الالكترونية ....... لارسال برقيات لجميع المسؤولين من مدراء ووزراء وامراء وحتى للملك عبدالله شخصيا جربي والله ييسرك امرك ويوفقك |
الله ييسر لك امورك
وماتضيق الا تفرج ... واخذي بدعاء اخونا المبتسم افادك وافادنا جزاه الله خير |
مشكورين على المرور والكلام الزين اللي هون علي ( بعد الله)
|
الساعة الآن 08:47 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين