|
الاتصالات السعودية
قبل 24 شهر قدمت على الاتصالات السعودية عن طريق الموقع بالنت وقبل حوالي ثمان شهور اتصلوا بي لتحديث المعلومات ولكن لا وجود لوظيفة حالية هل الذهاب لمقر الشركة مجدي وأين موقعهم بالضبط في الرياض
|
اظن موقع الاتصالات ماعندك احد انا مقدم من سنة ونص وكل شهر شهرين اسوي تحديث ولاحس ولاخبر :confused:
الظاهر لازم يكون فيه حرف الواو :mad: وموقعهم بالرياض ااظن بحي المرسلات؟ |
اقتباس:
عمي يعرف مدير شركة الاتصالات بمدينة بيشة ويوم قاله ماعندكم وظايف مدير الشركة قاله التقديم في الرياض ومابيدنا شي لآن الوظيفة ماتجي بالواسطه حبيبي نصيحتي قدم بموقع الاتصالات وأنسى الباقي أذا لك نصيب بتتوفق أما تروح لهم مقرهم بالرياض فنصيحتي لك روح وشوف وش يقولون لك وأذا تبي تعرف موقعهم بالرياض بالضبط أتصل على 905 وقوله وهو يبلغك لآنه موظف بالشركة وأكيد بيعرف وين المركز الرئيسي وأمانه : أذا فيه جديد بلغني عبر الموضوع أو الرسائل الخاصة والله يوفقك أخوك |
موقع مكتب التوظيف لشركة الاتصالات بطريق الجامعة بجانب كلية الاتصالات بنفس مكتب خدمات المشتركين
وياليت تعلمنا وش يصير معك اذا رحت لهم بالتوفيق |
شكرا اخوي احلام وردية...
والحقيقة فيه بحرف الواو وفيه بدونه :) وعلى قولك.. اذا لك نصيب بتتوفق.... |
حبيبي اذا عندك واسطه بتمشي امورك واللي يقول بدون واسطه مافيه امل
اعرف ناس توهم متوظفين بواسطه قويه وناس لها شهور مقدمه تقديم طبيعي زي حالاتي ولا فكرووا فيهم يعني بالعربي شغل واسطتك بتمشي امورك والسلام عليكم |
طيب فيها وظائف نسائية؟؟
|
أنا ذهبت لمقر الشركة بالرياض اللي جنب كلية الاتصالات
و ما خلوني اعدي البوابة لأنهم يعطونك بطاقة زاير و يطلبونك اسم الموظف او القسم اللي تبيه و لما طلبتهم قسم التوظيف رفضوا وقالوا من الموقع هذا الكلام تقريبا شهر2 الماضي يعني قبل ستة شهور تقريبا وفقكم الله |
اخوي abu rose انا زيك مقدم عليهم قبل سنتين واتصلوا عليا قبل تقريبا 8 اشهر او اكثر بشوي وتاكدوا من بياناتي وسألته عن السبب قالي علشان نحدثها ونتأكد من ان البيانات صحيحه وقالته طيب كيف ان شاء الله في امل نتوظف قالي ان شاء الله قلت له طيب متى ؟ قالي عن قريب راح نتصل فيك وليومك هذا لاحس ولاخبر وقبل 3 اسابيع راجعة شركة الاتصالات واستفسرت منهم وقالوا لي التوظيف من الادارة في الرياض والتقديم عن طريق الموقع فقط و قلت للموظف انهم اتصلوا عليا واتاكدوا من بيناتي قالي طيب ليه ما خزنت الرقم واتصلت عليهم من نفس الرقم قلت له نسيت :o قال هذا ذنبك انك ماخزنته :mad: بس اخوي abu rose لو كان عندك الرقم اللي اتصلوا فيه عليك عندك ياليت تعطينيه علشان انا من الفرحة نسيت اخزنه عندي وعلى الاقل ارجع اطفشهم واستفسر من نفس الرقم اسف على الاطالة :) |
يا احلام وردية ايمكن الي في بيشه ما في ايديهم اي شي
لكن الرياض اجزم لك ان الواسطه تمشي مليون فيها انا اعرف واحد معه شهاده ثانوي متوظف بالواسطه يوم بغيت الرجال يتوسط له لقيته متقاعد راحت علي لو انه صابر اربع شهور بس كان توظف في الاتصالات <<< حاليا عاطل |
| الساعة الآن 10:00 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين