مدينة الملك عبدالعزيز للعلوم والتقنية استفسار
سويت مقابلة في احد المعاهد بمدينة الملك عبدالعزيز مع دكتور المسئول عن المعهد
وقالي انه تم قبولي وراح يتواصلون معاي ولا صار شي للحين هذي نقطة النقطة الثانية انا مهندس بمعدل جيد وراح يعينوني على المتعاقدين هل المتعاقدين يتم فصلهم بعد انتهاء المشروع مثلا او متى ما اراد دكتور المشروع والله يجزاكم خير |
لازم يطولون غصب عنهم علشان أوراقك توصل للمسؤلين ويوافقون عليها ويعتمدوها
إلي أعرفه ممكن تمر 4 أشهر أهم شي تكون أوراقك كامله علشان ماتتأخر زياده ومافي حاجة اسمها يفصلك إذا ماشي تمام وأجتهدت وأثبت وجودك ماراح يفصلونك وراح يجددون معاك كل سنة.. وجدااا رائعة لاتتركها وتحمل التأخير.. |
شكرا ياوردة الندى
هل يلزم خلال الفترة هذي اراجعهم !؟ |
السلام عليكم ورحمة الله وبركاته
اخي عقاب الف الف الف مبروك قبولك في المدينة معك اخوك باحث مستجد في المدينة بما انه قبلوك المركز فامورك الحمد لله الان تمام التمام الخطوة الجاية رح يتصلو عليك شؤوون الموظفين يطلبو حضورك بصحبتك وثيقة تخرجك وسجلك الاكاديمي وبطاقة الاحوال الاصول مع 3 صور لكل منهم للمطابقة وتسليم الصور ويعطوك ورقة الكشف الطبي تروح تسويه في مستشفى الملك سعود للامراض الصدرية صحاري سابقا وبعدين تسلمهم الكشف ويرفعو الاوراق لوزارة الخدمة المدنية تاخذ عندهم شهر الى 3 اسابيع بعدين يسوون لك ميزانية وتحديد مرتبة ويتصلو عليك تباشر العمل يعني الاجراءات كلها تاخذ شهرين انا خريج من شهر رجب وامشي في الاجراءات والحمد لله جا تعييني ودوامي بداية شوال مع الموظفين والعقبا لك يارب واي سؤال او استفسار انا حاظر وفي الخدمة موفق ياباش مهندس على فكرة مين قالك انهم يستغنو عنك بعد نهاية المشروع هذا كلام لا اساس له من الصحة الفرق بين المتعاقد والاكاديمي ان المتعاقد يعين على مرتبة مساعد باحث ولا يحق له الابتعاث ومعاملته في المدينة زي اي موظف حكومي اما الاكاديمي الحاصل على جيدجدا يعين على رتبة باحث ويبتعث لاكمال الدراسات العليا ومعاملته كمعاملة اعضاء هيئة التدريس في الجامعات معيد محاضر استاذ وهكذا والراتب فيه فروقات بسيطة يعني لو المتعاقد راتبه 9الاف يستلم الاكاديمي 12 الف وهكذا حيث لايستلم بدل البحث العلمي |
السلام عليكم
انا عملت مقابلة قبل رمضان في مدينة الملك عبد العزيز وقبل إجازة عيد الاضحى تم الاتصال بي لانه تم قبولي بوظيفة باحث بمرتبة معيد وقال بداية الدوام راح تكون بعد الاجازة وعند اكمال الفحص الطبي قال الموظف انتظر اتصال بعد العيد لكن الى الان ما اتصل اتصلت عليه هذا الاسبوع وقال ما وصل اي شي هل تطول الاجراءات طويلا وخاصة انه تم قبولي في بعثة الملك عبد الله وبداية الدراسة راح تكو في شهر مارس وانا افضل العمل اكثر |
الله يوفقك |
الساعة الآن 04:07 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين