طلب استفسار ضروري
 

بسم الله الرحمن الرحيم
السلام عليكم ورحمة الله وبركاته
انا طالبة منكم ترشدوني لأني ماأعرف بصراحة للمقابلات وهذي اول مرة
اتصلو علي مكتب الافـضـــل وهو تابع للبنك السعودي الهولندي
وطلبوا مني الحضور للمكتب بكرة الصباح علشان اعمل مقابلة

فحبيت تفيدوني اكثر شنو طبيعة المقابلة :(

بليز لاتطنشون وادعو لي :(

والله مااعرف بس صديقتي سوت مقابله عندهم المقابله تتكلمين عن نفسك بالانجليزي ,,,,,,,,,,,, كيف تقنعين الشخص ,,,,,,,,,,, والله هذا اللي قالت لي عليه ,,,,,,,,, وبالتوفيق ياقلبي ,,,,,,,,,,,, كــــــــــــــــــــــــــــانت هنــــــــــــــــــــــــا ,,, ايه احبك

الله يسعدك حبيبتي :)

انتظر اراء ثانية :(

الله يوفقك و يتمم عليكي بالخير
أتوقع أول سؤال مثل ما قالت إيه أحبك
تكلمي عن نفسك..عائلتك ..مؤهلاتك..خبراتك و بقية الأسئلة تجي بناء على أجوبتك
احرصي على معرفة كل كلمة كتبتيها في السيرة الذاتية
و في مواضيع مثبة في المنتدى عن المقابلات الشخصية إقرائيها
و بإذن الله راح تفيدك و ادخلي هذا الموقع راح يفيدك بعون الله راح تلقين فيه
أسئلة و أجوبة لمقابلات البنوك وغيرها
http://www.jobinterviewquestions.org...-questions.asp

غاليتي خيالية ...

اذا كنتي بتسوين المقابلة في مكتبهم اللي بحي السفارات فبقولك من الحين

تطمني ... الموظفة هناك بتريحك على الاخر ... اسلوبها مره حلو ...

بالبداية بتخليك تاخذين وقت تهيئين فيه نفسك و بعدها بتعطيك فكرة

عن الشركة نفسها .... و عن الوظائف الشاغرة عندهم ... وبعدين

بتقولك كم سؤال عام عنك .. حياتك .. مؤهلاتك .. خبراتك

و بعدها اذا الوظيفة تتطلب اللغة الانجليزية بتسئلك برضوا

اسئلة عامة و من ضمنها ( تكلمي عن نفسك ) ..

و بعدها بتعطيك استماره تعبينها وبس ...



الله يوفقك و يسهل عليك

مشكورين وماتقصرون فديتكم
الله يرزقكم من حيث لاتحتسبون منولة وحلم سارة
طيب حبيبتي انتي عملتي مقابلة هناك وتوظفتي عن طريقهم او لا؟؟

انا العام قدمت عليهم و انقبلت بس مجال الوظيفة ما ناسبني لانه

في مجال التسويق ...

الله يوفقك غاليتي

الله يوفقك غاليتي

الله يوفقك يارب ويسهلك المقابلة