معه حول المية وثلاثين الف وش رايكم
:)السلام عليكم ورحمة الله وبركاته اسعد الله مساكم جميع الكلام واضح من عنوانه واحد معه حول المية وثلاثين الف ويبي مشروع وش رايكم ؟ يبي مشروع يأجره ااو زي كذا بنتظار مشارككاتكم لكم احلى تحيه :confused: |
الله يهنيك فيها ويرزقك بركتها
افتح محل ادوات بناء فيه الخير |
جزاك الله خير حمدان
نبي شي غير المحلات ؟ بنتظار مشاركاتكم ولكم جزيل الشكر |
اخوي عندك مثلا مشغل نسائي اخوي فاتحه له تقريبا 7 شهور ولله الحمد ماشيه اموره عندك مثلا محلات انترنت ولو له قدره مثلا محطه على احد الطرقات السريعه المشاريع كثيره اخوي بس اهم شي يسوي دراسه لمشروعه من الالف للياء وموفق خير يارب
|
هلابك السفارات هلابك مشكور ياخوي والمحطات الميه وثلاثين تكفي لها ؟
|
اشتغل في التريلات فيها ذهب اسود اضربلك مثال
اشتري تريلا قلاب وروح حول منطقه في الرياض في تراب ابيض تأخذه بـ 500 ريال وتبيعه في جده بـ 4500 ريال يعني مكسب 4000 ريال |
المحطة ما تكفيك دراهمك
والتريلات حلوة والاحلى خذ لك قلاب وفي مكة بجبل عمر والتوسعة تاخذ حملة القلاب ب80 ريال ويوميًا تشيل من الـ8 إلى 12 رد والحسابة بتحسب |
القلاب يبي له سواق وانا عندي راس ومتورط فيه الحين شوف مواضيعي وتدرون
ابي احد يستاجره ويشغله ما لقيت لكم الف شكر |
عليكم السلام ورحمة الله وبركاته اخوي .وهذا رايي وارجو قبوله . افتح عطارة .. لانها ناجحة 100% اعشاب وعطور وزيوت ومكسرات وبهارات .. ومكملات غذائية تشترك بشركات التسويق الشبكي وتربح من جهتين من الشركات ومن محلك .... والخبرة تجي من دوامك فيه و مساعدة عامل خبره او بدون خبره بعد..
ابعد عن اي مشروع يعتمد على فنيين او متخصصين او معلمين .. كمطعم وغيره . دور محل بيع وشراء فقط .. بحيث انك تلقى بدال العامل مية عامل .. |
اخوي شارب فينتو.. اذا عند راس تريله او *** .. تبي تأجره .. ياليت تراسلني على الخاص .. اجره لك او استأجره منك..
احتاج تفاصيل ؟؟؟ |
بيض الله وجهك يا مهاجر ودي بس هالوقت مرتبط بعد العيد ماقدر افتح محلات ابي لي شي اسهل
|
بسم الله الرحمن الرحيم
السلام عليكم ورحمة الله وبركاته صاحب المال ادرى بميولة وقدراتة ولكن اهم شرطين هما مايشتغل بكل راس المال ويدور مشروع مايعتمد على العمالة .. وبس |
الموضوع قديم ولا ادري وش صار عليك لكن اذا الدراهم موجودة وانت من اهل الرياض تعال هنا مشروع يكسب 90 الف في السنة ..
كلش |
السلام عليكم
بس بغيت ارد على اللي يقول تنقل تراب ابيض تشتريه في الرياض ب500 وتبيعه في جدة ب4500 يا اخي مافيه شي من هالكلام تبيعه في اقصى حد ب2500 ريال وتعطي السواق في التريب الواحد 500 ميه يعني تطلع صافي 1500ريال بعد حذف قيمة الرمل والتريب وتنقل في الشهر 6الى 7 الى 8 ردود حسب التساهيل يعني تطلع صافي من 8000الاف الى 9000 بعد ما تعطي العامل راتب اذا كان ب1500 ريال واحيانا يا خذ اكثر هذا اذا شغلك سالم من الاعطال لان فيه اعطال توقفك كم يوم والله اتمنى من اخواني ما احد يشور على احد الا قد جرب لاني اشوف بعض الردود من جد خيال وارباح ما ادري من وين جايبها اكثر الردود تقول اشتر تريلة واجرها على شركة ب15 الف ياناس مافيه شي يجيك على كيفكمم والله ناس انجحدوا ما خذوا ولا ريال وبعضهم يماطل 6شهور مايصرف لك واذا صرف صرف لك رواتب العمال بس عقب ماتبوس ايديه ورجليه لانك تصرف على تريلتك كم شهر من جيبك وتسلف على شان مصاريف العمال ياشباب انا ما اكسر مجاديف انا احطكم قدام امر واقع وبالتوفيق |
^ فعلا ياخوي عمر شقراء رمل الرياض يباع كأقصى شيء بـ 2500 ريال ....... وحجم تريلا بعد .....!!! وعلى كلامك أظن من الأفضل للي عنده شاحنة كـ شارب فينتو يستقدم عليها سواق ويشتغل في مثل هذه الشغلات التي يكون الدفع فيها مباشرة ....... |
اخوي وانا اشير عليك انك تفتح مغسلة ملابس وتفضل تكون عند شقق عزاب والله تطلع منها ذهب
|
اشتغل ف كلش الموضوع جديد وما هو قديم علمني المشروع واذا تبي ارسل رقمي لك رقمي خاص ارسلته لك
عمر شقراء كلامك ف محله المشكله الواحد يتكلم عن الامور وهو ما بعد جربها مجر انه يسمع ويقول زي كلام الناس وف الحقيقه كلام كله اخواني الي ردو جميعا شكرا وتم الرد بالخاص ع الي يبي تفاصيل الف الف شكر لكم جميعـآ |
للرفع
|
ارسله يا خالي
|
ابشر يا عمي
|
الساعة الآن 07:47 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين