|
رأيكم جميعا بعثات ام طب ام كلية الملك خالد
بسم الله الرحمن الرحيم السلام عليكم ورحمة الله وبركاته
انا ولله الحمد قدراتي جيدة في الدراسة ثانوية عامة 97 القدرات 88 التحصيلي 82 وانقبلت طب في الجامعة ولكن الجامعة ليست بمدينتي ودراسة الطب ايضا طويلة ومملة وصعبة جدا كما تعرفون وعشان كذا حاب اعرف كلية الملك خالد(الحرس الوطني) هل فيها بعثات للمتفوقين لأنه طموحي مع احترامي للجميع اكبر من شهادة ثانوية ثم بكالوريوس عسكرية ووظيفة اللي اقصده لو انقبلت بكلية الملك خالد هل فيها بعثات وحتى لو ما فيها بعثان فبماذا تنصحوني الطب ام كلية الملك خالد وشكراااا........... |
السلام عليكم ورحمة الله وبركاته
ماشاء الله تبارك الله نصيحتي لك كمل في الطب وابعد عن العسكرية . |
انا من رايي بما ان توجهك ماهو طب
عليك بالهندسة اما صناعية او كهربائية او كيميائية او مكانيكية حسب التوجه وجامعة البترول الافضل للاسباب التاليه الدراسه تمام وغير مملة وممتعه لان الدكاتره مزبوطين الهندسة مطلوبه وتضم التوظيف باذن الله والجامعه وتقدر تصير معيد او تدرس ماجستير بنفس الجامعه ايضا اذا صار براسك عسكرية ممكن تدخل بعدين واتمنى لك التوفيق |
‘
الأكيييد افضلك الطب من العسكرية ومشاء الله عليك مشاء الله عليك بآين من معدلك انكْ شاطر بالدراسة انت توكل على ربك وآستخر وربي بيدلك على اللي فيه الخير لك واذا كانك مقدم على الجوية يعني وزآره الدفاع بإمكآنك تبتعث دآخلي وتدرس الهندسة بجامعة الملك سعود او البترول وبعدها تصير المهندس الضآبط < شي والله هع انا وانا اخوك معدلي ماهو بعيد عنك وقدمت ع الجوية بس ماالله اراد ولا كانت حلمي :( وعساها تكون خيره لي والحين بجآمعة الملك سعود بن عبدالعزيز للعلوم الصحية بالحرس والله يوفقك ويكتبلك اللي فيه الخير .. |
اقتباس:
اكيييد الطب افضل لكن دراستها وطويلة واخاف ادي ثلاث سنوات ولا اربع وبعدها ما اقدر اكمل تكون صعبة عليا لكن انا حاب اعرف اذا احد سمع انه الحرس يبتعث بعد الثانوية او لا؟؟؟؟ |
مممممم والله مدري وش اقلك
هي اكيد العسكريه فيها دراسه فوق البكالوريس العسكري ودورات وزي كذا لاكن وانا خوك ترا الحياة العسكريه ماهي مثل المدنيه المدنيه : الجيد يفرض نفسه وانت ماشاء الله نتائجك جدا جدا ممتازه اما العسكريه : نظام عبوديه وواسطات وانت وسندك واسمك !... :d وتبقى حرية الاختيار لك ورغبتك.. و اذا العسكريه عاجبتك, احضر واسطتك ولا تتأخر :rolleyes: |
نصيحه لاتترك العسكرية
|
اقتباس:
مو مشكلتي انه توجهي طب او لا بالعكس اكن انا قلت كلية الملك خالد ((لو قبلت)) تختصر الوقت بشيء كبييير وجامعة البترول انقبلت لكن ما كان ليا رغبة فيها وما رحت اعطيتهم الملف |
اقتباس:
والله انا حتى لو انقبلت بالحرس متردد بينها وبين الطب لكن قلت لو فيها بعثات ودراسة ارقى بالشهادة راح ادخلها بدون تردد |
اقتباس:
انا هذا اللي ابغى اعرفه هل فيها اكمال دراسة سريعة او هل فيها بعثات لأنه لو فيها بعثات افضل من الطب بالنسبة ليا لكن اذا كلية الملك خالد عندي شهادة الطب افضل بمية مرة من بكالوريوس علوم عسكرية |
اقتباس:
لكن الطب افضل من كلية الملك خالد بس انا اللي براسي انه اذا فيها بعثات للمتفوقين سواء الآن او بعد التخرج راح ادخلها<<<طبعا لو انقبلت |
بالتوفيق للجميع
|
السلام عليكم
عوده نوبه ثانية:d انا عرفت وش تبي تبي العسكرية وتكمل دراسك بعد شف الحرس وغيره يعطونك بكلاريوس علوم عسكرية عاد اذا فيه ماجستير بنفس التخصص هنا ما ادري وانا خابر واحد دخل الحربيه وطلع ياخذ دورة سنتين ما هي ماجستير دورة ما ادري وشي وواحد ثاني طلع ياخذ دورة بعد بشي ثاني انا اعتقد ان الحرس وغيره عندهم نسبة الابتعاث قليله الا للجامعيين لانه يدرس تخصص وارجع وانصحك ابعد عن العسكريه مدام براسك دراسه وابعد عن الطب مدام ما براسك طب خلك حول الهندسة يعني كذا:Thumbs: ترى الهندسة متى ما بغيت تغير مكان عملك بكل راحه اما العسكرية مربوط به شف انا اخذت هندسة وان شاء الله اذا قبلت بالعسكرية ابحاول اطلع اكمل ماجستير اتمنى لك التوفيق |
نصيحتي لك روح على حساب الدوله أبتعاث ..
ماشاء الله عليك نسبتك حلوه ومميزه .. حرام تفوتك البعثه هذي .. وأحسن تخصص هندسه كهربائيه أو معماريه أهم شيء كلمة مهندس تسبق أسمك .. ربي يوفقك ويوفق الجميع .. |
اول شي : ماشاء اللهـ خمسهـ وخميسهـ اللهـ لا يضرك
ثاني شي : نصيحه من القلب انت توك في ريعان شبابك وفي اجمل مرحله عمريه ( 18 - 23 ) لا تضيعها في عسكريه وتعقد نفسك ( بدري على الشقا ) خصوصا ً ان عندك القدره على اكمال الدراسه الجامعيهـ ( اجمل مرحلهـ ) واذا على الغربهـ 70% من الشعب مغتربين وانا واحد منهم خاصه قبل ما تجيك الجامعات الجديدهـ اللي حطوها في كل ديرهـ والاهم من هذا كلهـ حماسك وطموحك يعني انت اضمن مستقبلك واطلع من هالدنيا بشهاده ( بكلريوس ) وتصير المؤسسات والشركات هي اللي تدورك موب انت اللي تدورها ( المجال عندك مفتوح ) خاصهـ اذا صآر معدلكـ فوق الـ 4.50 ويمكن تتغير نظرتكـ ع العسكريهـ في القادم من الايام ولا لاسمح اللهـ بكرهـ يصير لكـ شي بالعسكريهـ ( تنكرش او حتتى تتقاعد) يطألع كأن ما عندك الا ثانويه وعلى فكره مجال الطب ( عز ) ولا كلن يطوله واذا ما تميز الواحد عن غيرهـ وش الفرق بينه وبين غيره وما عليك من اللي يقول صعبه و و و و وش السهل في هالدنيا اصلا ً ..؟ مع حرصك واجتهادك تتسهل ان شاء اللهـ كل اموركـ وعندك تخصصات ثانيه حلوهـ مثل الهندسهـ والحاسب الالي والعلوم او احدى اللغات اللي لها مستقبل .. عاد انت شوف رغباتك والانسب لكـ وبالتوفيق ان شاء اللهـ |
السلام عليكم
بعد قرئتي للموضوع أولا : انصحك بالجامعة لعدة اسباب ... تكون في بدايتها صعبه ولكن الثمرة تكون ممتاز ثانيا: يأخي اشفك حشر نفسك بالطب << احد ملزم عليك يا طب و لا عسكري :Thumbs: يوجد هندسه/ حاسب/ طب اسنان/صيدله / لغات/ ....... والعسكرية بالنسبة الى هذا القدر من الدرجة :mad: قهر تضيع عمرك في الاخير استشير من تثق فيهم من الاقارب و المعلمين الذين درسوك ثم صل صلاة الاستيخارة بالـتـــــوفيق |
انا نسبتي تقريباً مثل نسبتك...وكان في راسي ابتعاث,,,فـقدمت على برنامج الملك للابتعاث,,تخصص صيدلة...وقـدمت على القوات الجوية...ابتعاث لباكستان هندسة طيران.....مع اني اميل للهندسة وللعسكرية...فـأبستخير لربي وأشوف...
الشاهد من الكلام انك لا تخش عسكرية الحين...كمل دراستك...بعدين اذا كان لك نية في العسكرية بعد الجامعة,,,قدّم عليها.... موفق أخي,,,, |
اقتباس:
هذا اللي انت قلته ابغى اعرف يبتعثوني لو اني متفوق مي مشكلة حتى لو بعد التخرج والحين خلاص انا بوجه المدفع ما عندي الا طب باقي الجامعات قفل التسجيل |
الحرس طيب مره للي مثلك:Thumbs: وأكيد فيه بعثات وتقدر تكمل دراستك:Thumbs: طبعاً الأفضل الطب بدووون منازع ما يبيلها نشدة شيخ:r لكن أنا خايف عليك من الطب:c وردودك تدل على إنك خايف من الفشل:Thumbs_down: ولا يغرك المعدل, الثانويه سهله مره:p أنا جايب 99 وعليها وأقول إن الطب مومن مستواي:d أنت أكثر واحد يعرف الطريق المناسب:s لكن باقولك عن الطب بعض الأشياء المهمه:cool: قيملي ثقافتك العامه إذا كنت مثقف هذا دليل على إنك تقدر تستوعب وتحفظ الكثير من الأشياء. كم عمرك؟ يستحسن يكون من 20 وتحت:rolleyes: وكيف حالتك الماديه؟ لازم تكون مطنوخ:rolleyes: وأهم شي كيف مستواك في اللغة الإنجليزيه؟ لازم تكون بلبل:rolleyes: وركزلي على كلمه بلبل إذا كنت بتدرس بالسعودية أما إذا كنت بتدرس براا فما يحتاج :p كل هذا وأكثر...... لكن الحرس إذا كنت تعرف تمشي وتتكلم كويس مره:d وأهم شي تقوم تصلي ركتين من غير الفريضه وتدعي دعاء الإستخاره (" اللهم اني استخيرك بعلمك واستقدرك وأسألك من فضلك العظيم فأنك تقدر ولا أقدر وتعلم ولا أعلم وأنت علام الغيـــوب ..اللهم ان كنت تعلم (( ذكر المسألة)) خير لي في ديني ومعاشي وعاقبه امري فأقدره لي ويسره لي..وان كان هذا الامر شراً لي في ديني ومعاشي وعاقبه امري فأصرفه عني وأصرفني عنه وأقدر ليي الخير حيث كان ثم رضتي به") :w[glow1=FF3300]والله يوفقك ويكتبلك الخيره ويرزقك كل ما تتمناه [/glow1]:wوإنشاء الله تبشرنا :wولا تنساني من صالح دعائك:w |
[align=center]
اول شي مبروك هالنسبه ما شاء الله تبارك الله حدد مستقبلك بنفسك وشف الي يناسبك وبالتوفيق لك سوا كان في كلية الملك خالد او الجامعة وبالتوفيق للجميع [/align] |
اقتباس:
انه ليا اخو ومبتعث والاهل شايلين همه لأنه عنده مشاكل لكن الحمدلله بسيطة المهم تعرف كيف الأهل يكبرون المشكلة وصعبة انا الثاني اروح والحين قفل التسجيل في البعثات |
اقتباس:
استفدت كثيرا من مداخلتك |
اذا تبي الجامعه كمل كلها بسيطة اما اذا تبي العسكرية فهي ثلاث سنوات في الكلية عسكرية بحتة
انا قول كمل الجامعه وبعدها قدم على كلية الملك خالد العسكرية احسن واقل في الدورة لان الجامعيين اقل من سنة الدوره وانت واختيارك وبرضه الطب زين بس دراستة طويله ولا دخلته معاد فية رجعه تحياتي لك |
موفق اخوي
|
اول شي ماشاء الله تبارك الله على النسبه
ادخل الطب وكمل دراستك وحتى لو تبي العسكريه يمديك تدخل بعد الدراسه وتخصصك مرغوب وبقوه في اطلق كلية عسكريه في المملكه والله يوفقك |
والله وانا اخوك النسبة ما شاء الله عليها ...
لكن نصيحتي .. اذا انت فيك شدّة دراسة ولاتبي الطب ادخل طب وحوّل الى كلية الهندسة وعندك ( ميكانيكية - كهربائية - مدنية ) او حاسب آلي ( نظم معلومات - علوم حاسب ) وترجع مرهـ ثانية بعد الحصول عليها تقدم على كلية الحرس الوطني ملازم اول مهندس ... وتقدر تكمل دراسة ماجستير وان بغيت دكتوراهـ بعد الموافقه من مرجعك ... و لو دخلت التخصصات اللي فوق ما تطيح في الارض ان شاء الله ( ارامكو - سابك - امانة منطقة الرياض - الكلية الامنية - كلية الحرس - كليات وزارة الدفاع - وزارة الداخلية - مركز المعلومات الوطني ووو .... الخ ) بس قبل كل شي الاستخاره وانا اخوك ... هذا اللي اقدر افيدك به .. بس اذا منت شدّة دراسة او انك محتاج للوظيفة او قدراتك المادية ( نص و نص ) ادخل كلية الحرس " والتوالي لها والي " قال تعالى ( فاذا عزمت فتوكل على الله ان الله يحب المتوكلين ) |
شف يالغلا بالمختصر المفيد
اذا في راسك عسكريه ولا تبي الدراسه الطويله وتبي النجمه والراتب والراحه ادخل كلية الملك خالد واذا ماتبي العسكريه نصيحتي لاتدخلها خلك على الطب والهندسه وغيرهآ |
ياحضرت الظابط :::::::::::<<<<<<<<<<<<<< انت اكتسبت سلطة
يادكتور فلان :::::::::::::<<<<<<<<<<<<<<<انت اكتسبت جاه شوف كمل جامعه وبعدين خش عسكرية عشان تجيك الترقية بسرعه وعلى فكرة تقدر تصير الدكتور الملازم <<<<<<<<<<<<<<<<<<<<< تراها حلوة |
الله يوفقك باللي لك فيه الخير ...
ولايهمك كلام الناس .. ترى الناس كلامها واااجد .. والله بتتعب اذا سمعت كلامهم .. عليك بالاستخاره يالاخو .. وفقني ووفقك الله .. |
طب بلا منازع
|
اقتباس:
خلاص الحين سبق السيف العذل ولكن ربما لي فيها خيرة الطب لكن نشوف نتائج كلية الملك خالد وبعدها نستخير ونقرر شكرراا لك اخوي |
يا شباب السؤال الأهم للحين محد جاوبني عليه
الحرس الوطني فيه بعثات للظباط؟؟؟؟؟؟؟ |
بماانك ماخالفني في الميول لاكن ابجاوبك
الي اعرف انا ان كليه الملك خالد الابتعاث فيها قليل او شبه معدوم الاكن الكليات الي فيها ابتعاث هي كليه الملك فيصل الجويه وكليه الملك عبدالعزيز الحربيه طبعا ابتعاث دراسه وابتعاث بعد التخرج في دورات 8-6 اشهر وزي كذا وهمسه في اذنك لاحد يدري ونصيحه لوجه الله اكمل دراستك الجامعيه ولو اخذت منك 8سنوات لان في الاخير بتمشي حر طليق |
مع احترامي لك وش عسكريته وهذا معدلك مشاء الله عليك ...
شوف حبيبي قدم على البعثه وادرس بكندا طب ... اما اذا كنت بتدرس طب هنا اقولك من اللحين ريح راسك ياطويل العمر وادخل البترول والمعادن واختصر خمس سنين ارجل لك ... طبعا الطب بحاله وحده اذا كان ابتعاث بس ... واذا كنت مستعجل يعني وراك تبي تزوج او من هالكلام فا مالك الا العسكريه وعلى فكره مافي شي اسمه بعثه بالكليات غير كلية الملك فيصل الجويه واعتقد كلية الملك عبدالله بالطايف الدفاع الجوي .. |
المفروض قدمت على برنامج خادم الحرمين الشريفين يقبلونك ماشاء الله نسبتك كويسة انا قبلوني بس في الاخير رجعوني لاني ادبي يبون علمي وانت ماشاء الله الشروط كلها على العموم عليك بالاستخارة والله يوفقك ويوفق الجميع
|
شـكرا لك وبارك الله فيك... لك مني أجمل تحية .
|
| الساعة الآن 08:07 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين