بسم الله الرحمن الرحيم

السلام عليكم ورحمة الله وبركاته

اخواني اخواتي انا سعود كلن يعرفني ومريت في مشاكل بدايتها اتهامي وطردي ثم بعدها تنقلاتي

من الرياض للشرقيه لمكه ورجعت للشقه الرياض وبعدها رساله من ابوي ثم بعدها وفاة

ابوي ثم دورت على وظيفه لقيتها في تبوك رحت لتبوك انا لحالي وامي واختي خليتهم عند

جيرانا رحت ورجعت قبلوني هم وكلمتهم عن حالتي واتفقنا على كل شئ المهم رجعت للرياض

واخذت امي واختي ورجعت من بكرة لتبوك عطوني شقه على حسابهم وتوظفت عندهم 3 اسابيع

صارت مشكله بيني وبين واحد مجرد سواليف وانقلب علي فجئه مادري والله ليه حاولت اهدي

الوضع قام يسبني ويشتمني ويسب ويشتم اهلي وامي واختي حاولت معاه اني اهديه لكان عجزت

معاه جيت من بكرة للدوام ويناديني المدير رحت له في المكتب يقولي انت ياما تشتغل زي الناس

ولا انت مفصول فاهم قلتله طيب خلني اعرف وش السالفه ثم احكم علي قال السالفه كذا وكذا

وصرت اجاريه في الكلام لاني واثق من الكلام اللي اقوله وهذا حق من حقوقي ابي ابين الحقايق

واني ما سويت شئ غلط المهم اني استمريت وخلاني اروح اكمل الشغل اللي متكفل فيه رحت قبل ينتهي

الدوام بساعه ناداني مرة ثانيه وصار يعيد الموضوع مرة ثانيه واحانا خلصنا منه الصبح يعيد

ويكرر وانا وضحت له السالفه والحقيقه بس هو مو راضي وانا اروح للشقه واخذ اختي وامي

رجعت مرة ثانيه للدوام دخلت عليه ونزلت على الطاوله كل شئ يتعلق فيهم وانهيت كل اللي

عطوني حتى المفتاح حق الشقه سلمت لهم وقلتله خلاص شغل ماعاد ارجع مرة ثانيه كافي

اللي شفته منكم والله يااخوان اني طلعت من المكتب وانا كلي دموع من اللي اشوفه من اهانه لي

في اي شئ ورجعت للرياض في بيتنا ودورت وظيفه والى الحين ما لقيت حاولت بس كل شئ

مسكر في وجهي .

وهاذي قصتي من اول الى اخر شئ حصل معاي .

تقبلوا تحياتي

وعليكم السلام ورحمة الله وبركاته
الله يعين الجميع .. تآبع معنا قسم الوظائف الوسطى
وآن شاء الله تلقى الوظيفه المناسبه لك
وان شاء الله تشيل أمك وآختك وتكون عون لهم
ينقل للقسم المناسب ... موفق يارب

الله يكون بعونك

ماعندي اقول الا حسبي الله ونعم الوكيل الله لا يوفقهم

الله يرزقك بالوظيفه

الله يرزقك بالوظيفه المناسبه يارب


وتكون عون لاهلك

وصدقني الي تسويه مع هلك رببي بيجازيك عليك لانك وفي لاهلك

[align=center]
السلام عليكم
اتمنى لك التوفيق يالغالي
الله يوفقك في وظيفة زينة وراتبها عالي قول آميــــــن ....
مع الف سلامة ياغلاي والله يحفظك وييسر لك امورك وجميع المسلمين
الله الله ببرك بالوالدة الله يطول بعمرها ولاتنسى خلها تدعي لكـ
جرب روح لبندة ان شاء الله تلاقي وظيفة عندهم
سلاااااااااااااام
[/align]

الله يرزقك يارب بالوظيف الي ترفعك عن الناس وظعفا النفوس

ماعندي اقول الا حسبي الله ونعم الوكيل الله لا يوفقهم

اسال الله العظيم ان يفتح عليك ابوابه واهم شئ الصلاه بوقتها وبر الوالدين
والى اللقاء

يارب وفقك كسرت خاطري يؤيؤيؤ والله حال الشباب يحززززن اكثر منا الله يرزقك يارب ولاتضيق عليك وتبشرنا