|
" الكلية التقنية " وين تنصحوني اروح + استفسارات .. ؟
بسم الله الرحمن الرحيم السلام عليكم ورحمة الله وبركاته مبارك عليكم حلول العشر الاواخر من شهر رمضان وجعلنا الله واياكم من قيامها .. متوهق .. متوهق ومو عارف وين اروح بالكلية التقنية .. ولا عندي خبرة عن اقسامها:m ندخل بالموضوع طبعا انا خريج ثانوية عامة " علمي " و ودي اعرف اكثر عن الاقسام والتخصصات بالكلية التقنية وانا محتار بين قسم التقنية : الادارية قسم التقنية : الكهربائية قسم تقنية : الحاسب واخترت " الادارية " مبدئياً وانا متردد الى الآن وسالت عنه وقالوا لي لا تدخل فيه اذا تخرجت ما راح تلاقي وظائف < صحيح هـ الكلام .؟ وقلت حرام ادخل بالادارية وانا علمي :c ... واما " الكهربائية " ناوي عليها بس الى الآن ما عندي اي فكرة عنه وحبيت استفيد منكم < وسمعت انها صعبة ونفس الشيء " الحاسب " .؟ ودي اعرف عن مثلا / ● الصعوبة في الدراسة + هل فيه انجليزي .؟ ● و كيف المستقبل حقها .؟ - - - - - وأي نصيحة عندكم يا ليت تفيديوني .. لاني ما عندي خبرة كافية عن الاقسام والتخصصات منتظر ردودكم الله يخليكم :m .. |
يا اخوي ابعد عن التقنية و يرزقك الله نصيحة أنا متخرج و عاطل الآن و كل اللي في دفعتي ما توظف منهم احد الى
الآن و لي 7 شهووور و الله يوفقنا و اياك و كل مسلم يا رب ... |
اي قسم بالتقنية الادارية ..؟
|
متى يبدأ التسجيل الموازي بالكلية التقنية ؟
|
اقتباس:
والله يا اخوي وش اسوي ما لي نصيب الا بالتقنية طيب معقولة على كل هالاقسام ولا قسم له مستقبل .. ما يصير ..! عالعموم شكرا لك على الرد آميين الله يوفق الجميع .. |
اقتباس:
الى الآن ما بعد اختار .. بس وين تنصحني اروح ..؟ شـكرا لك وبارك الله فيك ... لك مني أجمل تحية . |
والله يالغالي اذا قدرت تبعد عن هالكليه الخايسه احسن لك والله ماتسوى عليك تدرس سنتين ومعك دبلوم ولا تتوظف اغلب اللي تخرجو منهاا لا توظفو ولا كملو بكالوريس عشان شروطهم التعجيزيه .. انا خريج من كلية التقنيه قسم كهرباء الات ومعدات كهربائيه الدراسه سهله وكلها عربي مافيه الا مادتين انجليزي اول كورسين بس .. لو يرجع الزمن والله مايردني الا جامعه الملك سعود لو قسم زراعه اهم شي اتخرج معي بكالوريس وللاسف هذا المطلوب حاليا الدبلوم مايوكل عيش واذا بحصل مكان يقولون فيه خبــــــــــــره !! الله يوفقك ويكتب لك الخير بس نصيحه اذا دخلت كليه التقنيه اي قسم شد حيلك ولاينزل معدلك عن 3 حاول بقدر الامكان لانك اذا تبي ترفعه صعبه مرره مع النظام الجديد البايخ واسف عالاطاله موفق يارب .. |
والله يا اخوي انا سجلت في التقنية وسحبت ملفي ورحت الجامعة
المهم قسم الادارية فية اتوقع ثلاث اقسام محاسبة وهي الافضل وادارة مكتبية وتسويق لاني اعرف واحد فيها العام الماضي يقول سنتين دراسة و6 شهور تطبيق واذا تخرجت الوظيفة 90% مضمونة لان البنوك تطلب المحاسبة والقطاع الحكومي والخاص والله يوفقك |
متى يبدأ التسجيل الموازي بالكلية التقنية ؟
|
نصيحة لا تخش التقنية كلية مافيها فائدة وشوف الرابط الي تحت
أين انت ياخريج الكلية التقنية بعدالتخرج من الكلية تفضل |
اخوي اي شي يقبلك غير التقنيه رحله واكيد انقبلة بشي ثاني
والله يوفقك ويوفقنا |
السلام عليكم ورحمة الله وبركاتة
اخوي ساحر الملايين انا خريج تقنية دبلوم حاسب وبمعدل حلوا لكن انصحك تدرس في جامعه احسن لك من التقنية لكن نصيحة اذا نويت تدخل التقنية اختر حاسب او قسم الكهرباء . واتمنا لك التوفيق ولنا جميعا . |
السلام عليكم
هلا أخوي والله انصحك أخويّ زي ما قالوا الشباب أنحااش من كلية دمآر المستقبل ( كلية التقنيه للعاطلين ) انت انسان معك علمي ّ أدخل جامعه الملك سعود قسم محاسبة افضل شي واذا كان نسبتك مآتأهل أدخل قسم الزراعه ترم وشد حيلك وحوّل للمحاسبة أفضل مستقبلّ وبالتوفيق لنا ولك |
اقتباس:
بظربلك مثل يوم تقول الكليه التقنيه ما تصلح ومالها مستقبل والله عندي قريب متخرج من التقنيه بس اني ناسي اسم القسم الظاهر اسمه الكترونيات صناعه وتحكم حاجه قريبه واللله ناسيه والرجال متخرج وفي صيفيه التخرج حصل وظيفه ما كان يحلم فيها متوظف الرجال في سابك والله بدون واسطه ولا تعب بس مقدم في النت وانقبل وشوف الحين يداوم في الجبيل وراتبه حدود 9000 ريال هذس ميب حلوه ؟ |
الـــــــرزاق علي الله واذا ربي كاتبلك انتك تتوظف تبي تتوظف باحسن وظيفه
والله يوفقك |
| الساعة الآن 10:40 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين