|
قرض صناعي ؟؟؟؟؟؟؟؟؟؟؟
[align=center]
السلام عليكم كيف الحال يا شباب ما شاء الله عليكم عندكم شغل قوي في المنتدى المهم بغيت منكم خدمة انا الان جالس أسس مصنع و الحمد لله بديت بالشغل الادراي (خطط اعمال - اداريين - دراسات - علا قات و هكذا ) و الان جاءت أهم نقطة في الموضوع و هو الدعم المادي و راس المال الذي احتاجه هو 12 مليون ريال زين طبعا انا عندي شركاء داخين بحصصهم اللي هي 7 مليون و باقي حصتي انا اللي هي 5 مليون ما دفعتها و افكر باخذ قرض صناعي يغطي المبلغ و اتوقع راح يتم بسهولة تسديد القرض حسب خطة العمل فمن لديه الرغبة بالمشاركة فالمجال مفتوح المهم هو احتاج نصيحة احد عنده خبرة في طريقة تامين المبلغ التحية انتظر ردودكم المفييييدة [/align] |
أنا بصراحه مافهمت وش قرض صناعي؟؟؟
المهم أني أول من رد عالموضوع يعني لي حصه من المشروع خخخخخ |
[align=center]
اقتباس:
هلا بك اخوي عادي انك ما فهمت اقصد إن القرض ليس لمشروع صغير او متوسط بل لمشروع كبير و في هذه الحالة اعتقد ان الخيارات تصبح قليلة لان القرض من صندوق التمنمية الصناعي لا يتعدى مليون و نص و هي بصراحة ما تفتح بقالة في ها الزمن لذلك سئلت يمكن الاخوان عندهم خبرة مع البنك و هكذا على العموم الموضوع في بدايته و اتمنى اسمع اخبار زينة من ها المنتدى [/align] "P:rolleyes:"P:k:rolleyes:"P"P:k |
أولا تراني نثيه خخخ
\ ثانيا شدعوه مليون ماتفتح بقاله هاليومين وش هالإيحائات السلبيه :r,, حطمتني ياشيخ :c وأنا مفكره بمشروع :do5h: أنت بس الللي بالفعل عندك حلم كبيييير وشطحت فوق بسم الله عليك صرت تشوف البقاقيل ولا شي<<<< لاحظ بقاقيل عشانك أصتصغرتها ههههههاي :d \ روح ياشيخ الله يوفقك ويرزقك ويحقق أحلامنا جمييييع:q |
اقتباس:
اولا ادعوا لك بالتوفيق والنجاح ثانيا اخوي غريبه منك بدأت بالدراسات وخطط العمل وبعد ماخلصت الان تفكر بالتمويل المفروض اخوي ان التمويل يكون ضمن دراسة الجدوى المبدئيه لكن الان امامك خيرات صندوق التنمية الصناعي يقرض للمشاريع الكبيرة بعد انتهائك من عمل جميع الدراسات المالية والتسويقيه وغيرها وعروض المعدات والمواد الاولية وكل شيئ رح قدم على الصندوق وان شاء الله تتيسر امورك . الامر الاخر البنوك قرض يصيغه اسلامية حتى ولو كان كبير وهناك عقبتان الاولى لابد من توفر ضمانات اما عقار او اسهم اوضمان بنكي الثانية الفوائد التي تقصم الظهر اقتراحي لك اخي الكريم هل من الممكن ان تستغني عن بعض مراحل الانتاج في المدى القصير كمثال لماذا لا تتخصص بمرحله واحده من تنصيع المنتج والمراحل الاخرى توفرها من المصانع الاخرى القائمة حتى لو صار هناك تكلفة اضافية على سعر المنتج النهائي اعتقد بهذه الطريقة تستطيع تخفيض تكلفة المشروع بشكل كبير . اما ان المليون ونصف اصبح الان لايفتح سوى بقالة لماذا اخي الكريم صحيح ان الوضع الان اصبح اصعب من السابق ولكن العقول ليست على مستوى واحد فالبعض منحه الله القدره والتوفيق على استثمار مبالغ قد تراها انت صغيره وينجح نجاح باهر ارى بعض الاشخاص كانت بداياتهم من البوفيهات والان ماشاء الله اصبح لديه الكثير من الفروع بتخصصات مختلفة وايضا المطاعم والبدايه من مبلغ لا يتدعى 50000 ريال وليس مليون ونصف ريال سعودي والله اعلم تحياتي العطره لك واتمنى لك التوفيق والنجاح في مشروعك الصناعي وفي حياتك كلها |
اقتباس:
هلا و الله مشكور على المرور لكن بالنسبة للبقائيل اللي انتم زعلتم عليها اولا هذي رائي الشخصي ثانيا نسبة فشل المشاريع الصغيرة ومن ضمنها البقايل حققت اكبر نسبة فشل في امريكا ثالثا انا اتكلم من واقع تجربة و شايف الوضع من حولي زين تعال شوف ايجارات المحلات كم تعال شوف الديكورات و الاستاندات تكلف كم تعال شوف انظمة الجرد و الحساب تكلف كم تعال شوف عدد العمال و المحاسبن اللي تحتاجهم تعال شوف كم رواتب العمال اللي راح يعملون و بعدين شوف المبيعات كم ؟؟؟؟ لا تطلع لي تكاليف قليلة على نظام بقايل الهنود و المصاريه اللي داخل الاحياء 10 بقايل في الشارع و الخدمة زي الزفت ما يبع سوى بطايق سوى و دخان و لبن !!!! و مسوي رجل اعمال على غفله !!!!! و هذا الزمن لم يعد يوجحد بقايل في مراكز تسوق و مراكز التسوق تسيير العمل فيها و الله اصبح اصعب من المصنع و شوف السدحان في الرياض الله يفك ضيقته تقبل التحية و اتمنى ان لا يغضب كلامي احد و الحياة وجهات نظر |
[align=center]
اقتباس:
هلا و الله بالنسبة للدراسات كانت موجودة ومن ضمنها خطط التمويليه لكن احدالمستثمرين صار عنده ظرف و تغيرت الخطة مما جعلنا نفكر باخذ قرض لتعويض العجز في الخطة صندوق التمنية الصناعي لديهم برنامج كفالة عبر البنوك لكن ما اعتقد انه يقدر يسد العجز اذا كنت تتكلم عن برنامج ثاني يا ليت توضح اكثر .................................. فكرة تغيير الخطة في خط الانتاج ممكنة و لكنها غير مجدية في المستقبل فاتحقيق الربح والاستمرارية يتطلب السير و فق خطط الاعمال و الدراسات الموجودة ..................................... بالنسبة لموضوع البقالة راح ابين لك نقطة فقط صغيرة لاني تكلمت فيه قبل اذا كنا نتكلم عن مشاريع احترافيه فهذا المبلغ قد يعتبر قليل و اذا كنت تتكلم عن الشغل العشوائي اللي نشوفه الان يمكن يكون كثر عليها نعم اقدر افتح بقالة بعشرة الاف و اقدر افتح كفتريا 3000 الاف اشترى استاند و ادفع ربع لاجار اللي هو بالحارة ما يتعدى 2500 ريال و اجيب عامل ياخذ راتبه من الدخل و اشتري بطاطس و جبنه و عيش طيب و بعدين وش النتيجة نشوف العمال صار اكبر مجرم في الحي (اللي انت جبته يخدمه ) صار له علاقات مع ابناء الحي اكثر من بعظهم و كلها فترة و شوف شوفت النفس منه اذا ما تسمم احد من ذا الهندي اقلها ما راح يسرقك انت و يفقع تعال شوف الشكل الحضاري اكبر مجمع للدشير في الحي هو عند بقالتك و كفتريتك و شوف شكل الديكور اللي يسد النفس قبل ما تتخل انت المفروض مثل هذي المشاريع ما عاد احد يتمكلم عنها و لا يدعمها حنا نبي واجهة ثقافيه جديدة تفكير تجاري جديد ما حنا في بلاد متخلفة حتى تمشي على خطط ناس قبل عشر سنوات الله يعين بس و على طاري البديات ترى صاحب اكبر مصنع حلويات في العالم بداء العمل و عمره 12 سنة في باص المدرسة باع حلويات على زملائه و الان صاحب مليارات من الحلويات المشكلة ان هذا الموضوع لايمكن تحقيقه بالتقليد فانت تحتاج لبدايهمختلفة لكي تنجح و ليس دليل انه نجح بهذا الاسلوب انك سوف تنجح ايضا و جربها مع عيالك خلهم يبعون حلويات في الباص حق المدرسة و شوف هل يستطيع ان ينجح نفس النجاح صاحب مصنع الحلويات لا اعتقد لان البديات المتشابه قد لا تعطي نتائج مشابه [/align] |
أبد!!
أستفدت من وجهة نظرك وإقتنعت فيها! تسلم أخي وبالتوفييق |
مالك الا صندوق التنمية الصناعيه يمولك بـ 5 ملايين او اكثر
وبما انك مجهز الدراسات باقي تعبي نموذج طلب القرض وتكون مطلع الترخيص الصناعي وإن شاء الله تتيسر امورك وهذا رابط الاجراءات http://www.sidf.gov.sa/arabic/------...--21/index.htm والله يوفقك |
[align=center]
اقتباس:
و اعذرنا على اي قصور التحية [/align] |
| الساعة الآن 08:12 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين