سحب الملف من الأمنية
السلام عليكم ورحمه الله وبركاته
أنا أنقبلت في الأمنية والحمد لله وسلمت ملفي وأنا أرغب في الدفاع والطيران هل إذا طلع رقمي بالدفاع أستطيع أسحب على الملف من الأمنية ؟؟ وأكمل بالدفاع أرجو ممن لديه خبره إبلاغي |
قدم هنا وهنا منت خسران شي
لانك اكيد ماسلمت شهاداتك الاصل والي يجيك اول اتبع الحكمه الي تقول عصفور في اليد ولا عشر عالشجره لان وانا اخوك الزمن ذا ما تلاقي فيه صرصور فاذا جاك عصفور لا يفلت سلام |
موفق بإذن الله ... لك مني أجمل تحية .
|
حياك الله يالغالي والف مبروك قبولك
بقولك نقاط في وزاره الدفاع والطيران ماهي زينه اخوي فيها ورتبتة ملازم اول وندمان انه مانتظر تقديم الكلية الامنية في وزاره الدفاع والطيران الظباط جالسين لبعض :( ولا يكونون علاقات وواسطات ولا يفيدون بعض ويمشون على قولهم بالنظام وهم جنب النظام يعني فيها تعصبات قبلية ومشاكل كثير ويقول في وزارة الدفاع والطيران مأ كأنك ظابط تصف صفات زيك زي الجندي وحصه صباحية والله يعينك اذا دجاء تعيينك في الالوية :( طبعآ الاجازات ماكان ياخذها الا بالملعنه واحيانا يوم يكون في اجازه غير رسميه يتصل عليه قايد السرية ويخليه يجي ويقوله تكفى يابو فلان ياصاحبي يالي مدري وش فيك ومافيه صحوبية هههههههههههههه وينسى القايد انهم ضحكو وسوولفو مع بعض يقولي بعكس القطاعات حقت وزاره الداخليه بينهم اخوه وعلاقات قوية وعلاقات في الخدمة يعني نصيحه مني القطاعات تبع وزاره الداخليه احسن من قطاعات وزاره الدفاع والطيران وتفرق ايضآ في الراتب وفي الترقيات يعني الراتب تفرق حقين الداخليه يزيدون عن حقين الدفاع الطيران بـ 800 ريال وحسب القطاع الي انت فيه يعيني بعض القطاعات في الداخليه فيها بدالات حلوه يمكن يوصل راتبك اول ماتتعين 16 الف اخوي اول ماتعين راتبه 12600 تقريبآ وغير كذا ماعلق ملازم اول الا بعد ماطوف سنه يعني بعكس قطاعات الداخليه سنه وتعلق الثانية بقولك شي قطاعات الدفاع والطيران فيها حاجه حلوه الي هيه البعثات الخارجيه اخوي الحين جايته بعثه ع بريطانيا في اخر شهر عشره مدتها سنه يعني هالشي الي فيها حلو يقول البعثات كثيره ووزاره الداخليه مدري هل فيها بعثات ولا لا اخوي ماعليش طولت عليك ولكن نقلت لك وجهه نظر واحد مجرب قطاع الدفاع والطيران ويقول ياليتني انتظرت تقديم الكلية الامنية وقدمت ^_^ بالتوفيق لك يالغالي |
موفق بإذن الله ... لك مني أجمل تحية .
|
اقتباس:
قسم بالله كلامك درر خصوصا الحكمه الي فوق خخخخخخخخخخخخخخ واوافقك الرئي ________________ لصاحب الموضوع طبعا مافي اي مقارنه مع الامنيه يكفي ان كل الي فيها نفس مستواك التعليمي مو يجيك نقيب خريج ثانوي يتأمر عليك موفق |
[glow1=003333]
بالتوفيق اخوي ان شاء الله الاخوان افادوك [/glow1] |
ـبالتوفيق ان شاء الله
|
اسمحلي اني اقوك انك مغفل
ليش تبي وزارة الدفاع والطيران وتترك الامنيه او اصلن شكلهل ماقبلتك ههههههههههههههههه عشان كذا تبي وزارة الدفاع |
هل فيه تعارض وإلا لا
|
الساعة الآن 07:24 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين