مشروع فتح مغسلة سيارات ممكن أحد يفدني
السلام عليكم ورحمة الله وبركاته
مرحبا للجميع أعضاء وزوار وكل عام وأنتم طيبين أتشرف أن أكون أحد الاعضاء أفيد وأستفيد من المشاريع . عندي استفسار عن مشروع ياليت احد من أهل الخبرة يفيدني أواقتراح للجميع والمشروع عبارة عن مغسلة سيارات طبعا المغسلة جاهزة مع البنشر واجارها رخيص وموقعها داخل حارة والمكان كويس فيه حركة وفيه محطة بنزين وتموينات وطبعا الايجار شامل البنشر والمغسلة أريد بعض الخدمات الى راح تصلح للمغسلة من معدات للمغسلة فقط والبنشر ممكن أحد يستاجرة مني إيش نوع المعدات ووين أحصلها مع البخار اسمع فيه ولاأعرفه وكيف طريقة العمالة وأحسن شي اذ أمكن استعارة ياليت أحد يفدني . شـكرا لكم وبارك الله فيكم ... لكم مني أجمل تحية . |
استغفرالله وأتوب إليه
|
ياشباب يافؤاد الدمعة وينكم
|
شووف والله مااعندي اي خلفيه بالموووضووع لكن اذا مالقيت احد يفيدك هناااا رووح لاي مغسله وغسل سيارتكـ عندهم .... عااد انتا من النك ((( مطامر))) :) واسأل واستفسر ..... والله يوفقكـ ويسرلكـ اموركـ
|
يجي من يفيدك ان شاء الله
|
العماله : خذ لك خيلاان من هالافارقه لانهم يكروون ما يقولو لا .. ويرضو باي شي تعطيهم بس لا تبخل انت xD
وبالنسبة للعده ما عندي خبر والله |
سوي بحث بقوقل وبتلاقي لك نتائج كثيرة
|
السلام عليكم ورحمة الله وبركاته اخي الفاضل انا لي اكثر من مغسلة سيارات ولله الحمد ، ولكن أحب أبين لك بعض النقاط أو المفاتيح كي تبداء بأذن الله بداية موفقه أولاً : أفحص خزان الماء كم سعته وكيبل الكهرب الخاص بك لا يصير اقل من 100 امبير كحد أدنى وبشرط أن يكون مستقل لوحده لا بنشر ولا غيره أنتبه لهنقطه ثانياً : يجب توفر عماله على كفالتك قبل البدء من الجنسية النيبالية أو البنغلادش حتى ولو كان لديك عماله أفريقيه ( والحذر كل الحذر من الافارقه ) مع العلم أنهم مستحيل ينقل كفالته بس مثل ماقلت لك من تستأجر لمكتب العمل على طول طلع تأشيرات ودرب العماله النيبالين مع الأفارقه عشان يكسب خبره ، لأن ممكن في أي لحظه الأفارقه يشيل عفشه ويمشي بين قوسين مغسله بدون عمال ( على كفالتك ) خسرانه عموماً مافي نار من غير دخان اللي يبي الرزق يصبر ، ضروري تتواجد في البدايه لو أول 3 شهور عشان تتبنى زباين ، الزبون يحب يشوف صاحب الحلال يشرف ثالثاً : لا تتعامل مع أي مندوب يجيب لك ملمع للكفرات واكيااس للأرضيات وشامبو للغسيل ، أنت روح بنفسك للتجار البلاستيك ومواد النظافه والصابون تاخذ بالبرميل الكبير وكذلك الملع يجيك مندوب منتج أمريكي ممتاز من شركة العوبثاني ( تريتل واكس ) يبيع لك بأقل من سعر السوق وبالأجل ، رابعاً : أذا ترغب بمكاين البخار وأنا ما أنصحك الا بمكينه وحده قوتها 200 بار .. حار بارد .. وجيب معاها مكينتين بس بارد 180 بار ،، مكينة الحار بارد ( البخار ) من السبعة الآف وطالع وأفضل نوع ب 13000 الف أيطالي أو الماني واحذر غير هالصناعتين بتتعب معها أما بالنسبه للبارد بس ممكن تلاقي شي ممتاز من 3500 الي 5000 حسب ارتفاع اليورو خامساً : انصح كل شهر تجيب مهندس الشركه اللي شريت منهم المكاين يشييك عليهم سادساً : الماااااء لازم يكون عندك واحد صااحي للماء ويكون معاك رقمك 100 سوااق وايتات وغالباً خزانات المغاسل فئة أ 36 متر يعني ياخذ *** وعادي وأخيراً أهمس لك هالكلمتين لا تكون ضحية العمالة الأفريقيه بالذات راح تخسر وتتعب لأن الأفارقه بالذات أذا عرفو أنهم شايلين الشغل هم بس ، حطوك زي الخاتم يجننوك ، جيب عمال على كفالتك لو 4 وجيب معهم افارقه بكذا تكون الكوره في ملعبك انت يعني الشغل ماشي فيهم او بدونهم ، وأكرر خلك شخصيه قياديه يعني لا تكثر حكي معهم عامل من عمالك اللي على كفالتك يكون هو بوجه المدفع وانت تعطيه الأوامر من تحت لتحت ، واي احد منهم يجي يكلمك قله راجع فلاااان اتمنى لك التوفيق وربي يجعلها فاتحة رزق لك أن أصبت فمن الله وأن أخطأت فمني ومن الشيطان تقبل ودي |
الف شكر للجميع وشكرا من القلب ياالفقير الى ربه وياليت اتواصل معك واستفيد من خبراتك هذا إميلي azooz401@hotmail.com
|
اجابك اخوي و فصل كل شي بالتوفيق للجميع
|
الساعة الآن 07:20 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين