السلام عليكم ورحمة الله وبركاته

انا مانى عارف كيف ابدي بالموضوع لكن ماقول الا حسبي الله ونعم الوكيل فيهم

اعرفكم بنفسي انا موظف سكرتير باحد قطاعات الخاصه ومديري المباشر مصري

مديري احسن انسان قابلته بحيااتي وماراح اشوف افضل منه ,, مدير الموارد البشريه وشئوون

الموظفين طبعا سعودي لكن انسان شايف نفسه علينا وعلى غيرنا وموظف مدرا كلهم اردنيين فى قسمه

مادري وش الحكمه ورواتبهم عالييه مرره والسعوديين اكثر راتب 3500 ريال

طبعا انا معاى دبلوم ومرتبي 3000 ريال تفاجات اليوم باحد الموظفين الاردنيين بنفس

مؤهلي واقل تقديرا مني واسوا كفائته مني

المميزات الممنوحه له جوال حد 500 ريال لابتوب وسياره وراتب 7500 ريال فجن جنوووني ولعت فيني الدنيا حسيت بغبن مو طبيعي

فذهبت لمديري المباشر فقلت كيف يصير كذى انا ابن بلدي وراتبي كذى وهذا الاردني راتبه دبل

راتبي واكثر قالى انا مالى دخل مدير شئوون الموظفين رحت له وقلت كيف ما تعدلون اوضاعنا

فرد على برد وقح يقولى كل واحد وقدراته وهو انسان ذكي قلت وش قصدك حنا اغبياء يعني ولا كيف

قالي انت اثبت وجودك ويصير خير على باله بيمشيني قلت قسما بالله ماخليك ولا على فيك لو

انفصل والله لاكتب تقرير مفصل على اللى تسويه وارفعه للمدير العام

فضحك قالى اللى تبيه سويه يا شباب وش اسوي اضربه ادعسه بسياره اولع فيه حرام يا نااس

هذا جزء صغير من اللى شفته غير الاشياء الثانيه تخيلوا واحد سوري معانا راتبه 4500 ريال

ما كمل شهرين ويطالب بزياده كل ماشفته ارفع ضغطه اقوله يا سوري يرد على يقولى سوري

عايش بنعمه مو زيكم يا سعوديين رواتب زبالين اقسم بالله ان هذا كلامه لى انا ماقدر ارد عليه لانه صادق

الحين علموني وش اسوي ارفع تقرير للمدير العام ولا اخربها واروح اطلع فوق مكتبه وارفسه

وش الدبره؟؟؟؟؟

[align=center]
علمت ان رزقى لن يأخذه غيرى فاطمئن قلبى
[/align]

الله يرزقنا رزق حلال طيب يارب ويفتح لك أبواب الخير انت وأنا يا أخي وقارئي كلماتي

[align=center]قول الحمد لله

تري انا مثلك أخوي بس

قول حسبي الله ونعم الوكيل

ودعو ه المظلوم مستجابه

يارب يسر امرك يارب

[/align]

من جد مهزله وتصدق والله احيانا افكر اني اتجنس ههههههه

بالنسبه للمشكله اكيد المدير تبع الموارد البشريه هدفه مصلحة نفسه يمكن يعرف ابو او اخو او أي كان الموظف اللي تقول عنه اردني واقل كفاءه منك يعني ماتقدر تقول شي وأنا قبلك اكلتها مع الشركه اللي قبل اشتغل فيها والمشكله معدلي عالي ومؤهلاتي قويه ومع هذا شرطوا على العمل بدون مرتب لمدة ثلاثة اشهر وطبعا كنسلتهم غصب عني
بينما اشوف يجون سباكين مصريين وعلى طوووول متعين في الشركه والله قهرررررررررررررررررر

الله لا يوفقه و لا من وظفه
ناس ما تخجل من مدير الى مسؤلين الى وزير عمل
الى متى هذا الوضع
أنا اعمل في قطاع خاص و اعرف الكثير مما يدور
وافد و لا مؤهل و مباشرة تامين و رخصة و سيارة
هذا غير العمالة العربية متعمقين في المصالح و الفزعات لبعضهم
يوجد مصري جايب قريبه اواخو زوجته و حاطه في مكتب و لا يتكلم معه احد
و يوجد سعودي جالس للسعوديين و مطفشهم و لا يقترب من المصري
أقول لك أصبر نعيش أوضاع مثلك لكن بكرامتنا و لن نجعل لهم فرصة و نترك العمل
أحاول امتص حقدهم و أعمل ما يتوجب علي و أحاول اغير و احسن
و صدقني شكوتك لا تفيد مع هذه العينة خلاص تصير خصم لهم و عودتك صعبة
لو مكتب العمل فيه خير و يستقبل مثل هذه الحقائق و يتابع و يحاسب كان فيه أمل
لكن نعرف النظام و الروتين الممل و النهاية الحق مع الشركة

موفق بإذن الله ... لك مني أجمل تحية .