|
افيدوني بمشروع المقاولات
السلام عليكم ورحمة الله وبركاته
ياريت احد عنده فكره عن مشروع المقاولات لو كانت بسيطه يشاركنا فيها بالنسبه لي عندي سجل تجاري وفتحت مكتب مقاولات لاستقدام عمال وبدأت في اجراءات الاستقدام طبعا اللي ماعنده فكره تقريبا يعطون من فيزتين الى ثلاثه وتقدر بعدها تقدم طلب انك محتاج فيز اكثر عن طريق انك ماخذ عقود بناء او ترميم وعندك عجز ويزيدونك عادي بتقولون وين المشكله بقولكم بعد هذا كله وبعد مايجون كيف طريقة العمل مادري :( صديقتي اقترحت انو احط في المكتب موظف وهو ياخذ الطلبات والاختام عندي عشان مايصير في تلاعب وبما انو عندي سواق فاقدر اخليه يتابع الوضع بس من جد مادري شلووووون حاسه بصعوبه في الموضوع يعني ماعندي فكره عن طريقة العقود ونظام العمل والشروط وووووووو احيانا كثير ابي اهون احسها شغلة رجال مع انو كثير قالوالي انها ذهب :( :( ساعدوني بليز باي معلومه لو كانت بسيطه واذا شايفين انو مايصلح لي عادي قولوا بس لاتجاملون :) |
لك رساله على الخاص
|
اسمحلي اضيف معك سؤال
هل يعطون مؤسسة المقاولات اللي باسم امراة فيز من مكتب العمل ... وبعدين وشلون طريقة الاتفاق مع العمال ... |
مشكور اخوي دووومي
اخت زهرة البريه كان زمان مايطلعون بس الحين صار عادي يطلعون باسم مره الاتفاق مع العمال ؟؟ مافهمت هل تقصدين الاستقدام ولا الاتفاق على العمل؟؟؟ |
موفق بإذن الله ... لك مني أجمل تحية .
|
ابعدي عن المقولات فيها فلوس لكن يبي لك تتابعين شغلك مع العمال وتوقفين على مشاريعك...
|
وعليكم السلام ورحمة الله وبركاته فعلاً أختي شغل المقاولات شغل رجال سالفتها طويله وتحتاج متابعة أول بأول للعمل وإلا العمال لعبوا عليك يعين مثلاً العقود مين يوقعها وكيف تقابلين العماله طبعاً العماله ماراح ترضا بالراتب بيكون الاتفاق بالنسبة وهذي المشكلة لازم تتابعين شغلك أول بأول مبدأين تحتاجين على الاقل 10 عمال للبداية الجاده أنا عندي إلمام كامل بالمقاولات وأيضاً بمكتب العمل ( بحكم عملي ) أي أستفسار أنا حاضر بس غير مؤيد أن أمراءه تعمل فيها للاسباب كثيرة |
انا زي وضعك مقدم على عمال بس المشكله لو عطوك 3 وش يسوون
اقل شئ يبيلك 10 وانا اتفقت مع واحد يطلعلي عمال وياخذ فلوس وما اعطيه لين يطلع التاشيرات وصحيح الرجال يتعبون في المقاولات فما بالك با المراءة بس اذا ربي رزقك بواحد يتوكل العمال ويكون مسئول عنهم كويس يبعدك عن وجع الراس يعني بس انتي توقعي العقد والباقي يكون علي المقاول واذا تعرفي احد يسوي مشروع ولا عندك عمل يمديك تاخذي المشروع وتعطيه شركه ثانيه عقد بالباطن يسمونه وهذي مربحه ومريحه واي استفسار انا جاهز |
اقتباس:
هل مكتب العمل بيعطي فيزا لمؤسسة امراة لأن شخص قريب لي ذكر بانهم ما يعطون إلا للرجال وبس بعدين أنا ابسلم أمورها لاخوي الموظف فما ادري كيف وفقت بين العمل بمكتب العمل وبين شغل المقاولات لأن اخوي موظف ايضا وما ادري كيف بتكون الطريقة .؟ اقتباس:
واقصد طريقة الاتفاق مع العمال عندما يحضرون لأن غالبية العمال اللي اشوفهم مع اقاربي اشوفهم مفلوتين ويشتغلون على كيفهم |
انا بنت ومعااااك,, وبالتوفيق ياقلبي أنتي من اي منطقه بس؟؟؟
|
| الساعة الآن 01:45 PM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين