شركة الاتصالات / 902
 

السلام عليكم ورحمة الله وبركاته

الموضوع اللي راح أكتبه صار لي فقط قبل 10 دقائق أو أقل بقليل من الآن.

تحدثت إلى شركة الإتصالات السعودية / الجوال/ 902 / قطاع الأعمال

وبعد أن تم الرد على مكالمتي بحوالي 5 دقائق علماً بأن جهاز الرد الآلي حدد لي دقيقة واحدة للرد على المكالمة

تحدثت بعد ذلك إلى الأخ / بدر *****

وسألته عم خدمة يقدمها مكتب قطاع الأعمال

وقبل ما أكمل كلامي قاطعني بكل وقاحة وقال الكلام هذا ما أعرفه والخدمة هذي مو موجودة عندنا

طبعاً طلبت منه أكلم المشرف قال لي طيب ممكن تقول لي وش طلبك !!

طيب أنا قلت لك وش طلبي قبل شوي . قال لي مافهمت :confused:

طيب ليش تقول لي الموضوع مو عندي

عموماً بعد أخذ ورد ومحاولة منه إنه يعرف وش المشكلة وأنا أطالبه إني أكلم المشرف قال لي أوكي ثواني أحولك .

وحولني من هنا وفصل الخط من هنا

طبعاً اتصلت مرة ثانية ورد علي واحد وطلبت منه المشرف ولكن الحمد لله الرجال اللي رد علي ونعم فيه أسلوبه اسلوب انسان فاهم ومتعلم مو مثل الأخ بدر........

الشاهد في الأمر. حرام ناس مثل هذي يحطونها في خدمة المواطنين.

واحد يتكلم بهذي الطريقه اكيد وراه ظهر قوي ومو خايف ويتكلم من خشمه ولا حد عاجبه
الله يعين

سلام اخوي ابراهيم
انا صارت معي نفس المشكله بس بأسلوب ثاني
كنت اتكلم قبل فتره مع الاتصالات على برنامج قطاف وقلت ياخوي ابي احوله الي رصيد اضافي
قال لا مافي الا رسائل ( ياهوه عدل بدل جوالي بينفصل وباقي على الراتب اسبوع)
قال مافيه المهم اخذت اسمه وبعدها تأكدت انه الخدمه موجود وتقدر تحوله الي اي كان
بس شغله عناد هاه وش رايك هذا مايبيله فصل

المشكلة ياشباب يكلمني وهو شبه نااااااااايم

عموماً نصيحة مني.. إذا رد عليكم موظف 902 أو 907 وقال اسمه بسرعة أطلب منه إنه يعيد إسمه ولو عنّــد معاك أطلب منه بعد رقمه الوظيفي واطلب مشرف الفترة.

ولو تبي تضمن وضعك زيادة شغل تسجيل الجوال.

هذا نقطه بحر

انا كل مادق على الديوان..
بوقت التسجيل ماعندهم الا ثلاث حلول فقط لاغير
1/ انها ترفع السماعه ثم تسكرها بسرعه منعاً للأزعاج
2/ انهم مايردون خير شر
3/انهم يشغلون التليفون طول فترة الدوام

اما الاوقات الاخرى "مو وقت تسجيل" رد واحد فقط لاغير "ماتعب نفسها"
1/ تابعي الجرايد..


"الله يعين"

وشاكره لك عاشق الريم على طرح الموضوع..

هلا بك اختي عاطلة

الظاهر كلهم شاربين من نفس الوادي

حسبي الله على اللي حاطهم في الأماكن هذي.

اكيد وراه فيتامين قوي

ماعليش شباب وش نقول هذا وضعنا يعني مانقدر نغير شي

تغير شركه كامله صعبه اصلا اكثر من نصف الشركه هذا تعاملهم

بس متى ربي يفرجها علينا بشركات تحط ناس تعرف تتعامل مع الاخرين

ياحليلك:d :d
تبيهم يردون عدل اعطي اختك ولا حرمتك السماعة وشوف الخدمة السوبر كيف تجي:d والله عمري ما اتصلت عليهم (الحمدلله) الا وشالوني على راسهم يوم اخوي يتصل المسكين يتعب يروح يناديني:yaa:

ما اقول الا الله يعينا بس