|
100 مليون هديه من الشعب الي ش الاتصالات وياغافل لك الله
السلام عليكم ورحمه الله وبركاته الاخوه الاعزاء السلام عليكم ورحمه الله وبركاته اود ان انقل لكم ما حصل معي مع شركه الاتصالات السعوديه لقد قمت باختيار هاتف 45 الهاتف الثابت والذي تكون الماكالمات فيه بعشر هللات للدقيقه اي ان الساعه ب 6 ريالات... وصلتني الفاتوره الموقره واراد الله ان تنكشف مهاترات هذه الشركه وقمت بالاطلاع على الفاتوره بمحض الصدفه مع اني احيانا لا اقوم بالنظر اليها فوجدت ان قيمه المكالمات محسوبه وكأني لم اختر البطاقه 45 ووجدت تلاعب في الفاتوره واتصلت ب 907 ولمده اسبوع وانا اروح يمين ويسار مع الاعتراض اللي انا مقدمه.... وفي النهايه اعتذرو وقالو هذا خطا بقيمه مائه وخمسين ريال في الفاتوره ورح تحسب لك في الفاتوره الجايه مكالمات تخيلو يا اخوان الموضوع ذا يصير مع 100000 مليون عميل * معدل 100 ريال= مائه مليون ريال من ظهور الشعب المسكين اقسم بالله كل ما اروته صحيح ومحاسب عنه امام الله انتبهوا يا اخوان |
حسبي الله عليهم شركة النصب والاحتيال..........
والا السنه هذي اذا اتصلت عليهم يهنونئك بالشهر هههه حسب علمي اول مره يسوونها الله لايهنيهم |
انا سمعت عن سرقات هالسرقه قلت خلني اجرب اتصلت على الرقم 700 وقال لي ان الدقيقه تحسب
10ريال فجلست مقابله للساعه فكلمت 3دقائق فقط وبعدها كلمت شركه ثانيه وقالو لي ان الدقيقه ب7 ريال فكلمت لمدة 5دقائق يعني كل المجموع 65ريال ولكن المفاجأ يوم جت الفاتوره لينهم حاسبين هذ المكالمات 150ريال ولمن كلمتهم قالي ما ادري هذا اللي سجله الكمبيوتر وبعد فتره لقيت في الفاتوره مكالمه لعمان ولمن كلمتهم اكد اني مكلمه مع اني فتحت السجل ولا لقيت اي مكالمه لعمان وجوالي شخصي ما احد يستعمله غيري واولادي صغار المهم سددت الفاتوره لكان آخر ضربه تلقيتها من الاتصالات كانت لمن شريت شريحه جديده ليني مسدده لي اسبوع وما استخدمتهامن قبل تفلتر الفاتوره الاخيره المهم رجعت الشريحه لجوالي وكلمت ابشوف فيه فعلا لعب والا لا ولمن دقيت اشوف قالي مكالمات 2ريال استغربت معني ما كلمت ابد طلعت الشريحه القديمه ورجعت الجديده ومن بعدها ضاعت الشريحه القديمه وخليتها بعدها ب2شهر رحت ابكنسل الشريحه القديمه ففلترها لي ما قصر الوظف لكن الفاتوره 280ريال وارجع له احاول فيه على 280 على الرسوم قال لا الرسوم 60 فقط والباقي مكالمات واحلف له ان الشريحه ظاعت ومافيها الا 2 ريال يعني المفروض تصير 62 ريال قال ليش ما بلغتي ان الشريحه مفقوده يعني ما بلغت صاير كأنه عمل روتيني للكمبيوتر ان يضيف للفاتوره رصيد سواء كلم الشخص والا لا يالله وفي النهايه سددت وانا مقهوره واقول حسبي الله ونعم الوكيل لا القاها الشهر الجاي 500على شريحه ظايعه اصلاً . |
مشكورين على الرد
بس اقسم بالله كأنها ضريبه خدمه شي قاهرني |
شركة الأتصالات نصابه
انا طلعت خط ثابت وبعد ماطلعتة بيومين بس انقطع الخط قالو ان الخط علية فاتوره بسمك ب600 ريال ياناس الخط ماصارله يومين بس وشلون جاه فاتوره 600 ورحت وراجعت مكتب الاشتراكات وبعد اسبوع كامل وانا اراجعهم يوميا طلع انهم مسجلين الخط بتاريخ السنة اللي راحت يعني حسبو علي رسوم سنه كاملة وبعدين خفضو لي منها حوالي 300 ريال شوف العب على اصوله |
مافي احد يوقفهم عند حدهم
التسيب الأهمال النصب الكذب عيني عينك وبكل وقاحة اذاغلطوا مايرجعون لفلوس اوقح من كذا مافيه شركة النصب |
بصراحة اولا مع احترامي لك يااخت عفاف
بس الـ700 معروف انها حرام وانتى اللى رحتي لهم برجولك أما بالنسبة لشركة الإتصالات كلها نصب بنصب اطلع برا وشف شركات الإتصالات كيف وانا متأكد ان اللى صار معك صار مع مليونين مثلك مو مليون بس حسبنا الله ونعم الوكيل |
شركة الأتصالات نصابه
وموبايلي نصابه مافيه احد يوقفهم عند حدهم خلوهم .. خلوهم هههههههه مافيه غيرهم حسبنا الله ونعم الوكيل |
اقتباس:
يمكن شركة موبايلي ارحم شوي ....... |
أخوي أنا مره تصفحت فاتورة جوالي بالصدفه !!! وأحصل بالصفحه الأولى قيمة الرسائل التبادلية 90 ريال !! قمت وأتصلت على 902 وقلت أخوي طلع معي رسائل تبادليه وأنا أساساً ماأعرف وشهي !! قال هذي رسائل القنوات .. يمكن أنت ترسل للشات روتانا وطقته :d قلت يابن الحلال أنا شايب وعندي عيال ماني راعي هالسوالف قال لي لحظه بسجل لك شكوى وأخذ بياناتي .. اليوم الثاني أتصلت عليهم ولقيتهم ( مكنسلينها ) وقالوا لي بالفاتوره الجايه راح تحسب لك .. قلت حسبي الله ونعم الوكيل .. أول مره أشوف فاتورتي ولقيت سرقه عيني عينك عاد كيف الفواتير السابقه :cry: |
| الساعة الآن 05:23 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين