عطوني حل بعد الثانوي . وش اسوي ؟؟
السلام عليكم ورحمة الله وبركاته ..
اخوكم .. سلطان العتيبي متخرج هالسنه من الثانويه علمي :( والنسبه 73.69 % ولا يهمكم نقعتها وشربت مويتها .. بس ابي دوره ابي حل بعد الثانوي .. جامعات ماقبلوني .. وانا دامني اشوف الطريق مفتوح قدامي .. وبحكم خبرتكم .. دلوني على دورات اي شي موفيد او حل . اخوياي كل واحد يعطيني حل بس اقوله والمستقبل حقه يقول مادري.. انا شفت في المنتدى ناس واجد معاهم دورات وماتوظيف << الله يوفقكم ويرزقهم .. واحترت .. وش اسوي قلت بعد رمضان .. بشد الرحال وبشوف لي حل .. وان شاء الله احصل الحل عندكم .. وتسعدوني وماراح انساكم بالدعاء .. تحياتي وانتظر الرد .. بأسرع وقت .. :( :( سلطان العتيبي |
قريباً .... لغرفة التجارية بجدة... بتنزل دورات منتهية بالتوظيف ... فانتظروني اليوم ...
حتى اجيب الخبر من مصدره الاساسي.... المستشاره... غير... |
الله حيك أخوي سلطان توك ببداية الطريق وعندك ألف حل وحل ..:d الإستشارات كثيره والمهم أنك تعرف إنت وش تبي ؟؟؟؟؟؟ وهل وضعك في إختيار مستقبلك له قيود ؟؟ يعني إنت تقدر تصرف على دراستك أو أهلك عندهم إستعداد يخسروون على دراستك.. أي لو تدخل كلية المجتمع جامعة الملك سعود بالبدايه على حسابك وتدرس زين بعدين تتحول للجامعه وتكمل بكالوريوس...هل هذا الحل ممكن .. ولا بتقوول أنا مطفر جيبولي حل بدون ما أصرف ..:mad: وعموما الشباب إلي تو متخرجين أول حل لهم يدخلون حاسب شبكات على حسابهم لأنه الأقرب لسوق العمل .. وفيه حلول السفر ..وحلول الجامعات الأهليه بالسعوديه وغيره من الحلول المهم وش تبي ؟؟ ووشهو وضعك ؟؟ والله يسعدك.. |
نصيحتي لك يا الحبيب بالعسكرية حاول تقدم فيها ترى رواتبهم زينة وفي نفس الوقت خش لك
كلية مجتمع أو كلية تقنية أو معهد صحي أهلي قسم أشعة أو علاج طبيعي ولا تنسى الواسطة تراها مهمة جدا وأنا بالخدمة ويقول لك اسأل مجرب ولا تسأل طبيب بس لازم تعلمنا وتقول لنا وش امكانياتك وش رغباتك وغير ذلك حتى نستطيع تقديم الحل المناسب ان شاء الله وبالتوفيق |
الله يووووووووووفقك
ويرزقك انصحك بالمعاهد الصحيه لاانها ماشاء الله هى الى مضمونه ها الووقت ورواتب معقووله او حااسب بس اهم شىء تكمل ولا تجلس بالبيت والله يعطيك كل الى تتمناه |
والله يا خوي انصحك انك تجند (حتى التجنيد بواسطه هههههههههههههههههههه) اقولك جند اذا طووولك مناسب وحاول تقدم في قطاع عسكري زين مثل المباحث الاسخبارات الامن العام الدفاع المدني
بس الجيش ابعد عنه (واهم من هذا كله يكون طولك فوق 165) والله يوفقك ويرزقك ويرزق جميييييييييييع العاطلين عن العمل بوظايف تحبها قلوبهم تحياااتي |
اخوي
لازم نعرف رغبتك اذا وظيفة مدنية فخذدبلوم شبكات وانجليزي ان شاء الله تتوظف في شركة اوبنك او عسكري اذا اتوفرت فيك الشروط ليش لا المهم لازم تكمل وبسرعة حتى لا تتعود على الكسل والنوم ولا تنسى الاستخارة |
اقتباس:
الله يجزاك خير وبنتظار المصدر .. مشكور |
اقتباس:
الوضع .. مايسمح ادرس على حسابي .. زين .. وانا ادور وظيفه مؤاقته وعندي واسطه وبحصل .. وظيفه يعني تخليني اصرف بها على دراستي .. وضعي .. انا ابي اكون موظف مدني .. والواسطه عندي .. اخوي في وزارة الصحه.. بالعربي السكرتير حق الوكيل < بس مافيش بركه خخخخ اذا بيده شي بيساعدني .. :( طيب كلية المجتمع انا دخليت عليها لقيت .. نسبتها نازله حيل لدرجه تقبل نسبه اقل من نسبتي بكثير .. بس الصراحه انا مادري وش سالفة كلية المجتمع ياليت توضحين الفكره خيتو ..! وانا فكرت في اني اخذ دبلوم شبكات .. واذا توفرت فلوس باخذ انجليزي .. بس لين الحين ماقررت شي بشوف الافضل وبروح شكراً اختي |
اقتباس:
اقتباس:
الصراحه .. امكانياتي محدوده .. مادياً طبعاً اما وظيفه ماعندي مشاكل .. يعني اي وظيفه ممكن ادخل فيها .. والعسكريه .. ممتازه .. بس اني طولي مايسمح ادخل غير بالجيش .. والجيش مافيه خير والامن العام مايقبلني على شان الطول مشكووور اخوي وانتظر استشارتك بشي ثاني .. تحياتي |
الساعة الآن 12:43 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين