|
النقاش حول برنامج اللغة الإنجليزية المكثف وما يدور بالمعهد
بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين أحببت أن أتناقش مع زملائي الكرام ، بما يدور بالمعهد من أي أمر يشكل علينا ، ونريد سماع آرائكم حول الدراسة والمدرسين الاجانب والمناهج وجودة التعليم بالمعهد سأبدأ بنفسي تم توزيعنا على قاعات حسب التسلسل الموجود بكشف الأسماء المقبولين نهائيا بالعهد ، طبعا أول وثاني يوم إختبرنا فيه إختباران لتحديد مستويات الطلاب في اللغة (إختبار تحريري وآخر إستماع) وثالث يوم بدأنا نأخذ الحصص ولكن للتعريف عن أنفسنا ، وكان السؤال الإفتراضي لجميع الحصص في هذا اليوم : حدثني عن نفسك ؟ Tell me about yourself ، وكان هذا اليوم ممتعا ، تعرفنا فيه على المدرسين أكثر ، وكانو جدا مرحين ومتعاونين جدا ومحترمين جدا ، بصراحة يفتحو النفس للدراسة ، أنا عن نفسي بدأت أحب اللغة الإنجليزية :yaa: أما اليوم الرابع فبدأنا ندخل بالدروس ولكن على خفيف ، لأننا لم نستلم الكتب إلا في اليوم الخامس اللي هو اليوم الأربعاء ، كانت ستة حصص باليوم ، Writing " Reading " Listening " speaking " Conversation " Grammer كلو كوم والمحادثة كوم ثاني لأنها كانت ورشة عمل ، بمعنى نروح لقاعة فاضية خالية من المقاعد الدراسية ، ونسوي دائرة كبيرة ، ونطبق محادثات عملية كل واحد يكلم وميله اللي جنبه تطبيق عملي ، والمدرس واقف في الوسط يعطينا الجمل وإحنا نطبق ، والكل يشاهد إسمحولي أتكلم شوي عن المحادثة هذي ، أول حصة من هذا النوع أخذناها يوم الثلاثاء ، وكانت شوي محرجة ، لكن كسرنا فيها حواجز كثيرة ، وتجرأنا على التعلم أمام بعضنا بدون إحراجات ، خطوة حلوة جدا جدا برأي ، من المواقف الطريفة اللي حصلت أن واحد من الزملاء الله يعطيه العافية من الربكة والإحراج أمام الجميع ، (((تردد بإسمه ، بمعنى نسي إسمه))) :k أما اليوم فكانت ورشة العمل أيضا رائعة تعلمنا فيها كيف نسوي تسوق Shopping ، ونسأل البائع عن الأسعار وعن جودة البضائع :d:d بالنسبة للكتب والمناهج ، هي نفسها المناهج المعتمدة بجامعة الملك فهد للبترول والمعادن ، وجامعة أخرى أيضا ناسي إسمها ، بمعنى المناهج قوية وحلوة هذا ما حصل بأسبوعنا الاول;) على فكرة أحسن مدرس بنظري ، مستر مايكل :q |
هلا اخووي سفينة الاحلاام
حلو الموضوع ماازيد عليك الا اني افضل المدررس جايسن فلللللللللللللللللله هههههههههههاي وبعده مايكل |
اقتباس:
ههههههههههه اليوم اصر علي اصوره وصورته وقالي لا اوصيك نزلها على الفيس بوووك وانا ما قصرت فيه ما شاء الله سوقه ماشي ولا عمرو دياب الكل يبي صورته راح انزلها ان شاء الله لكم . للامانة سألت نفسي سؤال ماقد طرى على بالي انا وش درست واي دراسة الي راح فيها نص عمري !! ياخلق التعليم معهم عالم ثاني ناس تحببك في الكلاس وتخليك تحتري اللحظة الي تنهل فيها من علمهم . يعيش فريش ويعيش مايكل ويعيش فريد ويعيش جايسون ابو قلب ابيض . لاحد يجي مطفي النور ويقولي موالتهم لا تجوز انا ما واليتهم في دينهم انا حبيت طريقتهم حبيت احترامهم لنفسهم وللاخرين ناس تحرق نفسها على شان توصل لك المعلومة وناس تزرع فيك الثقة والجرأة فريش سوى شي ماحد سواه من 12 سنة طبعا بالنسبة لي :d . والله يهديهم ويشرح صدرهم للاسلام اللهم امين |
السلام عليكم ورحمة الله وبركاته
طبعا ولا يهون مستر سمير فعلا الرجل عند ثقة المسؤلين فيه بس لو يخلص لي سالفة الختم (: |
اقتباس:
صادق فله ، أنا أول ما شفته في المسرح يوم دخل ، قلت إن شاء الله ما يجينا ، لأني تصورت نظرة خاطئة عنه بسبب الشكل الخارجي ، لكن طلع دمه خفيف تبغاه ينبسط منك...؟ قوله : Do you like Video Games? ، تراه يحب شئ إسمه فديو قيمز ، يموت فيها ، تلقاه على طول يرجع يسألك نفس السؤال ، وأنته طبعا جهزله كم لعبه تقولها له :d |
اقتباس:
أيوالله ، تحرق نفسها عشان توصل لك المعلومة ، إخلاص بعملهم بشكل مو طبيعي ، ياليتنا نتعلم منهم هذي النقطة ، وإن شاء الله إذا ربي رزقنا وظيفة مدربين بالكليات ، نتبع نفس أسلوبهم في التدريس ، علما بأن الإخلاص بالعمل موجود بديننا وعلمنا عليه ديننا ، لكن نبغه شخص نشوفه أمامنا يطبق هذي الأمور على أرض الواقع ، ليكون أكثر تأثيرا من الواقع النظري ومستر فريرررش كوم ثاني ، ترى آخر حصة هي أفضل حصة ، لأن فيها تطبيق اللغة عمليا ، وهذا اللي نفتقده بمدراسنا ومعاهد اللغة لدينا ، كل شئ نظري نظري ، ولا تذكرنا منه شئ الآن ، لكن العملي هوة اللي ينطبع بالذاكرة وما تنساه |
اقتباس:
انا كنت معك بنفس الكلاس هو مانسي اسمه بس ربكة البداية هو عنده مشكلة طفيفة جدا بالنطق والولد معاي بنفس الكلاس ما شاء الله يتكلم بطلاقة وهو تقريبا افضل واحد فينا وكلنا نرجعله اذا فاتنا شي ولاكن اذا احد من المدرسين فاجئه بسؤال يتأتأ شوي . |
سلملي على مستر قيرتس وايدوارد < الأخير بالذات خطيير في الشرح .. الملعون يعرف عربي بعد :d .. ياشباب انا للحين ماشريت دكشنري < يعني آني تعلمت آنجليزي :d .. فـ حآب آسألكم وش افضل دكشنري .. وغير كذ1 ياشباب لين متى الدراسه .. يعني لـ شهر كم .؟ وشكراً
B202 :d |
السلام عليكم ...
شباب انا لي اسبوع ماحضرت كنت تعبان وما استطعت الحضور ما ادري كيف طريقة المحاضرات واللبس هل انت مجبر على زي الكليه التقنيه وشكرا.. |
اقتباس:
|
| الساعة الآن 01:49 PM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين