|
ضروري تفيدوني انا اختكم ساعدوني
السلام عليكم بدخل بموضوعي على طول انا طالبه جامعيه على راس العمل براتب 1800 دوام 8 ساعات في عياده طبعا المدير خلنا نداوم ونكون متواجدات دوام كامل مع انه مافيه شغل بمعنى اصحى لسه مانزل ترخيص من وزاره الصحه لفتح العياده ولكن العياده مفتوحه ومجهزه بالكامل من عمليات ومعدات وغيره فقط باقي الورقه طبعا المشكله تكمن في انه مافي شغل يعني اداوم 8 ساعات جالسه على المكتب وبس بتقولون ياسلام مافي شغل وتسلمين 1800مافي احلى من كذا بس خلونا واقعين مافيه ناس مافيه حياه يعني ارجع من الجامعه اروح للدوام واتكي على المكتب حاجه تطفش اقول لو اني جالسه بالبيت ونايمه ابرك لي بس لو كان فيه شغل كان اقول والله يستاهل اطلع من الجامعه واروح الشغل لاني فيه حركه فيه شغل واحيانا اقول لا تصرف مديري غلط كاننا فاتحين شي غلط مايبنا نقعد على الرسبشن ولا شي بس نداوم ليه مادري مجرد حضور فقط المهم فيه وظيفه ثانيه تقريبا راتب 2000 والميزه الحلوه ان الموقع قريب من بيتنا وفيه شغل مليون بالميه لانه مستشفى كبير مو عياده بس اخاف افصل من الاولى واقدم على الثانيه واتحسف على الفوارق يعني الاداره بالعياده جدا كويسه اخاف اطيح باداره مو متعاونه المطلوب ادري كثرت عليكم بس شورى علي تكفون قولولي وش اسوي مالي الا الله ثم انتم عشمي فيكم كبير |
طيب ماتعرفين احد في المستشفى يدلك على تعامل الادارة
اهم شي في العمل ان الادارة متعاونة لاني طحت في ادارة حقودة وتكره السعوديين وحرموني من كل شي يطورني الين انتهى العقد وتركتهم بدون اي فائدة تذكر لي لذلك نصيحة لاتتسرعين ودام باقي الترخيص فالامور في طور الاستعداد |
أختى بارك الله فيك موضوعك بسيط جدا
بداية العيادة اللى أنتى فيها مصيرها راح تشتغل ويكون فيها زباين وراح تملين من الشغل + حاولي بقدر أستطاعتك الاستفادة من وقتك + أن الادارة متعاونة معك هذا بحد ذاته ممتاز بالنسبة للوظيفة الثانية بداية لاتخلين شغلك الاول اللين تتأكدين من أنهم سوف يقبلون بك وأن الادارة ممتازة ذيك الساعة توكلى على الله |
لاتستعجلي بعدين تندمي
استفيدي من وقتك بقراءة شيء مفيد او الاستعداد للعمل من تجهيزات وخلافه بأي مدينة؟؟ |
الله يعنك
|
1800 ماتفرق ع ــن 2000 بششي
الفرق والله بالكررررف والشغل المكدسس 8 سآع ـأت خليك جالسسهـ وعلى الاب توب << جيبي لك لاب توب وكونكت عاد الوظيفه الثانيهـ,’ اذا مرهـ مرهـ ضمنتيها [ روووووووحي ولا تشآورين احد ] بسس عصور باليد احسسن من عشرهـ على الششجرهـ,’ وشكرآ [ اخوك ] يتيم الشوق |
فرق 200 ريال بين الشركتين ماتستاهل الطلعه مدام انتي طالبه استغلي وقتك بالمذاكره في العياده
|
ياشيخه اجلسي ذاكري دروسك وجيبي معك لابتوب وقهوه ومصير العياده بتشتغل
موفقه يارب |
مادام انتي مرتاحه ترى 200 ريال ماتفرق
لاتفصلين وبعدين تندمين او حاولي تأخذين اجازه من العياده وجربي تشتغلين بالمستشفى وإذا ارتحتي قدمي استقالتك من العياده واذا العكس ارجعي لعملك الاول |
خلك على قرردك لايجيـك اقررد منــه -> خير الكلام ماقل ودل ض1
|
| الساعة الآن 09:43 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين