ماهي اجراءات الغاء سجل تجاري ؟
السلام عليكم ورحمة الله وبكاته
سؤالي وش اجراءات الغاء السجل التجاري ؟ |
الظاهر والله أعلم أنه لابد أن تنهي جميع أمور العمال وتنقل كفالتهم أوتسفرهم ومايبقى على أسمك أي عامل
يـــــــــــــــــــــــــــــــارب وفــــــــــــقني |
صف العمالة و صف حساب الزكاة و التامينات
و الله يوفقك |
طيب ممكن سؤال لصاحب الموضوع
ماهي إجراءآت فتح السجل التجاري ياليت تشرح بالتفصيل |
اول شي اخوي تروح تعبي استماره شطب سجل
وبعدها تروح للجوازات وتسحب برنت تفصيلي انه مافي عمال عندك وبعدها للزكاه والدخل عشان تجيب اعفاء والله يقويك |
حبيبي .: انا الغيت َ .: اليووووم السجل التجاري .: شغلتها بسسسيطه جدآآ .: ولافيهآآ لازكاه ولاغيرةة
مثل ماقالو الاخوان كل ماعليك ترووح للبلدية .: اذا كان محلك مغلق وماتبيه ..: رح لهم وسو الغاء رخصه بيعطونك رقم طلب .: ورح للمندوب اللي بيطلع يشوف المحل وبيخرج معك ويشوف المحل ويشطب على رخصتك واذا ماطلع معك ادخل على المدير وقله شطبها ومايحتاج يطلع معك الا اذا تشددو عليك لان شغلتها سهلة وماتحتاج ذا كلة بيعطونك فاتورة يقولون لك رح سددها من الصرافه قيمتها عشره ريال لطلب الغء رخصه لما سددت ارجع لهم بيعطونك ورقه اطلبهم انت قل مشهد اني قفلت الرخصه رح للغرفه التجاريه عطهم ورقه السجل التجاري اللي عندك حقتهم وبعدها بيصور بطاقتك صوره ويدخل على النظام حقه السستم ويخلصه في دقيقه وبعدها انتهى وضعك ذا كله ماخذ مني ساعه وبعدين لافيه لازكاه ولاغيرها كلها سدد بعشرة ريال حق رخصت البلدية وانتهى ... تحياتي |
طيب
للي عندهم سجل تجاري والغاءة اقدر ارجع افتح سجل تجاري مارة ثانية ممكن نحتاجة |
استغفر الله واتوب اليه
|
موفق بإذن الله ...
لك مني أجمل تحية .. |
طيب ان كان على اسمك عامل وتبي تنقل كفالته لشخص آخر كيف الطريقة؟
|
بالتوفييييييييق ان شاء الله
|
موفق بإذن الله ... لك مني أجمل تحية .
|
موفق بإذن الله ... لك مني أجمل تحية .
|
هل صحيح لزم مبلغ
طيب انا اخوي الله يسامحه جاب 5 عمال باسمي
واقله انقله باسم احد ثاني يقول يكلفوني 20 الف هل هذا صحيح وشكر ادعوا لي حرمني ولا شي من دخلهم الله يسامحه |
والله موهينه انا تبهذلت ليه سنه طالعه نازله لانو كان عندي مشغل باسمي وهوه لامي بالاصل بس كل حاجه باسمي ولما جاء حافز قررت انو انقله باسمها وكمان العماله طبعا هذا الكلام شهر 4 العام ونقلت كل حاجه وفرحاااااانه قاعده انتظر حافز علما باني ماكنت مستفيده من هذا المشغل حبر على ورق من 17 سنه وانحرمت من الوظايف بسببه ليه 11سنه متخرجه وانا توني ادري انو هوه السبب لما طلعت بحافز غير مؤهله والسبب تشير سجلات التامينات الاجتماعيه الى ان المتقدم موظف بالقطاع الخاص انصدمت حينها وبكيت وحزنت على استغلال اهلي ليه 17سنه وراجعت التامينات وجدت ملف ماتقفل وقالوا لازم تقفلينه وراجعوا اهلي وقفلوه مع دفع غرامات التاخير والحين كيف اتاكد انو مافيه على اسمي شي لانو انا بجده واهلي بالباحه ومو راضين يعطوني برنت من هنا يقولون لازم من هناك وهل خدمة اون لاين التامينات الاجتماعيه تاثر عليه ازم الغيها والاعادي تكفوووووووون ساعدوني والله كرهت حياتي وجتني حاله نفسيه وهل اقدر اطلع برنت من النت انا بنفسي وبعدين وش اسوي مع حافز اروح لهم بالموارد البشريه والا اقدم اعتراض والا احدث بياناتي وبس
|
ليه ماحد رد علي
ليه ماحد رد علي |
هل لازم ندفع فلووووووووووووووس ماعندي
|
ههههههههههههههههه
|
ماتوقع انها بهذي السهوله لان معقوله مافيه تعقيد طيب لمن يكون الستجل التجاري عباره عن نشاط عقاري
يتطلب مني اني اورح لزكان والجوازات علما بأنه العقار لايتم استقدام عماله عليه |
شـكرا لك وبارك الله فيك... لك مني أجمل تحية .
|
ردوا علي
|
يجي من يفيدك اخوي حبيت ارفع لك الموضوع
|
طيب عندي السجل التجاري منتهي من سنتين ماتجدد وعلي العماله ودي انقل كفالتهم والغي السجل التجاري
كيف تكفون ياخوان علموني اقدر انقل العمال والسجل التجاري منتهي ..وبعدها الغي السجل ولا لازم اجدد السجل وفيه غرمات او لا تكفون جابوني |
شطب السجل التجاري:
يتقدم صاحب المؤسسة أو مديرها المفوض لمكتب السجل التجاري ويعبأ طلب شطب السجل التجاري للمؤسسة أو فرع المؤسسة (نموذج رقم 16) ويوقع أمام الموظف المختص ويرفق: 1- أصل السجل التجاري. 2- حضور صاحب السجل شخصياً أو وكيل بتوكيل شرعي خاص أو عام ينص فيه صراحة على تخويل الوكيل في تقديم طلب شطب السجل التجاري مع تقديم ما يثبت شخصيته. 3- شهادة تصفية عمالة من مكتب العمل أو مكتب الاستقدام للسجل الرئيسي. 4- تقديم جميع المستندات داخل ملف علاقي. وهذا موقعهم الرئيسي يفيدك فيه كل شيء http://mci.gov.sa/procedures/2-6.asp |
موفق بإذن الله ... لك مني أجمل تحية .
|
اقتباس:
https://www.btalah.com/t68011.html |
الي يبي يغلي السجل التجاري يراسلني وابشروووووووووووووووو
|
شوف حبيبي انا والله اني تبهذلت علشان الغيه او
اولا تروح وزارة التجارة يعطونك ورقة توديها مكتب العمل ومكتب العمل يعطيك ورقة تروح الجوزات تطبع برنت من عندهم ان يكون سجلك لايوجد عليه عمال وبعدين ترجع مكتب العمل تعطيهم البرنت ويعطونك ورقة مختوم علية توديه وزارة التجارة تاخذ ورقة اقرار بالغاء السجل وتعبيه وتعطيه الموظف ويقولك تعال بكره تخذ السجل الملغي وسلامتك اشريك بالبهذله هذي الله يعينك |
شكرااااااااااااااااااااااااا
|
اقتباس:
كلامه صحيح والله خير الشاهدين نقل الراس الواحد يكلف 2000نقل كفاله للمره الاولى واذا نقل كفالته للمره الثانيه لشخص اخر يصبح نقلها مدبول ب4000 وهلم جرا |
ممكن اقدر افيدك
الحين صار النظام كله بالموقع تبع وزاره التجاره اذا رحت لهم بيقولون لك ادخل على الموقع وفيه اجهزه برا سوي لك يوزرنيم واحذف واطبع الورقه وتعال ..... فانت سوي من خلال الموقع وجبت لك الرابط
http://mci.gov.sa/ServicesDirectory/...A7%D8%B1%D9%89 طبعا بعد ما تسوي لك يوزرنيم يطلب من رقم السجل التجاري او رقم بطاقه الاحوال وكلمه مرور ويصير كل شيء عن طريق الموقع وعذرا عالاطاله :rolleyes: |
الله يعافيك
|
رد: ماهي اجراءات الغاء سجل تجاري ؟
استغفر الله واتوب اليه
|
الساعة الآن 04:07 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين