هاذي اخرة الطيبة الزايدة اخوي ابن الهيلا
و الله اني حاسة فيك و عسى ربي يرجع حقوقهم فزعتن لك آمين آمين آمين ما يضيع حق وراه مطالب طالبوا بحقكم كل واحد يسوي اللي يقدر عليه لا تصادمون بعض امسكوا الرجال اللي كل حلالكم يمكن احد من صوبك يا سارونته يقدر على شي ماقدر عليه ابن الهيلا اخذي اسم الرجال و اسم مؤسسته و عنوانه و رقم تلفونه والله 60 الف توجع رجال اشلون انتي حرمة لام الله من لامك تعاونوا يا اخوان لا تصادمون و الله ينصركم و يرد الحق لاهله |
عليكم بالشكوى الى وزارة الداخلية, وكل ما اسرعتوا بالشكوى كل ما امكن استرداد الاموال
ولا يغركم كلام والله الرجال وعدني والله الرجال ماطل فيني انتم تعرفون الى اخذ الفلوس منكم ؟؟ يعني الشكوى عليه وصدقوني يومين بيجرونه وفلوسكم بترجع والدعوا لا مشروع ولا هم يحزنون فقط جمع اموال بالباطل, واذا شافوا منكم الحزم في ارجال الاموال وتقديم شكوى قاموا بارجاع الاموال وان شافوا منكم التهاون ماطلوا فيكم باموالكم ولن تشوفوا ريال واحد الشكوى ثم الشكوى ومن يدري يمكن الاربع مواضيع لجمع الاموال الى بالمنتدى صاحبها واحد او هم قروب وحتى وان اختلف اماكن تواجدهم |
ابن الهيلا نحسبه والله حسيبه من خيرة الاعضاء من خلال حبه للخير للجميع
ولن يرضى بأكل أموال ناس بسطاء وفقراء وربما فيهم ايتام وارامل ومحتاجين ... لكن عليه دور بما انه يعرف صاحب المؤسسة وبإمكانه رفع شكوى للجهات المختصة بموجب العقود التي معه وهذا العشم فيه واذا كان صاحب المؤسسة ناوي ينصب على المساهمين فابشروا الله بياخذ حقكم وبيجعلها نار في بطنه ويصرفها على علاجه وماتكفيه .. وابن الهيلا ماراح تغريه الاف ( وسخ دنيا ) مقابل معصية لله وتكون سبب في تعاسته |
نصيحه :
خذو بيدكم مع يد أبن الهيلا وتساعدو مع بعض مو تتصادمو في بعض .. وخلو عيونكم في عين صاحب الؤسسه فقط ياناس إبن الهيلا مسسوي خير لكم ولكن الغبن جااه من راعي المؤسسه .. !! |
اقتباس:
الغبن جااه من راعي المؤسسه طيب ليش اخوي ابن الهيلا مايتوجه لقرب مركز شرطه ويرفع قضيه طالما الضمانات معاه وان الرجال هارب بالفلوس و صدقني لو سوى هالخطوه محد راح يشكك في مصداقيته وراح يصبرون عليه الناس اما جالس يقول انا معي ضمانات وحققكم مايروح طيب الى متى وناس تصبر وهم عارفين ان فلوسهم مسروقه هذا الغبن السؤال هنا ليش مايروح ابن الهيلا ليش مايستغل الوقت ويتحرك قبل تروح الفلوس وبالاخير يقعد بها (ابن الهيلا) اسمع كلامي وانا اخوك ارفع قضيه اليوم قبل بكره قبل يجي واحد ويرفعها عليك |
ياناس ياعالم انتم ليش ماتفهمون وعقولكم متوقفه تماما عن التفكير مادام اخي ابن الهيلا يقول لديه عقد موثق فليتجه الى اقرب مركز شرطه انا اتحدا اي واحد فيكم رح يحصل حقه بسهوله الموضوع ليس بيديكم ولا بيد اين الهيلا اتجهو لوزارة الداخليه ويسرعه اذا تاخرتم مو بصالحكم وانا نصحتكم وانتم احرار
|
اقتباس:
من كبر عقلك ان ابن الهيلا بيشتكي نفسه الشغله نصب في نصب واذا هو صادق ونيته صافيه يرسل العقود اللي معاه للمساهمين بالفاكس الليلة و كل مساهم يدخل ويقول وصلني نسخه من العقد اتمنى من الادارة تثبيت الموضوع |
طالما أنت صادق ولديك عقــــود ومستوفاه لجميع الضوابط والشروط ،
ماهـــــــــــــو المانع لو أظهرتها على صفحات المنتدى ؟ طالما أن المساهمه بدأت من هنـــا ؟ فعليك بذكر كل شيء هنا ؟ ياعزيزي : مادام العقد معاك فعليك بتقديم شكوى سريعة لحل الموضوع ؟ اما تحججك بعدم الرغبة في اظهار الموضوع لأن صاحب المؤسسة يتابع كل مايكتب على صفحات المنتدى ( فهذا من افكارك فقط ) لأن العقد الذي تدعيه ( اذا صدقت الرواية يكفل للجميع حقوقهم ) فأنت في السعودية وأتمنى ان تعي معنى هذه العبارة ( معناها هناك جهات امنية لن تسمح لعمليات النصب أن تظهر من جديد ) ولعلك تدرك ذلك جيداً واعتقد أن هناك رجال أكفاء في الجهات الامنية بالطائف ك( خالد خميس ) وبالتأكيد لن يسمح برواج مثل هذه المساهمات ،،، وحتـــــى أخدمك أنت وجميع الاعضاء المساهمين : زودني بصورة من العقود التي لديك مع المؤسسة وسأسعى لحل المشكلة في فترة وجيزه ؟ |
اخي ملفت انظار وطالب الجنان كلامكم ميه بالميه وانا ايضا اضم صوتي لاخي طالب الجنان وملفت انظار واطالب باظهار نسخة العقد هنا بالمنتدى امام الملأ
|
اتمنى من المساهمين بتزويدي باسم ابن الهيلا كاملا
وسوف استخرج عنه برنت كامل و نرفع عليه قضية لدى امارة منطقة الطائف |
الساعة الآن 05:41 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين