شـكرا لك وبارك الله فيك... لك مني أجمل تحية .

حياكم

ابي تجارب يااخوان

أول شي بارك الله فيك وفي أفكارك وربي يزيدك علم وفهم ..
اللهم أمين ..
بعدين فكرتك أشوفها مربحه كثير لأن العالم تحتاج الباصات كثير حتى بالمشاوير العاديه
ونا أشوف سياره جديده عشان تريحين راسك من التصليحات لأنها بتخدم معك وان شااء الله يجي من يوضح لك اذا جديده أفضل أو لا..
بعدين معلمات أفضل وشوفي زي ماقالي الأستاذ عمر لو بمنطقه قريبه من مدينتك مثل جامعة جده وبيتهم بمكه
ان شااء اله الربح يكون كبير لك وسوي اعلانات والتواصل يكون معاك ..
وتسديد القصد راح يكون من الربح ولاتحملين هم ان شااء الله ربي ييسر لك كل أمورك ويفتح لك من الرزق العظيم الجزيل ..

ديزل اوفر بس كاني سمعت معلومه اكثر خراب على الفان ........\ وعليكي بالجمس الامريكي السفاري كما سمعت اكثر صبرا للمشاوير البعيده والمستعمل لها ايجابيات من ناحية توفير السياره باسرع وسلبيات من ناحية تصليح العطل والله يوفقك

الله يفتحها في وجهك يا وخيتي,, الفكره بآذن واحد احد مربحه,, واعرف ناس كثير اشتغلو فيها والحمد لله الصافي بالشهر من 6000-8000 ما شاء الله تبارك الله,, لكن الي اعرفه انهم يودون المعلمات من المدينه الى القريه,
زي مثلا من مكه الى ديره ورى الطايف او ع خط الرياض,, او مثلا من مكه الى الساحل وكذا يعني,,يعني مو من نفس المدينه للمدينه نفسها,,وفيه امر ما دري ان صح او خطآ لكن ع حسب ما اسمع,,, انه ممنوع الاجنبي يشتغل فيها,يعني يمسك خطوط طويله بالمعلمات ,,والفان الجديد الطويل هو اكثر شي يستخدمونه وبعد مفضل للمعلمات لانها تطلع من الساعه 3 الفجر وتكمل نوم بالفان وتجي تعبانه وتكمل نوم لين توصل بيتها,لكن اهم نقطه قبل لا تبدآ
اسئلي عن السواق هل هو مسموح له او لا؟ والله يرزقك انشاء الله.

السلام عليكم

اولا : أسال الله ان يرزقك من فضله .. الشغله جدا مربحه

ثانيا : بحكم معرفتي بقريب لي يعمل في التوصيل ..

حاب أفيدك ببعض الأشياء ..

أولا .. لاتحددي مجال التوصيل .. مثلا يتم توصيل المعلمات صباحا .. وظهرا

العصر .. الى الليل .. توصيل الى أي مكان مثلا أسواق مجمعات .. منازل ..

طبعا قريبي يأخذ من كل معلمه 600 ريال ..

والشغله مربحه وحلوه .. لكن تحتاج صبر وأنسان صبور وأمين ويخاف الله ,

بالنسبة للسيارة أنصحك بسيارة فان هيونداي من 2005 وفووق

وسعر فان هيونداي 2005 تقريبا 35 الف الى 40 الف (حسب نظافته )

الوكاله 2010 تقريبا 75 الف .. (مو متاكد ) لكنه مايتجاوز هالسعر ( القير العادي )

بالنسبة للوقود .. يفضل بنزين .. لأنه سريع .. وافضل من ناحية التحمل ..الخ

وهذي صور لهيونداي

http://www.scenic-tours.be/scenictou...0Executive.jpg




قطع غيار هيونداي عموماً معقولة جداً يعني مثل التويوتا تقريباً ..

اذا بتاخذون حاولوا جديد أضمن لكم وافضل

فحاولوا في الجديد أفضل لكم والله ييسرها لكم

الله يوفقك في مشروعك ويصب عليكي الخير صبا صبا ويجعله طيبا حلال مبارك فيه وخيرا لدنياك واخرتك واذا نجح لاتنسي تتصدقي شكر لله عشان تنعمي في اخرتك و تتدوم وتزيد خيراتك وفي اموالهم حق للسائل والمحروم

اجابات ناقصة
مافي احد افادنا بخصوص السائق
وهل يلزمه رخصة عمومي او خصوصي تمشي

الله يوفقك
ومو شرط بس المعلمات ممكن الخميس والجمعه تخلينه يوصل مشاوير للاسواق والزواجات والمنتزهات ترا كثير يحتاجون ويجي طلب بالهبل وايام الاجازات ومشاوير وسط الاسبوع بس تكون قصيره عشان مايتعب السواق ويتملل ويهج لانه بيشوف الدراهم قدام عيونه ويبدأ يتفتح مخه ويقول ليه مااستفيد انا وبهالحال يااما بيناشبك ويبي يزيد راتبه ومو بعيد يطلب نسبه على اي مشاوير غير المعلمات او يهج ويروح يستاجر سياره ويوصل ويكسب والزباين موجودين عنده .. الجنسيه السودانيه ابعدي عنها مايملى عينها شي مع اني افضل هالجنسيه دايما واغلب سواويقنا منهم لكن ماعاد تملى عينه الاف وخمس والالفين الحين سائق خاص لمشاوير البيت بس لامشروع ولامايحزنون راتبه 2500
خذي هندي او اندونيسي وطبعا استقدمي افضل لك لان بتتعبين اذا بتدورين واحد لين تستقدمين صعب تشغلين واحد مو على كفالتك وماعندك اي ضمانات عليه

والمعلمات اقل شي خذي ع المعلمه 700 هذا ادنى شي لاترفعين السعر لفوق الالف ولاتنزلينه عن هالمبلغ

والرقم انشريه في المنتديات حواء وطقته وسوي اعلانات عند المجمعات وغيره وخلي التواصل معك انتي مو مع السواق لاي مشوار

اشكركم ع الافادة وانتظر المزيد