قصـيدة عاطل عن العمل : راعي الجمس

http://www.ala7ebah.com/upload/Basmalh.gif


[POEM="font="Simplified Arabic,5,white,bold,normal" bkcolor="transparent" bkimage="./images/backgrounds/3.gif" border="groove,3,silver" type=0 line=0 align=center use=sp num="0,black""]
لا يالله عفوك لا معي بيجر ولا جوال=ولا عندي وضيفه والتجاره فاشلٍ فيها


ولاعندي شهاداتٍ ولاحرفه تسد الحال=ولا حظٍ كبير لا اخطت الجره يقديها


مخابي الثوب تومي مادخلها من زمان ريال=بها فاتورة الكهرب ولا يمديني اقضيها


علىذيك العراوي تتعب الحادي مع الجمّال=ثلاث اشهور فالورشه وشهرينٍ مغطيها


ابيها لو تجمّل يوم واجلبها على الدلاّل=يجيها واحدٍ حظه مثل حظي ويشريها


نصيت العسكريّه يوم قالوا للنظام رجال=وقدّمت الملف وصورةٍ متشخصٍ فيها


خذا الاوراق مني واحدٍ ما عند ابوه دلال=سلوم الناس واهل المعرفه والطيب مخطيها


قراها في دقيقه والتفت عجلٍ علي وقال=شهادتك العظيمه يا ولد وين انت مخفيها


هزّيت الراس ماعندي تقول اني من البنقال=وقمت احب خشمه واطلبه بالله تمشّيها


حذفها من يده شين الطبيعه والنبا والفال=وقال ازين تعوّد صوب نوقاتك تعشّيها


تناوشته من الكرسي وعفت الحل والترحال=وضربته بالبياله عقب ما بيّحت شاهيها


خذوني للسجن لا نيب لا ظالم ولا محتال=مجرّد واحدٍ جا يكحل عيونه فيعميها


ويوم اني خرجت اقفيت لارض الله وسيع الجال=على برٍ هواه يداوي العلّه ويبريها


ادوّر قصعة الجربوع والظب الفتي يختال=والارنب يا شفاة الروح ما احلاها وطاريها


بلا كهرب ولا بيجر ولا غازٍ ولا نقّال=قوانين الحضاره لا تبي شوفي ولا ابيها
[/POEM]


http://www.al-wed.com/pic/5534.gif

[IMG]http://uaelove11.******.com/s22.gif[/IMG]
اخي الكريم أختى الكريمة
تأكدو أن مشاركتكم لي في مواضيعي ومشاركت اعضاء وعضوات مشاهير من دواعي سروري
****
صح بدنكم يا غالين

[IMG]http://new7.******.com/5.png.gif[/IMG]

[IMG]http://**********.net/files/23270/adress2.jpg[/IMG]

بلا كهرب ولا بيجر ولا غازٍ ولا نقّال&&& &&&قوانين الحضاره لا تبي شوفي ولا ابيها


صح لسانك ويعطيك العافيه