بخصـوص موضوع الحرس الوطني وكل المعلومات عنه ..!!
 

السلآم عليكم ورحمة الله وبركآتة..

بـ صرآحه لآ أدري عدم تجآوب الأعضاء الموجودين بموضوع الحرس الوطني.. الواحد يسأل مره مرتين وثلاث.. لكن لاحياة لمن تنآدي بـ عكس المواضيع المتعلقه بـ القطاعات العسكريه الأخرى.. تجدهم متجاوبين مع بعض وكل واحد يبغى يسبق الثاني بـ فعل الخير لـ أخيه لكي يجآوبه عن استفساره.. :rolleyes:
بـ صراحه ما ألوم الإشراف يوم نزلوا الموضوع من التثبيت :Thumbs: لأن اللي فيها مايردون الا اللي يعرفونه ويجلسون يسولفون بينما الآخرون يسألون وطنش محد ينظر لهم..:mad:



أنا عندي استفسارين مالقيت لهم أجوبه بمنتدى بحجم منتدى البطاله..!!:eek:

الأول: شلون طريقة تقديم الدبلومات الصحية ع الحرس الوطني بـ التحديد عريف صحي..!؟( انا انقبلت بالتجنيد الغربيه بس قالوا لي هذي دورة كلها جنود..!! وتركتهم :c
الثاني: كم راتب الجندي بالقطاع الغربي بعد الزياده.؟:Looking:


دمتمـ بخير..

يجي من يفيدك

موفق بإذن الله ... لك مني أجمل تحية .

وعليكم السلام ورحمة الله وبركاته
قدم في الرياض ويعطونك رقم القبول ويتصلون عليك
مكان التقديم في الرئسه حقة الحرس في طريق خريص
موفق بإذن الله ...

ربي يوفقك

هلا اخوي مااعتقد انة فية احد راح يدلك على شي وهو مايعرف عنة
اذ الواحد مايعرف مو مجبور يرد عليك لانة مايعرف شي عن طلبك
اتمنى انك تكون شفاف ولاتجلس تقول مالومهم انهم ماثبتو الموضوع

حيآك اخووي.. بس ماعتقد ان اسألتي صعبه لـ درجه تاخذ اسبوعين محد يرد عليك وتكرر سؤالك كل شوي لهم وماتلقى احد يعبرك حتى لو بأي معلومه..

اسمحلي هذا رأيي فيهم وانا مقتنع فيه... وكل واحد حر برأيه..

شكرا ع المرور..

حقين الحرس وينكم .. افيدووونا

ياطيب مالك الا تروووح للتجنيد حق الحرس موجود خلف رئاسة الحرس الوطني بالرياض اسالهم وهم يجاوبونك
او اتصل عليهم وهذا رقمهم

رئاسة الحرس الوطني: 014912222 --- 014933620

ياخوي الله يهديك الواحد يسأل بأدب واحترام ولا يقعد يتفلت ما الوم الاشراف وما ألوم المدري وش
اسأل سؤالك بكل اخلاق وادب وستجد من يجاوبك وطالما ان الشغلة اراء وكل واحد حر برأيه
انا اقول لك / ما ألوم الشباب يوم انهم كرشوك ولا ردو عليك طالما ان هذي هي اخلاقك
واسمح لي هذا رأيي فيك وانا مقتنع فيه ، وكل واحد حر برأيه ..

وكل اللي اقدر افيدك به انك تروح لشؤون الافراد بالرياض (التجنيد) وتستفسر من الأفراد والضباط اللي وضعتهم رئاسة الحرس الوطني لخدمة الافراد والمتقدمين ، لان مع الاسف سؤالك فيه تعقيد (رحت مدري وين وقدمت وانقبلت وتركتهم عشانهم جنود) ،، حبيبي كلمة اخيرة لك انا يامحدثك الان وحالياً داخل في دورة من دورات الحرس الوطني ، واحب ابلغك ان عندنا ناس جامعيين برتبة جنود وبواسطات وكبار بالسن اما اذا بتقدم وتنتظر رقمك لين يجيك يعططونك الرتبة الموازية لشهادتك وقد تاخذ 3 سنوات على الاقل ، يعني الدعوة ماهي تشرط واختيارات ، اتمنى اني افدتك

تحياتي لك