|
مناقشة وظائف المدارس الاهلية في الرياض للبنات فقط
** السلام عليكم ورحمة الله وبركاته ** تلبيتاً للرغبات الكثير من العضوات وبناءاً منا على أن المصلحة العامة من إهتماماتنا هذه الصفحة سوف تكون للنقاشات وأستفسارات المدارس الاهلية للبنات في مطقة الرياض فقط وهوا تابع للموضوع (( أحتياجات المدارس الاهلية )) هناك بعض القوانين يجب التقيد بها منها : 1 = الموضوع فقط للبنات وتواجد العضو سوف يحرمة عضويته . 2 = يمنع السب والشتم ومن تقوم بذلك يجب إبلاغ الإدارة . 3 = يمنع الردود المسيئة أو الجارحة أو تمس الدولة . 4 = يمنع التحدث عن مدرسة معينه بصورة سيئة أو ذكر أسماء أشخاص . 5 = يمنع وضع السيرة الذاتية . 6 =للتواصل مع المدرسة يسمح فقط بالايميل الرسمي أو رقم فاكس أو رقم ثابت ويمنع وضع رقم جوال. 7= عند وجود مخالفة يمكن إبلاغ الإدارة عن طريق الايقونة ( https://www.btalah.com/images/buttons/report.gif ) حتى يتسنا التعامل معها . نتمنا أن يكون هناك عمل جاد ونقاش هادف حتى يستمر الموضوع |
شكرا لكم
|
ابي ارقام مدارس اهليه
لأني بدق عليهم وبطلب طلب وضيفه؟ الي تعرف تعطيني؟؟؟؟؟؟؟؟ |
وانا كمااااااااااااااان
والاحتيااااااااج |
الله يعافيكم اذا تعرفون مدرسة او مؤسسة او مركز طبي محتاجين موظفه ادارية او مرشدة او مشرفه
عطوني خبر تعبت وانا ادور |
السلام عليكم
عجبني المنتدى وحبيت اشارك معكم انا خريجة قسم مكتبات وعلومات ماتصل على مدرسه يقولون لاء مكتفين الين وحده صدمتني وقلت انه ماياخذون هالقسم لانهم يحطون بداله اي تخصص اللي عندها خبره بالدارس لاهليه تقولي الله يجزاها خير |
بنات سلام
اللي تعرف كم رواتب مدارس الامد بليز تعلمني |
الله يوفق الجميع,,
|
الله يوفقها الي توضفني ابغى وظيفة اي شي معي تخصص دراسات اسلامية وبعطيها 5الاف ريال والله على ماقول شهيد
|
بنات مدارس القمة في حي المصيف بشمال الرياض محتاجين معلمة دين قسم الإبتدائي
|
جزاك الله كل خير
|
معقوله مآفي مدآرس تحتآج إدآريآت !!
|
اقتباس:
!!!! انتي مستوعبه اللي تقولينه؟؟ لايضحكون عليك الناس فرضا تتوسط لك وحده وتاخذ منك 5000 وبعد شهر تلغي عقدك ترى القطاع الخاص ماتقدرين تملين يدك منه يمكن حكومي اقولك ممكن وانتي اللي من نفسك تقولين اعطيك مبلغ كذا اما هو يتشرط بتدخل بالرشوة انتبهي وانا اختك لايلعبون عليك العالم بعدين ماشاء الله 5000 مره وحدهوقطاع خاص!! والله ضقت يوم قريت ردك حسيت انك مررررره محتاجه تطلعين مليتي من جلسة البيت شوفي قلبي اذا تبين تطلعين روحي لدور التحفيظ وقولي لهم بشتغل عندكم براتب بسيط يوصل 500 اذا كان همك انك تطلعين من البيت اما اذا كان قصدك الراتب دوري ياقلبي ولاتقعدين او يلعبون عليك بعض الناس اللي مايخافون الله شوفيني انا دراسات اسلامية وخبرتي 7 سنوات من غير الدورات ووبذمتي ولد يتيم الاب وصارلي سنه وانا جالسه ولا لقيت وظيفة اما بقلعة وادرين وراتب مايسوى يروح كله نقل والا يطلبوني واشرح واقضب الباب ولا حس ولا خبر ولا يأست من رحمة ربي ، لاتضعفين وتفتحين باب لمن يستغلك وانا اختك فوضي أمرك لربك وارفعي كفيك وقولي يارب من لي غيرك اشكوا له ضيق حالي ياميسر الامور يسر أمري والله يفرج همك وهمي ويرزقنا من واسع فضله |
كم تتوقعون راتب مديرة مركز دواميين 9 ساعات باليوم الي عندها خلفية ياريت تجاوب واذا الراتب يكون 3500 تتوقعون تسوى الدعوة او لاء
|
بنات عندي يوم السبت مقابلة في التوجيه ...
الي سوت مقابلة من قريب وتخصصها دين .. ياليت تعطيني خبر عن نوعية الأسئلة واللذي منه .. انتظركم إلى يوم الجمعة .. |
اقتباس:
والله ياقلبي على حسب المركز بعض المراكز اللي قويه 4000 الى 5000 بس اللي وسط حلو 3500 توكلي على ربك بس بالله عليك اذا صرتي مديرة لاتنسيني اذا فيه مجال لتوظيفي :m |
اقتباس:
شوفي ياقلبي اول شي خذي دفتر العائله + حسن السيرة والسلوك + وثيقتك للمطابقة بالاوراق بعدين اذا دخلتي أسألي وقولي وين وحدة العلوم الشرعيه اذا كنتي بتوجيه غرب الله يكون بعونك انواع التعقيد بس اذا بالجنوب او الشمال او الوسط حلو اما شرق والله مااعرف عنهم اي شي المهم اذا دخلتي خليك واثقه من نفسك وقولي لهم ابغى اسوي اختبار موافقه بيقولون لك تفضلي ثم تجلسين ويجونك ثنتين ويقولون افتحي على سورة كذا واقرأي ثم يشوفون مخارجك والتجويد وصوتك بعدها يقولون استخرجي حكم او يعطونك اية ويقولون وش الحكم اللي فيها <<<اذا توجيه غرب لاتجين عند ثنتين سمرات انتبهي عسرات الله يهديهم بس مااعرف اسمائهم كنت اشتغل بكذا مدرسة بغرب الرياض وكانوا اللي يروحون يختبرون يجون وهم منهارات منهم لأن ولا وحده اجتازت عندهم ياحياتي عليهم يكررون الاختبار بعد محاولات ويروحون ويتحاشونهم عشان يجتازون انتي دوري غيرهم وحاولي ماتكلمينهم عشان مايختبرونك المهم بعدها يسألونك أسأله مثلا ماهي مراتب الدين او اذكري انواع السحر اسئلة على حسب المرحله اللي تعطينها بعدها يسألونك ماهي الاهداف السلوكيه او كيف تشرحين او كيف تحضرين ومن هالاسئله انتي بس قولي لي انتي بغرب لأني بدور لك اسماء اللي عسرات بتوجيه غرب واجيب لك اسم الحبيبات اما توجية جنوب اختبرت عندهم ياحلوهم يوم جيت قالوا افتحي على اي سورة واقري وقريت ثم سألوني سؤال بالمنهج ثم قلبناها سوالف لأن يدي كانت مكسورة وجبت طاري ولدي ان جسمه ضعيف وقالت لي وحده منهم بجيب لك رقم وحده تعطي عسل يسمن الاطفال وخذت رقمي عشان ترسله لي ويوم جيت بقوم قلت لهم وش صار على المقابله قالوا خلاص اجتزتي :ash: |
مساء الخير ع الجميع كيف حالكم بنات ابي اسالكم المدارس الاهلية يعطون خبرة على ترم بس بليز اللي عندها فكرة لا تبخل علي دمتم بود __________________ |
بنات بليز ردوا على الله يعافيكم انتظر كم
|
تعطى الخبرة بعدد الايام التي تم العمل بها بشرط ان تتجاوز اسبوع او اسبوعين
|
السلام عليكم ورحمة الله وبركاته
بنات الله يجزاكم خير جاوبوا على سؤالي ،،،، إذا دقوا عليك مدرسه أهليه وقالوا لكـ تعالي اليوم عشان نوقع العقد ولما رحتي لهم قالوا نخليك أسبوع تجربه أول وبعدين نوقع ووافقتي على هالكلام ولما رجعتي للبيت دقوا وقالوا لك لاعاد تجين رجعت مراقبتنا القديمه وبعدها بيومين رجعوا دقوا عليك وقالوا تعالي بكره عشان نجربك في العمل هل تروحون أو لااا مع إنهم لعبوا بأعصابك بلييييييييز أستنى ردكم ..... حسبي الله ونعم الوكيل عدد خلقه وزنه عرشه ورضا نفسه ومداد كلماته حسبي الله ونعم الوكيل عدد خلقه وزنه عرشه ورضا نفسه ومداد كلماته حسبي الله ونعم الوكيل عدد خلقه وزنه عرشه ورضا نفسه ومداد كلماته |
اقتباس:
عادي ياقلبي روحي واثبتي وجودك ولا عليك يمكن مراقبتهم جتهم وطبعا لو انتي مديرة مدرسة بتفضلين القديمة على الجديده وبالعكس شوفي هي حاسبت على شعورك يوم جيتي قالت بنجربك اسبوع ولا قالت روحي مانبيك جتنا مراقبتنا الاولى بالعكس روحي ووسعي صدرك واثبتي جدارتك وانك قد الشغل انتي المحتاجه للوظيفه هم بيلقون كثثثثثثثثير روحي وتوكلي على الله وانتبهي تحكين عن الموقف لأي وحده من المعلمات او المراقبات |
اقتباس:
ياقلبي توكلي على الله وروحي لا يكون زعلك وتوتر أعصابك سبب إن تروح عليك فرص كل شي تبغينه مايجي بالسهوووووله أبد كل شي بالصعوبه وبالصبر ياقلبي والله بهالدنيا كل شي صار صعب بس يبغاله صبر والله صبر ,, لا تيأسين من شي أبد ,, طيب لو اقولك عن صديقتي 4 او 5 مرات يدقون عليها مره تعالي مره مانبغاك يقولوها بوجهها ومره تعالي ومره لقينا بدالك وبخبره ومره روحي ومر ه مدري ايش وفي النهاية ماشاء الله راحت وماأثر فيها وصبرت ووثقت بنفسها والحين كملت لها سنتين والحين الثالثة ماشاء الله ,, بس بجد كل شي بالصبر روحي وتوكلي على الله ,, ولا يهزك شي ولا تبيني لهم قهرك ولا شي بيني شخصيتك وبس هذا لازم يشوفوه فييييك .. وعلى قولة اختي عالية الهمم لا تقولي هالكلام للمعلمات والاداريات ,, احتفظيه لنفسك ,, والله يوفقك ياربي روحي وانتي متفائله وواثقه ,, |
اقتباس:
بس المشكله إن مراقبتهم ماجت وكل المدرسات والإداريات عارفين بالموضوع لأنه يوم كلموني أول مره ورحت لهم كانت كل وحدهـ تشوفني في الأداره تسألني وش تبغين حتى المراسله سألتني يعني كل المدرسه عرفتني وطيب إذا مراقبتهم جت ليش يدقون ويقولون تعالي واليوم بنوقع العقد وفي الأخير يقولون جت مراقبتنا مع إني متأكده إنها ماجت بس ماأقول إلا حسبي الله ونعم الوكيل الرازق في السماء والحاسد في الأرض " اقتباس:
ماشاءالله تبارك الرحمن على صديقتك الله يوفقها ويوفقك ويرزقنا وإياكم بالرزق الحلال اللي يرضينا ويسعدنا ياارب " ومثل ماقلت لأختي اللي قبلكـ المدرسه كلها شافتني وعرفتني وعرفوا السالفه كلها الله المستعان الله يكتب لنا اللي فيه الخير والخيره فيما إختاره الله " الله يسعدكم يابناات ويوفقكم ويرزقكم بالوظايف الحكوميه اللي تغنيكم عن الناس وتسعدكم يااااااارب والله يجزاكم الجنه " لكم خالص دعواتي بظهر الغيب الله يسعدكم ياارب مشكووورين على ردودكم:w |
رجائي ياقلبي
شافوك والا ماشوفك سألوك والا ماسألوك حطي ببطنك بطيخه صيفي على قولة اخواننا المصريين انتي روحي ولايهمك أحد فيهم اهم شي اذا رحتي انتي هناك وارتحتي واستمريتي معهم هم راح يعرفونك زين ومبين ماشاء الله انك خلوقة وذوق ولو افترضنا ان المدرسات عرفوا السالفة وبعدين ؟ هم اكيد مجربين مثلك مرمطة المدارس الاهلية يعني حالكم من بعضه وخذي الامر ببسآطه والله يجعلها من نصيبك اذا فيها خير لك |
اقتباس:
مشكوووورهـ أنونه على كلامك الروووعه الله يعطيك حتى يرضيك ويسعدك ويجزاك الجنه يااارب " اللهم آمين والله يكتب لك الوظيفه الحكوميه اللي بخاطرك ياارب " |
اقتباس:
انا درست فمدرسه اهليه وصار لي موقف مع فصل لان الطالبات استهبلوا علي بس ما قدرت اتحمل قسم بالله كرهت الدخله عليهم وكرهت وجيههن قليلات ادب واستخرت الله وبعدها تركت المدرسه والله ما تحسفت لحظه على تركها اهم شي الراحه النفسيه بالعمل والله يعوضني خير منها |
اهم شي اختي رجائي الجنه استخيري قبل اي شي تسوينه والله يكتب لك الخيره بامره
|
بنااااااااااات اذا تعرفووون مدارس بشرق الرياض محتااجين معلمات انجليزي , وراتب مغررري
خبروووني جزاكم الله خير |
بناااااات ابشركم توظفت اللهم لك الحمد
والفال لكم ان شالله يا رب |
يعني خلاص باذن الله ما عادني متكية
هع |
........
|
مبروووووووووووك ماشالله
الفاااااااااااااال لي يااااااااااارب |
مبروووك
وربي يوفقك |
بنات أبي أسألكم ايش الأفضل لمجال العمل كادارية
أو أي وظيفة دورة ادخال بيانات ومعالجة نصوص 6 أشهر والا استخدام الحاسب في الأعمال المكتبية 3 أشهر ؟؟؟؟؟؟؟ ردوا بسرعة لأنه لازم أحدد بكرة |
اقتباس:
الأفضل دايم ادخال البيانات 6 اشهر لأن معترف فيها بخلاف ال 3 اشهر بعدها خذي الاعمال المكتبية ,, والله يوفقك |
اقتباس:
بس تقدرين تاخذين ثلاثه وإذا عجبك الوضع تكملين 6 شهور والله يوفقك يارب |
[align=center]
السلام عليكم ورحمة الله وبركاته بنات الله يسعدكم ابغى معلومات لو بسيطه عن وظيفة مراقبة رياض اطفال وسكرتيره للمديره ايش المهام الي يقومون بها لو نبذه بسيطه وايش الافضل تكفون ابغاه ضروري الله يسرلكم كل عسير ويفرج عليكم [/align] |
مدرسة أهلية بشمال الرياض محتاجييييين مشرفة تمهيدي (تخصص رياض أطفال) + معلمات علوم و رياضيات للمرحلة الإبتدائية المؤهلات بكالوريوس الخبرة لا تقل عن 3 سنوات طريقة التقديم ترسل السيرة الذاتية على الفاكس 4625919 - |
متكيه في البيت الف مبروووك
الله يوفقك ويسعدك يارب |
| الساعة الآن 09:10 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين