شوركم ياوجيه الخير
السلام عليكم يااخوان أيهما أفضل الوظيفة في شركة أم الوظيفة العسكرية ريحوني الله يريح بالكم , يعني حطو انفسكم مكاني ابي كلام واقعي |
ههههههههههههههههههههههه
مايبي لها عسكريه ياهووه امان وظيفي+ احترام+ راتب |
يالغالي حسب الرغبة
لكن لو انا في مكانك بأخذ الي اشوف عمله راااحه مع العلم ان رواتب العسكر حلوه ــــــــــــــــــــــــــــــــــــــــــــــــــ ــــــــــــــــ http://uploaded.m0dy.net/664900/m0dy...1269527768.bmp |
الشركات ما لهم أمان أبد
والعسكرية انا اشوفها أفضل وهذا رأيي اخوي ابيك تستخير وتشوف نفسك وش راح ترتاح له وربي يكتب لكـ مافيه الخير لكـ إن شاء الله |
شوف يالطيب اذا انت بتصبر على التعب عليك بالعسكريه
|
العسكرية ... خاصة الحين رواتبهم تحسنت ...
|
العسكرية فك نفسك من الشركات
ظلم للسعوديين لكن حسبي الله |
مافيه اي وجه مقارنة
بتقول لي ليش ؟ اول شي القطاع الخاص مافيه امان وظيفي وفي اي وقت يقدر يلغي عقدك او ما يجدده ويجيب لك مليون عذر ( انتاجية - تقليص عدد الموظفين - ازمة مالية .. الخ ) فوق هذا تح***ه قذرة وعنصرية نتنه من الاجانب بشكل لا تطااااااق مايبغونك تعرف شي .. اجل وش له ادرس واتدرب عشان اجلس على المكتب ! مستحيل تتعلم من اجنبي بعكس العسكرية انت وضعت لحماية المواطن وبيعلمونك ويدربونك بس انصحك تحط في بالك فكرة .. ان العسكرية بعد التقاعد راح تستلم الراتب الاساسي وهذا مايعني ان الشركات افضل بالعكس هي والشركة واحد في هالجانب ، بس حاول تبني لك عقار او تفتح محل يعني اعمل شي لما بعد التقاعد وهذا الي عندي وربي يوفقك |
اولا جميع الاخوان قالو العسكريه ربما معهم حق لانك لم توضح اي نوع من الشركات التي تقصد في شركات ما الجميع يرغب العمل فيها وفي الشركات الاخرى التي فقط تريد مصلحتها . انظر الى وضع الشركة من حيث القوة وبعدين اختار
بالتوفيق |
والله انا اشوف صعب الحكم كذا بشكل عام ..
يعني عطني راتب الوظيفه بالشركه ~ مسماك الوظيفي فيها ومستقبلك بالشركه هل تطور موظفيها او لا~ اسم الشركه الي تعمل فيها اشياء كثير تقارن بينها .. لكن تحكم على موضوع من زاوية الأمان الوظيفي فقط .. أكيد بتكون نتيجة قرارك ناقصه وأنا الحين اعمل بشركه وراتبي تقريبا 5000 وبجنب بيتنا ووظعي بالشركه هم محتاجيني ومثبت نفسي ومرتاح ولله الحمد والعسكريه لو اروح اقل راتب بيجيني 7000 لكن مو عارف بأي مدينه بتعين وتعب وقلق ,, فالفرق بين الراتبين هنا اشوفه بيطير اجار ومشاوير واكل وشرب وخلافه .. يعني راتب 5000 = راتب 7000 والموضوع يرجع للشركه ووضعك فيها وكم راتبها وكيف مستقبلك فيها ..! لكن اني اقول الشركه افضل او العسكريه افضل كذا .. صعب .! |
الله يجزاكم خير اخواني ويوفقكم واحد واحد
بالنسبة للعمل بالمنطقة الشرقية يااخوان بعيد عن الاهل يعني حوالي 1200 ك والراتب حوالي 6000 يعني الحمد لله على كل حال والله يااخوان الوظايف صعبة اللحين قدمت على الخدمة المدنية وشكل ماحولي ديرة وانا مقدم على العسكرية ونقول على الله الله يعطيكم العافية الاخوان اللي مروا من هنا بالتوفيق للجميع |
اقتباس:
انت قلت راتبك 5000 وفي العسكرية راتب 7000 يعني في النسة فرق 24000 وفي 10 سنوات 240000 بغض النظر عن المعدل التراكمي للزيادة السنوية فيه فرق كبير بينها وبغض النظر عن دوام الشركة لازم يحللون راتبك واكثر بس العسكرية بتداوم وانت مرتاح ... لا وبعد الاجازة ... في القطاع الخاص 30 يوم ما تزيد ولا تنقص بس في العسكرية توصل ل45 يوم في السنة ... فيه فرق كبير حتى لو حطوك في مكان بعيد .. مع احترامي لرأيك .. بس العسكرية أفضل بكثير ... والقطاع الخاص على حسب الشركة وطموحك واجتهادك ... ممكن اذا كانت شركة قوية وقدمت لهم اقتراحات وابداعات ممكن توصل بسرعة فوق فووووق ... انا اقول على حسب طموحك واجتهادك ... اما اذا انت انسان تبي تريح راسك مالك الا الحكومي ... وبالتوفيق للجميع ... |
ياخي وانا اقرا عنونك وافتح الصفحة الى وانا في صورة خوفتني جدا وكنت ابي ادلي بدلوي مع الاخوة لكن تدري نضر بوجة النعامة واستخير ربك بين هالامور. بالتوفيق
|
ياخي روح عسكريـه وقديـها وظيـفه رسمـيه
اما الشــركـات في اي لحضـه قالولك توكـل على اللــه شوفلك محـل ثاااني بأي شركــه موفق خيو |
[align=center]
اقتباس:
ههههههههههههه النعامة هذي صديقتي حياك الله اخوي الله يكتب اللي فيه الخير والراحة أشكر اخواني جميع بالتوفيق ان شاء الله[/align] |
نصيحة من محب للجميع اذاكان عمرك 23او اقل جرب الشركات وبعدين يمكن تلقا وظيفة مدنية بعد ال25
رد علي وشرايك والله يرزق كل عاطل |
اقتباس:
الله يوفقك اخوي مافي احلى من الاستقرار العلمي يعني شف اكثر الشباب يقولون مالها امان بعدين ولاية الاجانب قشرا عسى الله يوفقنا بوظيفة حكومية زينة |
الساعة الآن 07:26 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين